La Parola : crouyo, crouye, crouyos, crouyes
15516
definicion : 1) petiôt;
2) pou g·ènèrox;
3) avâro
4) dur;
5) ...
- Francês : mauvais
- Italien : cattivo
- Italien : brutto
- Gramatica : adjêctif
- Varianta : crouê, (crouèye-crouèya)
- Varianta : crouê, -èye -èya (VS)
- Varianta : crouyo, crouye/crouya, crouyos, crouyes [Cbl]
- Frâsa : De tués los mês, Fevriér,
L'est lo ples côrt et lo ples crouyo.
- Frâsa : De Julyèt la sombra matenâ,
marque pas crouye jornâ.
- Frâsa : Biôx jorns de Geniér,
Sovent crouyo temps en Fevriér.
- Frâsa : Bél solely lo Devendro,
Crouyo temps la Demenge.
- Frâsa : Lo cortil a pas etâ capionâ est tot embrolyâ de crouyes herbas.
- Frâsa : Dens celes crouyes botas lo pied at pas de fèrmetât.
- Frâsa : Oublia les crouês jorns, les soucis.
Tè fôt ècrire u present.
La via el est bèla, dis marci.
Tu recês cen que t'en atends.
- Frâsa : Quand lo solely sè cuche cllâr et que 'l y at ren de nioles, marque lo crouê temps.
- Frâsa : De crouês lévros.
- Frâsa : Quand les mouches sont tant mèchientes sentont lo crouê temps.
- Frâsa : Quand lo fom trêne, 'l est segno de crouê temps.
- Frâsa : Quand pllôt et fét solely,
Fét lo temps des crouês chevréls.
- Frâsa : Et cél jôli trin-trin de l'or et de l'argent
Sonerat-il tojorn? Pœr mè n'en sé ren.
Dens les crouyes compagnies, yô son cœr lo trênâve,
'L at mengiê, dens huét jorns, tot cen que possèdâve;
Sè trovant sensa argent, vend fin que ses habits,
Vat demandàr son pan pensent a son payis.
- Frâsa : 'L ére tot sarvouegiê: ses uelys érant franc rojos,
Et lo fond de son cœr lyé fesêt un preprôjo...
Pariér, sensa travâly, 'l avêt pas de mengiér;
Pœr gouardàr les gadins 'l est alâ s'engagiér.
Per pèrmission de Diœ, son mêtre lo trètâve
Atot de crouê pan nêr, come lo meretâve;
- Frâsa : Pâssa pas dessus cét crouê lan, bllèye.
- Frâsa : Lyé vint, d'Ana sa fèna, u mondo un gent garçon,
Qu'il at pués bien enstruit dessus le religion.
"Mon garçon, desêt-il, que tojorn tè chaouyéyes
D'ofensàr lo Bon Diô; que jamés te tè vèyes
Per les crouyes compagnies, yô tojorn lo dèmon
Dens lo cœr inocent fêt entràr lo poueson".
- Frâsa : Préye bien lo bon Diœ pœr tè, pœr tes parents.
Que d'orguely, dens ton cœr, n'entreye jamés ren.
Pôrta jamés la man sur lo bien de tes fréres.
Fà l'ârmona selon que te la porrés fére.
Rend tojorn grâce a Diœ du mâl come du bien,
Et siu lo drêt chemin de ses comandements.
Prend-tè gouârda d'alàr per les crouyes compagnies;
Câr avouéc les mèchients, lo bon mémo s'oubllie.
- Frâsa : Cela crouêye vegne m'at balyê de travâly.
- Frâsa : Prendre un crouê pllêt.
- Frâsa : Cela crouye ramâ 'l at nion qu'a bllètir la puça.
- Frâsa : Des crouês rouénos.
- Sinonimo : mèchient, mèchienta, mèchients, mèchientes
