La Parola : ètot
16717
definicion : -
- Francês : aussi
- Francês : avec
- Italien : anche
- Italien : con
- Gramatica : advèrbo
- Varianta : atot (GE)
- Varianta : atot
- Varianta : atot (Pie)
- Varianta : étot (VdA)
- Frâsa : Se plôt lo premiér jorn des Rogacions plôt étot u temps des fens; se plôt lo second jorn, plôt u temps des blâts; se plôt lo trêsiémo plôt oncor u temps des venenges.
- Frâsa : Mè semelyet que ols t'ant gnint donâ a bére atot l'embossior.
- Frâsa : Ils roulâvont d'una tâla furia,
Et per bonhœr ils étévont enroulyês,
Ils fassévont oncora més de bruit
Qu'un bovèron atot cinq cents chevréls.
- Frâsa : U comencement t'avéve prês un papiér bllanc et, tot orgolyox, t'éres parti por la granta aventura de devenir ècriven. Mas, tot de suite, aprés aver ècrit les premiéres paroles, la cèrtituda de ta man ére èvania: t'éres pllen de doutes et de demandes.
Coment ècrire ço, coment ècrire cen ...
Et l'entousiasmo de comunicar atot ta lengoua-mére 'l ére étâ rèdui u pesant silence de l'analfabèto.
Pou a pou doves quèstions s'éront ècllarâyes: coment ècrire et coment sè fére comprendre?
- Frâsa : D'icé la seconda quèstion. L'arpitan, come totes les lengoues minoritères, est, u moment actuèl, un conjuent de dialèctos bien difèrents entre lors et, bien sovent, los mémos arpitano-parlents ant mâltemps a sè comprendre. Èvident que l'adopcion de grafies dialèctâles de tipo fonètico ètrêt feni atot la reproduccion des mémos problèmos de inter-comprèasion que y ant por la comunicacion orâla. En plles, quand sè trète d'un tèxto ècrit, que seye pas una simplla pancârta de quatro paroles, la nècèssitât de sè rèpètar a vouèx hôta parola por parola por chèrchiér de la comprendre dètruit complètament lo pllèsir de la lèctura; et una lèctura sens pllèsir nion la fét.
- Frâsa : "Se t'ècris ol est porquè te vôs que quârqu'un liéseye, se t'ècris ol est por condivisar tes èmocions, tes idês, tes èsperances atot d'ôtros" cen vos ècrit mon amis Flloran Corradin déns lo romans "lo temps" en ècritura supradialèctâla arpitana.
- Frâsa : Quand les gencianes et les charaméls sont tant longs, mârque que l'hivèrn seràt étot long.
- Frâsa : Quand les clloche chanjont de son, change étot lo temps.
- Frâsa : Come lo temps étot lo mondo change.
- Frâsa : Ils contont que un côp, quand lo sacristin 'l est passâ devant los homos, atot la grobelye du pan benit.
- Frâsa : Françon, tota dèconfortâye,
S'en vat atot lo petro pllen.
- Frâsa : Qui volyêt d'ôtros côps fére sa provision
Sur son âno partêt, et, bâs per lo Piemont.
Atot son sac de riz revegnêt la bisèta
Bralyent, estentant, sofllent et mémament des côps
Per la rampâ de Bard et de la Montjovèta
Il/o veriêve les fèrs, il/o sè tordèt lo côl.
La fèna, les menâts que la fam tormentâve.
- Frâsa : Lo chavagnon en brès, la bôna mènagiére
S'en vat vendre bien chier lo frut de sa chôdiére.
Son burro frèque et ses fromâjos grâs
Fant franc envéy'! sont fêts p'étre agouétiês!
Pœr sè dèdamagiér des pênes que sè balye
Vat vendre, doux sous l'un, les ôfs de ses polalyes;
Sè prend sucro, câfè... màs de céls-ce bonbons
N'en saviant noutros vielys pas mémament lo nom;
Lor fesiant via longe atot pan et fromâjo.
Tot-un de cél câfè sè nen fét trop d'usâjo;
Dês la plles grôssa dama u dèrriér savatin,
Tot vôt pœr dèjonon la tâssa lo matin.
Cél cllàr tot-un mè étot je l'âmo;
Et se j'é l'êr de fére la leçon,
O est qu'on derêt qu'on vint plles grâmo
A fôrce de megiér de bon.
- Frâsa : Pœr possêr vos prègiér du bon cllàr de la trelye
Que fét noutro payis, serêt franc a propôs,
D'avêr-nen devant mè, tot justo huét botelyes
Pœr les agôtar bien a bél tôrn doux-três côps.
Èprovens: Tè Donâs? Oh, lo bon Pecotendro!
Grôs rojo de l'Enfèrn, tè t'és pas lo plles muendro.
A ton tôrn, des Oulyéres, honœr de Chesalèt!
Et tè bon Malvouèsie de Monsiœr Farinèt!
Ô, colena de Vela, agôtent de ta Biôla;
Fé-mè de ton Oriou sentir lo gôt, Vegnôla,
Chambâva ton Môscat fêt, je n'en dôbto pas,
Gouarét lo ventro a tuéts, mémo a qui 'l at nion mâl.
Lé, pèrdens pas lo temps atot d'historiètes;
Chavonens, o est ben mielx, l'amolon du Torète:
Ôtro ço que cél vin fêt de l'égoue du Pô
Ou de cela de noutra Duère
Que sât s'en tornàr sus, dedens des bosses entiéres,
Atot bèla colœr, màs tojorn sensa gôt!
- Frâsa : 'L ére tot sarvouegiê: ses uelys érant franc rojos,
Et lo fond de son cœr lyé fesêt un preprôjo...
Pariér, sensa travâly, 'l avêt pas de mengiér;
Pœr gouardàr les gadins 'l est alâ s'engagiér.
Per pèrmission de Diœ, son mêtre lo trètâve
Atot de crouê pan nêr, come lo meretâve;
- Frâsa : "Hèlâs! contre lo cièl et contre vos, mon pére,
Desêt-il, j'é pèchiê; ô mâlhœr! ô misère!
Je mereto pas més d'entràr desot cél têt,
Pas mémo pœr sèrvir voutro dèrriér vâlèt.
- Tin les cllâfs de l'archon, tes bagues sont plleyêyes;
Va betàr tes habits, tes vèrgètes dorâyes.
Tot cen que s'est passâ, mè je l'oublio tot;
Des rechèces que j'é, t'arés ta pârt étot.
- Frâsa : 'Ls aviant lœr biô fordâr, liyê atot des livreyes,
Lœr gent mochior du côl des plles biôs qu'in troveye;
'Ls aviant lœr sarge roge a bastes per lo fond;
Cél jorn, 'ls ant jarretâ tant qu'u fond de l'archon.
- Frâsa : Les bèrgiérs, lœr étot, 'ls ant trèt lœr vèsta grise;
'ls ant betâ la tanèta et la genta chemise.
Aprés mè, tot vegnêt: femèles, homos, garçons:
Les uns sur des montures et les ôtros a piaton,
- Frâsa : Les bèrgiérs, les menâts que 'l aviant pas de bréles,
Qui vat chèrchiér de tronc, qui vint atot de sèlyes;
P'avêr plles vito fêt, qui réste a cropegnon,
Et menjont la pélâ tuéts dens lo mémo bronz.
- Frâsa : Ja les vaches sont totes atot lo morro en l'êr,
Borneyent, cornatent cela que 'ls ant a pârt.
Les bèrgiéres, les arpians, les mêtres, les frutiéres,
Que pèrdusse la lœr 'ls aviant ja tuéts pensiére.
- Frâsa : Et châcuna, a bétôrn, pœr pas pèrdre tèrren,
Pllante ses coques en tèrra, et lé vat pas plles lluen.
Ègâla 'l est lœr fôrce, ègâl est lœr corâjo;
Faront-els de lœr glouère étot ègâl partâjo?...
- Frâsa : Atot cé rasan de bétyes,
Vat savêr quand nos sarens u sonjon.
- Frâsa : L'hivèrn envœrtolyê de sa capota grise,
Du sonjon du Mont-Bllanc bèsse bâs tot tot-gent.
En trênent aprés llui l'oura, lo frêd, la bise,
Atot ses grand pêls gris s'avance en trevolent.
- Frâsa : U fond d'un bouél, tuéts en famelye,
Châcun 'l at son ocupacion;
Lo sordât de Napoléon
Les amuse atot des contelyes.
- Frâsa : Adonc sè vêt, per lo velâjo,
Du bouél sortir les vegnerons;
Les uns molent lœr corbetion,
D'ôtros, atot lo massœt des sôjos.
- Frâsa : Harbelyê de levèt, lo chôd-temps 'l est en côrsa;
Vat fére per les champs, rosseyér les froments.
Atot les louidors que tint dedens sa bôrsa,
Vat payér les ovriérs que 'l ant jousu lœr temps.
- Frâsa : Fôt-o pas, per mâlhœr, qu'un jorn una polalye
D'Aguèta - et 'n aviêt doze, et trèze atot lo pôl -
U bouél de Magoton aleye fére l'ôf!
Un ôf, ben sûr, est pas chousa que valye:
O/'L étêt tot-un lo prix de ses grandes atencions.
Du moment, vat trovàr comàre Magoton.
- Frâsa : Aguèta: "Je mè pensâvo pas que... entre nos, bônes amies..."
Magoton: "Un lârro 'l at la fê qu'un ôtro étot lo seye:
Je vodriô pas p'un ôf mè chargiér la conscience."
Aguèta: "T'és prod bôna pœr cen, lo mondo sè lo pense.
Rend-mè l'ôf que te m'âs robâ."
Lé, châcuna s'aprôche a sè tochiér du nâs...
- Frâsa : Atot lo sâbro en man, lé les Assiriens,
Entront dens les mêsons, nen fant sortir les gens;
'Ls ant fêt tant de dèsèrts des veles et des velâjos,
Et menâ, du Bon Diœ, lo pœpllo en èscllavâjo.
- Frâsa : Lyé/Llui chêt dessus les uelys. Détes-mè vêr quint sôrt?
Tobit du moment 'l at pas més vu lo jorn!
Come un sent jono Job, atot sa grant pacience,
Llui veriêve a profit sa dura pènitence.
- Frâsa : P'embraciér son garçon s'aprôche étot la mére.
Inque sè change en jouèx cela tristèssa amàra
Que sentêt dens son cœr, sus lé sur lo cruchèt,
Quand veyêt pas venir cél que son cœr volyêt.
A Tobie tot setout lyé vint dens la mèmouère
Cen que, checa davant, l'Ange 'l at dét de fére.
- Frâsa : A la fin du repâs quand niœn mengiêve més,
Lo vielyo Tobit dét a son garçon pariér:
"A cél bon jouvenèt balyerens-nos quint gajo.
Pœr cen que t'at guidâ lo long de ton voyâjo?
- Pœr lo rècompensàr, vos lo sâdes étot vos,
Sufit pas la mêtiêt du bien venu chiéz nos!
En santât m'at prês cé; san, cé, mè tôrne rendre.
L'argent, chiéz Gabelus, o est alâ llui lo prendre;
- Frâsa : Je partéssiô lo matin a três hores ètot mes amis et nos apelyians sus per la couta de Charvènsô.
- Frâsa : Il vos at vus jœnàr, 'l at vu voutra man drête
Èpatàr tuéts les fruits de voutre recuelyètes.
Et se vos at mandâ doux-três jorn d'affliccion,
Vos at ètot balyê de grants consolacions!
Mon bon Tobie, o fôt que houé je vos quiteyo;
O fôt que devant Diœ tot setout je mè troveyo,
Afin de l'adoràr continuèlament!
Je su l'Ange Rafaèl! Portâdes-vos tuéts bien!
- Frâsa : At fêt cuvrir (cuvedre) lo pllanchiér de la cusena ètot de biôs ?????
- Frâsa : Tè pllét la brenda ètot les lyôhtres?
- Frâsa : Te tè fasiês-tu lo sèyor ètot la sessa?
- Frâsa : 'L at un grôs logement ètot un mouél de bus.
- Frâsa : Premiére quèstion. Lo dialècto de ton velâjo que tant t'âmes 'l at pas ni una gramère, ni un diccionèro, ni una granta histouère litèrèra: quârque poèsia d'una vielye mêtrèssa, doux ou três tèxtos de la locâla filodramatica, ora disparua por la manca de bènèvolos disposâs a fére los/les actors. Por la résta los/les quatro tèxtos que t'avéve retrovâ érant tèrribllos, transcrits atot una grafia emprobâblla, que tè-mémo, ètot tota la bôna volontât de ceti mondo, t'âs avu mâltemps a comprendre.
Ceta consultacion de tèxtos avéve fét nêtre u fond de ton cœr la demanda: mas fôra de mon velâjo quârqu'un comprendrat jamés cen que j'é ècrit?
- Frâsa : Coment nen sortir? La rèponsa est très simplla, mas empllique un engagement sèriox.
Nos fôt pensar por tot lo payis arpitan a una ortografia que seye comena et condivisa. Quârque-chousa que, en tot lo domêno lengouistico, possésse pèrmetre una lèctura avouéc pllèsir, concentrâye sur les idês comunicâyes, sens l'embarras continuèl de devêr indentifiyér silaba aprés silaba.
Porquè j'é emplleyê la parola ortografia? Perce que l'ortografia est lo sol chemin por avêr un pouent comon de rèfèrence. Por l'amôr de Diô, que seye cllâr, châcun a son velâjo continuerat ètot sa grafia, mas u moment de publleyér, a la pllace de betar a coutâ de la sina bèla poèsia una traduccion en italien ou en francês, beterat la transcripcion en ortografia de rèfèrence.
- Frâsa : Les grôs sè fant d'argent ètot lœr endustria;
Lo petiôd campagnârd, vendent checa per côp
Cen que rend son travâly, sa bôna èconomia,
- On derêt pas - sè fét de jôlis sous!
Fôt ben pœr son bosèt qu'un châcun bien s'entende.
"Kadia, kel, cosa k'ala da vende?"
N'ens de trifoles jônes atant que nen voléd
Pœr dègrèssiér lo ventro ux monsiœrs piemontês;
N'ens des peréts d'hivèrn et des pomes rênètes,
Des véls grâs, des moutons bons pœr la boucherie,
Des liévres, des chamôs et tant d'ôtres bétyètes
Que bâs per lé vant sè fére rutir.
quand doux payis vesin vivont come des fréres
L'un a l'ôtro sè fant lo bien qu'on pôt sè fére:
Lœr cuér fét des solârs a tuéts noutros monsiœrs
Et les sabôts d'Ayâs vat bâs chôciér les lœurs.
- Frâsa : Lo vengt yon dècembro 'l est ètot la nuet plles longe de l'an.
- Frâsa : Permié les pouros Juifs que deviant pués sofrir,
Et plloràr lœrs pèchiês bien lluen de lœr payis,
Sè trovâve Tobit, ètot chargiê de chênes:
Câr tojorn, des mèchients, les bons pôrtont les pênes.
- Frâsa : Touére quârques-un ètot de pouéson.
- Frâsa : Et se un petiôd sè presente, ètot son ècuelèta, a la mâma quand 'l ârrie les vaches et lyé dét: "S'o-pllét mâma checa de quèlin a mè!..."
- Frâsa : 'L at èssuyê lo mulèt ètot l'efllorior et 'l at balyê-lyé una sèlyonâ de bêre bllanc.
- Frâsa : N'ens cherchiê ètot de mantenir vivantes les valœrs tradicionèles et de combatre contre l'aliènacion de noutro lengâjo et contre la crise d'idèntitât que toche tojorn de pllus prôcho les jouvenos et surtot contre la dèsagrègacion de l'èlèment rurâl.
- Sinonimo : asse²
- Sinonimo : avouéc
- Sinonimo : asse
- Sinonimo : asse-ben
- Sinonimo : asse-més
- Sinonimo : ègalament
- Sinonimo : arriér-més
- Sinonimo : mémo (de -)
- Sinonimo : tot-pariér
- Sinonimo : giére
- Sinonimo : nan plles
- Sinonimo : si (adv.)
- Sinonimo : atot (d'-)
- Sinonimo : arriér
- Sinonimo : oncora
