La Parola : celor
13770
definicion : pronom dèmostratif.
- Francês : ceux(-là)
- Gramatica : pronom dèmostratif
- Varianta : celor (GE)
- Varianta : celos (Dfn)
- Varianta : céls (Bjl)
- Frâsa : Los Savoyârds vito préront la fuita,
Quand ils viront renvèrsar la marmita
Yô ils aviant butâ couére a denar,
Por tôs celor qu'ils aviant amenâs.
- Frâsa : Souessanta-sèpt tétes ils ont lèssiê(es),
Que le borriô a copâ(yes) et trenchiê(es),
Por les butar sur doux u três chevrons,
Por les montrar a celos que vœdront.
- Frâsa : Lo palès retentit du procès qu'ont los prétres;
N'y at plles de suretât, pas mémo dens los cllouetres.
Mile contrebendiérs remplléssont les prêsons,
Celos dètèrminâs tuont los sôta-bouessons.
- Frâsa : Céls-ce plles grôs de mè m'ant conselyê de quitàr perdre les dèssins du/des bouye/bouyes boa que seyont uvèrtes ou cllôtes, et de m'entèrèssiér plletout a la g·eografia, a l'histouère, u(x) carcul(s) et a la gramère. 'L est parèly que j'é abandonâ, a l'âjo de siéx ans, una magnifica carriére de pintro. J'éro étâ dècoragiê de l'ensuccès de mon dèssin numèrô 1 et de mon dèssin numèrô 2. Céls-ce plles grôs de nos compregnont jamés ren de per lœr, et 'l est lagnês, pœr les menâts, de falêr tojorn lyé èxpllicàr les bagues.
- Frâsa : L'Èvèque, l'Intendant font de grandes largèsses,
Pœr solagiér celos que la mâla fam prèsse.
Icé je cèsserên de vos entretenir,
Màs lâs! Noutros mâlhœrs ne sont pas tôs finis.
- Frâsa : Les gens de Sent-Lôrent, celos de la Pèrriére
De totes les façons érant dens la misère:
La pouer d'étre neyês, la pouer d'étre ècrasâs
Ne lor donâve pas lo lèsir de pensar.
- Frâsa : Los uns ont de mulèts, de bidèts, ou de rôsses;
Los ôtros font sèlar lors chevâls de carrosse.
Se 'n y at que vont pœr vêr, 'n y at d'ôtros qu'ont lo souen
De solagiér celos qu'ont un prèssant besouen:
- Frâsa : Los sodârds dens lo lor depués long-temps nagiêvont,
Celos qu'érant desot u-dessus sè logiêvont;
L'Ètat-Major dôtant qu'ils fussont sûrament,
De los alar querir 'l y ut un comandement;
- Frâsa : Lo dègât que parêt ne sè pôt bien comprendre:
L'on ne vêt rien de sèc tant que vua pôt s'ètendre;
Les Granges sont cachiês, la Pllana, l'Ila-Vèrt;
Et celos de Sent-Roc sont dessus los cuvèrts.
- Frâsa : Los Péres de lors souens lor donont bèla mârca;
Ils sont tôs bateliérs, lor portâl sèrt de bârca.
Celos pouros quartiérs sont ben si mâl trètâs
Que tôs los encolens sonjont de los quitar.
- Frâsa : Ne fôdrêt pas songiér de sortir per la Gralye.
Lo pont est renvèrsâ, tot coma la muralye.
Céls de Bôna prèssant d'étre racomodâs,
'L y at pœr y travalyér de sodârds comandâs.
- Frâsa : Châcun devant chiéz sè cueve, netèye, lâve;
Qui tire sos toniôs, qui fât vouedar ses câves.
Se los grands per lors gens sè font complimentar,
Celos du tièrs-ètat côront sè visitar:
- Frâsa : Diœ est très grant dèlice, câr o non est doçor ni dèlice qui bon sêt que de lui ne vegnet, câr il est lo doz lèctuèro en cui sont totes les bônes savors. Il est si bon que céls qui en agôtaront, come plles lârgement en recêvront et ils plles grant fàm en aront, ni ôtra chousa dèsirar ils oseront fôr la doçor que ils de lui sentéront.
- Frâsa : Certes jo ne crèyo que lo mondo êt côr si frêd, se il savêt bien pensar et cognetre la très grant biotât de Noutron-Sègnor, que il no fut tot embrasâ d'amôr. Màs o at de côrs qui sont si abâtardis que ils sont come lo porcél qui âme plles lo fllât du fangiér qu'il no farêt d'una bèla rousa. Assé fant céls qui âmont plles pensar en les chouses de cet siègllo et plles y ant de confôrt que ils non ant en Diœ. Et ces sont si pllens de tènèbres que ils non y vèyont gota.
- Frâsa : Quand ço fut fêt, ele vit venir una grant compagnie de gens lesquâls furont sens comparèson plles resplendissents que les solos en sa plles grant cllartât. Et tuét, ensé quant veniant, ils sopllèâvont envers l'ôtar, en la partia en que éret Corpus Domini et aviant les face sembronchiêes come pllênes de grant pediêt. Les premiérs et tuét céls dèrriérs sè metéront ensems, et pués ils sè dèpartéront et furont entre lor doux cors.
- Frâsa : Entretant ele vit venir d'ôtros plles biôs que tuét les premiérs et entréront sè entre celos doux cors, et les cors qui los recevéront sopllearont tuét a grant rèvèrence; ces dèrriérs étiant si grant compagnie que on non y potêt metre nombro, et furont lor doux ôtros cors.
- Sinonimo : celos
