La Parola : bèrgiér, bèrgiérs
13147
definicion : Celi qui mène et gouâde un tropél ux champs.
nota : bèrgiér ; feyér (rare) ; pâstor, var. pâtor, pâtro (pas général) ; armalyér (mot alpin) ; bouèbo, -a, (mot surtout alpin)
- Francês : berger
- Italien : pastore
- Gramatica : nom mâlo
- Varianta : bèrgiér, bèrgiérs (Pie)
- Varianta : bèrgiér, bèrgiérs (Dfn)
- Varianta : bèrgiér, bèrgiérs (Bjl)
- Frâsa : Quand la bèca prend lo chapél,
Bèrgiér, te pôs prendre lo mantél.
- Frâsa : De nuet una lumiére
Ux bergiérs 'l at 'paru;
Un ange vint lyœr dére:
Lo Sôvœr 'l est nèssu.
- Frâsa : Bèrgiérs, dês que les anges
Du cièl sont dèscendus,
Por chantar les les loyanges
D'un menât houé nèssu.
- Frâsa : Oh bergiérs, vos lo vêde:
Ah! lo pouro menât!
Dens ceta nuet si frêde
Sur de fen 'l est cuchiê.
- Frâsa : L'ôtro prend u côlan un homo que labôre,
Qu'en bien sè dèdendant 'n est quito pœr ses lâvres;
Et un hardi bèrgiér que s'est prècôcionâ,
Revint dus champs, sangllant, et sens mans et sens nâs.
- Frâsa : Râma d'âlâgnér.
Lo bouesc d'âlâgnér 'l est soupllo.
Un âlâgnér chargiê des âlâgnes.
Chapotàr un bâton de bèrgiér avouéc una râma d'âlâgnér.
Chapotàr una vache de bouesc, una cornalye avouéc un bès d'âlâgnér.
- Frâsa : Les bèrgiérs, lœr étot, 'ls ant trèt lœr vèsta grise;
'ls ant betâ la tanèta et la genta chemise.
Aprés mè, tot vegnêt: femèles, homos, garçons:
Les uns sur des montures et les ôtros a piaton,
- Frâsa : Les frutiéres ux bèrgiérs criont: Denâ 'l est prèsto!
P'arrevàr lo premiér, o est a qui est ples lèsto.
Châcun prend sa culyér, dit lo Bènècitè;
Un garçonèt vat prendre un pan u panatiér.
- Frâsa : Les bèrgiérs, les menâts que 'l aviant pas de bréles,
Qui vat chèrchiér de tronc, qui vint atot de sèlyes;
P'avêr plles vito fêt, qui réste a cropegnon,
Et menjont la pélâ tuéts dens lo mémo bronz.
- Frâsa : Bientout, per totes cârres on sentêt ja criàr:
L'hora d'ètièva arreve, alens donc vito arriàr.
V'ussiâd vu! les bèrgiérs, les petiôdes bèrgiéres,
Un chanon aprés l'ôtro, emplléssont les chôdiéres.
En duère, vant lavàr lœr chanon, lœr colior,
Et mémament lo nâs, tant que cen seye prod.
- Frâsa : Les ôtres, per dedens, a grant tren dèpelyêvont.
De cé (d'icé) que sortéssiant, les vaches s'aprochiêvont
A tôrn de lœrs bèrgiérs, pœr possêr de lœrs mans
Prendre un gremél de sâl, des greselyes de pan.
- Frâsa : Les bèrgiérs sen souci, que lo trop de bon temps
Que 'ls ant en Vèrtosan, assemblle tot sovent,
Veyent lœrs vaches quièyes a l'hèrba savoria,
Profitont du moment pœr fére la partia.
- Frâsa : Ja les vaches sont totes atot lo morro en l'êr,
Borneyent, cornatent cela que 'ls ant a pârt.
Les bèrgiéres, les arpians, les mêtres, les frutiéres,
Que pèrdusse la lœr 'ls aviant ja tuéts pensiére.
- Frâsa : "A mon tôrn!" 'l at-il dét, un bèrgiér valêsan;
Je vâ chèrchiér Fribôrg, rêna de Jovençan.
Una vache s'avance en brenlent sa sonalye;
O est Fribôrg, que s'en vint presentàr la batalye.
- Frâsa : Lo fèyan 'l est lo bèrgiér des fèyes.
- Frâsa : Tuéts les matins, come d'usâjo,
Je prègno ma bouge et mon fouèt;
J'assemblo de tot lo velâjo
Les fèyes, u son de mon cornèt.
Desot lo têt cuvèrt de palye,
Lo bèrgiér vit sensa torment;
De lacél, la chiévra nen balye;
Lo champ lo nurrét de froment.
- Frâsa : Des veles et de lœrs grants rechèces,
Que vegnens (vegneyens) pas més m'en prègiér...
J'âmo mielx permié cetes pèces,
Avouéc tè, fére lo bèrgiér.
Desot lo têt cuvèrt de palye,
A pâpa, n'édierens tuéts doux;
Du lacél, la chiévra nen balye;
Vivre chiéz sè, ren de plles biô!
- Sinonimo : armalyér
- Sinonimo : feyér
- Sinonimo : feyérox
- Sinonimo : pâstor, pâstors
- Sinonimo : bouèbo, bouèbos
