La Parola : falêr
17801
- Francês : falloir
- Italien : bisognare
- Italien : occorrere
- Gramatica : vèrbo 3 a [-êr : devêr]
- Gramatica : vèrbo irrèguliér 3
- Varianta : falêr (VdA)
- Frâsa : En Mârs fôt pas que (sè) bâgneye la cova ux rats.
- Frâsa : U mês de Mârs, fôt pas qu'un rat pisseye en tèrra.
- Frâsa : Quand Chalende l'est lo Delon,
De três bôfs nen fôt tuar un.
- Frâsa : Dês Sent-Bartelomél,
Fôt betar lo marendon u greniér.
- Frâsa : Tè fôt pas lèssiér chêre ces ceriéses, ôtrament te les retrôves totes amaciê(ye)s.
- Frâsa : Il fôdrêt apondre un troc.
- Frâsa : M'at falyu atendre una tapâ.
- Frâsa : M'at falyu m'ètendre por l'avendre.
- Frâsa : A la luna novèla fôt vouagnér cen que 'l est cachiê en tèrra.
- Frâsa : Lèssont prègiér l'Ôtrich∙e et mémo la Russie,
Ceta lo polonês, cela l'italien;
Per quinta libèrtât nos vôt-el l'Italie,
Dèfendre de prègiér come noutros anciens?
- Frâsa : Lo francês nos lo fôt; noutro drouèt lo demande;
De noutros devantiérs n'ens la lengoua et la fouè.
'l ariant-ils sopatâ les tropes alemandes,
Se jamés les canons 'ls ussont pregiê français?
- Frâsa : Fôt copar lo bouesc a la lena dura afin que sè grateye pas.
- Frâsa : Por pouar la vegne, fôt la lena dura.
- Frâsa : Màs d'onte donc qu'il vint de nêtre,
Voutron Mêtre?
Nos y voléd-vœs ensègnér?
Se fôt passar l'Amèrique,
Ou l'Afrique,
Nos s'embarcons tôs nus pieds.
- Frâsa : Fôt entar a lena doce.
- Frâsa : Le Jœsèf lui rèpondét: – Di pas! Il tè fôdrat nèn achetar yœna cœme sè.
- Frâsa : Tœt le mondo partét d'una tàla recafolâ que los hœmos, dens les tèrres, sè demandéront se il ne falêt pas alar vêr ce que sè passêt.
- Frâsa : Ceta-qué n'en menêt pas lârjo; ele bèssiét la téta et sos uelys pelyonéront come se ele alêt plœrar. El étêt gonflla. Le mariâ, que regardêt sa mia du couen de l'uely, s'en apèrcevét. El ut un côp u cœr. Il parlét un pou hiôt: "Què qu'il vœs fôt de més? Y at-il quàrqu'yon que vuelyont un ôtro vêrro de vin?"
- Frâsa : Fôt veriér la tèrra a la lena novèla.
- Frâsa : Lo premiér an, lo gramon dit u laborœr: trè-mè, se te vôs; lo second lui dit; trè-mè se te pôs; lo trêsiémo: tè fôt la cobla des bôfs.
- Frâsa : Blanchèta, t'és bâs!
Coment est-tu harbelyê?
Pantalon pèrs et jupon de velu.
Èh ben, je su p'oncor bâs.
Blanchèta, tè fôt bâs!
Coment est-tu harbelyê?
Chôces grises et jupon blanc.
Ce côp, mè fôt bâs.
- Frâsa : Fôt pas agouétiér lo bouélyèt,
Fôt agouétiér lo porchèt.
- Frâsa : Fôt pas abusàr-nen.
- Frâsa : Dens cet que je dio qué, ne fôt pas sè mèprendre,
Gorlanchiérs, mos amis, vôlo pas y comprendre
Un grand nombro de gens qu'habitont dens l'endrêt,
Et que seriant fâchiês de fére un pâssa-drêt.
- Frâsa : Câr un sœdârd qu'apèrçut tot ço-s-ice,
Tot bèlament butat bâs la coulisse,
Pués vat criar qu'il sè falyêt armar,
Ou ôtrament nos serians tôs tuâs.
- Frâsa : Drêt u cllochiér on vat sœnar l'alârma,
En mémo temps on criat: Ux ârmes! ux ârmes!
De tot endrêt on vit des gens sortir,
Que desévont : Il fôt vencre ou morir!
- Frâsa : Céls-ce plles grôs de mè m'ant conselyê de quitàr perdre les dèssins du/des bouye/bouyes boa que seyont uvèrtes ou cllôtes, et de m'entèrèssiér plletout a la g·eografia, a l'histouère, u(x) carcul(s) et a la gramère. 'L est parèly que j'é abandonâ, a l'âjo de siéx ans, una magnifica carriére de pintro. J'éro étâ dècoragiê de l'ensuccès de mon dèssin numèrô 1 et de mon dèssin numèrô 2. Céls-ce plles grôs de nos compregnont jamés ren de per lœr, et 'l est lagnês, pœr les menâts, de falêr tojorn lyé èxpllicàr les bagues.
- Frâsa : Parèly m'at falyu cièdre un ôtro métiér et j'é aprês a pilotàr des avions. J'é volâ checa de pertot dens lo mondo. Et la g·eografia, 'l est justo de lo recognetre, m'at brâvament sèrvi. Je saviô recognetre, d'un côp de j-uely, la Ch·ina de l'Arizona. 'L est franc bien utilo, se œn sè trove dèperdu a travèrs de la nuet.
- Frâsa : La pârt portanta du lévro est la lengoua, ècrire vôt dére mantenir-la, consèrvàr-la et déns les pâgines que "trovâd" la traduccion italiâna lyé pèrd la fôrça, volyiô "anque" montràr quârque-ren mas mè rendo compte que en italian su pas bon a ècrire, alôra pœr fôrça fôt liére en jalyonês.
- Frâsa : Coment nen sortir? La rèponsa est très simplla, mas empllique un engagement sèriox.
Nos fôt pensar por tot lo payis arpitan a una ortografia que seye comena et condivisa. Quârque-chousa que, en tot lo domêno lengouistico, possésse pèrmetre una lèctura avouéc pllèsir, concentrâye sur les idês comunicâyes, sens l'embarras continuèl de devêr indentifiyér sillaba aprés sillaba.
Porquè j'é emplleyê la parola ortografia? Perce que l'ortografia est lo sol chemin por avêr un pouent comon de rèfèrence. Por l'amôr de Diô, que seye cllâr, châcun a son velâjo continuerat atot sa grafia, mas u moment de publleyér, a la pllace de betar a coutâ de la sina bèla poèsia una traduccion en italien ou en francês, beterat la transcripcion en ortografia de rèfèrence.
- Frâsa : M'engrave (me dèplé) de falêr ja partir.
- Sinonimo : ventar (falêr)
