Benvenus en ARPITANIA !

 Mon tres chier pere, quant est de moy, je no vos puis mandar chosa que soyt a vostra consolacion, mays je vos evoy una mout douci chosa ...
Marguerita D'Oingt
Biôjolês 1310
 Los Arpitans, historicament divisâs en comunôtâts ôtonômes, parlont de centênes de variantes dialèctales du francoprovençal, cetos parlers, que sont bien difèrents entre lors, rendont la comprèancion sovent très dificila.
 L'amôr por la lor lengoua et lo dèsir de transmetre la biôtât de ses sons ant poussâ cetes comunôtâts a dèvelopar, atot l'éde de valents dialèctologues, les ples variâyes grafies fonetiques, avouéc lo dèsagrèâblo rèsultâ d'isolar oncor ples lors parlers et lors comunôtâts.
 Enqu'houé, que des nôves tècnôlogies nos pèrmètont de conservar et transmetre los sons de noutros dialèctes de maniére simpla et imèdiata, est donc arrevâ lo moment d'avêr un'ècritura èficace por tot lo domêno lengouistico.
 Una ècritura por nos parlar et por nos comprendre, enfin : por comunicar !
Dze predzo de viëille paolle nëssuye avouë ma tseur viventa, ëpanduye deun lo meun cervë per se barme encougnuye et sortuye comme de meseuca di ten ...
Marco Gal
Vâl d'Aouta 1986
           
Dyan-Fanfoué k éta apré kassâ
on-na kruétæ su le bo de la tâbla
de la kozenæ, s é kilâ on tarô
de pan dyn le bé pe se balyé
le tin de pinsâ. ...
Pierre Grasset
La Folanshri dlou Taguè
Savouè 2000.
[ARPITANIA] Ce qu'è laino, le Maîtrè dé bataillé
Que se moqué et se ri dé canaillé,
A ben fai vi pe on desando nay
Qu'il étivé patron dé Genevois.
...
Anonimo
Ce qu'è laino
Geneva 1603
           
    Travalyens tôs ensemblo porce que pouesse ègzistar un Arpitan oficièl standard que nos utiliserens por la cominicacion ècrita et por les situacions formèles, por la comunicacion enformèla conservens tojorn noutros dialèctes matèrnals.