La Parola : quitar
21974
- Francês : quitter
- Italien : smettere
- Gramatica : vèrbo 1 a [-ar : chantar]
- Varianta : quitar (GE)
- Varianta : quitàr (Vda)
- Varianta : quitar (Dfn)
- Varianta : quitar (Pie)
- Frâsa : Jamés nos quiterens noutra ancièna patria;
L'amôr des changements 'l est pas dens noutro cœr.
- Frâsa : Neblles rosses lo vépro,
Quitont lo chemin honéto.
Neblles rosses lo matin,
Chénchont lo chemin.
- Frâsa : Se te la quites gnint el arrivet la baboye et el tè portet viâ.
- Frâsa : Quitens noutra cabâna,
Agnéls, feyes et moutons;
Bèssens bâs dens la pllana
Cherchiér ce gent popon.
- Frâsa : Per cél moyen on prét le Côrp-de-gouârda,
Yô l'ènemi fasséve bôna gouârda;
Il falut ben quitar ux Genevouès
U dèshonœr de tota la Savouè.
- Frâsa : Céls-ce plles grôs de mè m'ant conselyê de quitàr perdre les dèssins du/des bouye/bouyes boa que seyont uvèrtes ou cllôtes, et de m'entèrèssiér plletout a la g·eografia, a l'histouère, u(x) carcul(s) et a la gramère. 'L est parèly que j'é abandonâ, a l'âjo de siéx ans, una magnifica carriére de pintro. J'éro étâ dècoragiê de l'ensuccès de mon dèssin numèrô 1 et de mon dèssin numèrô 2. Céls-ce plles grôs de nos compregnont jamés ren de per lœr, et 'l est lagnês, pœr les menâts, de falêr tojorn lyé èxpllicàr les bagues.
- Frâsa : L'on chèrche de fllambôs, de falots, de lantèrnes;
Qui côrt a l'Arsenâls, qui côrt a les casèrnes.
A pêna Nivèrnês, que vegnêt d'arrévar,
Ut quitâ l'hâbressac que falyét dèrivar.
- Frâsa : Lo drapiér dègarnét totes ses ètagiéres,
De mémo lo merciér, de mémo les lingiéres.
Cél quite son pllan-pied, l'ôtro son magasin;
Qui côrt chiéz son parent, qui vat chiéz son vesin;
- Frâsa : Los Péres de lors souens lor donont bèla mârca;
Ils sont tôs bateliérs, lor portâl sèrt de bârca.
Celos pouros quartiérs sont ben si mâl trètâs
Que tôs los encolens sonjont de los quitar.
- Frâsa : Come les neblles vant en Aoûhta,
Prend lo mantél et va a souhta;
Come les neblles vant a Alâgna,
Quita lo mantél et va en campagna.
- Frâsa : Quand l'âno vôt pas quitàr de brâlyér mârque lo bél temps.
- Frâsa : Dens un gôlye d'égoue, quand les gotes de la plloge feyont de bôles, la plloge vat pas quitàr tant vito.
- Frâsa : Quita-iqué de tapar-lo bâs
- Frâsa : Qui vèrrat sens fremir cél sens parèly dâmâjo?
Tamt d'habitents ruinâs, que quitont lor loyêjo,
De gens de tôs los ârts, et de tôs los metiérs,
Que demandont lor pan dedens châque quartiér?
- Frâsa : Achetàr un métyo, de métyos.
Vendre les métyos.
Arrengiér les métyos.
Fére un métyo nôvo.
Avêr un gent métyo.
Avër de gents métyos.
Un métyo vielyo, màs bien bâti.
Héretàr un métyo.
Lo métyo de papa, de mama.
Lèssiér alàr les métyos.
Quitàr les métyos.
- Frâsa : La covére 'l at quitâ la covâ.
- Frâsa : Pœr profitàr de l'êr si frès de la montagne,
Noutro Rê tot sovent lé d'entôrn lo mê d'oût
Quite les bôrds du Tibro, ou de l'Arno, ou du Pô
En menant avouéc lui la Rêna, sa compagne.
Ben sûr, entre tuéts doux, pôvont mielx reussir
A vouegiér lors bienfêts sur tot noutro payis.
- Frâsa : Je vuel vos racontàr la via d'un garçon,
Qu'ennoyê du bon temps, at quitâ sa mêson,
Yô qu'il étêt tranquilo et que ren lyé mancâve;
'L aviêt l'ècuèla pllêna et pas ren lyé côtâve.
Volyêt alàr chèrchiér dens des payis plles lluen
Bonhœr et libèrtât; màs s'est trompâ de bien.
- Frâsa : Y est l'arc-en-cièl vat a quitàr de pllœvre.
- Frâsa : Yo su modâ un matin, una matin un ço gris,
Su alâ-tè prende tè pœ menar-tè avouéc mè;
Pœr mohtrâ-tè la mia vâl, pœr mohtrâ-tè lo prègiér,
Fâr-tè amar les mies gens pœr jamés les quitar.
- Frâsa : Lé tot setout Ragouèl vat fére lo partâjo.
"Tin, la mêtiêt, dit-il, de tot mon héretâjo.
Un viâjo Ana et mè môrts, tè vindràt l'ôtra pârt;
Va, mon fely, je vuel pas tè retenir plles târd!
Que l'Ange du Bon Diœ, mes enfants, vos guideye,
Afin que niœn mâlhœr en chemin arreveye.
Mè fôt donc vos quitàr! Màs j'èspèro qu'un jorn
Nos porrens vos revêre encor devant la môrt".
- Frâsa : Il vos at vus jœnàr, 'l at vu voutra man drête
Èpatàr tuéts les fruits de voutre recuelyètes.
Et se vos at mandâ doux-três jorn d'affliccion,
Vos at ètot balyê de grants consolacions!
Mon bon Tobie, o fôt que houé je vos quiteyo;
O fôt que devant Diœ tot setout je mè troveyo,
Afin de l'adoràr continuèlament!
Je su l'Ange Rafaèl! Portâdes-vos tuéts bien!
- Frâsa : Quita mâques que bllètisseye.
- Frâsa : Noràt - Quitens perdre cela rontura de Denise que je l'amâvo et d'éro prèst a la mariàr et que un jorn je la trovo en tren d'embraciér un ôtro.
- Frâsa : Ceta bourlura tè quiteràt prod de mârques.
- Frâsa : Méngiér lo molœce et quitàr la crouta.
- Frâsa : Quétàr de redes de pertot.
- Frâsa : Fèna que quite pas de palyolàr.
