La Parola : ren
22431
definicion : latin "rem" acusatif de "res" = chousa
nota : ren¹, rien ; ne gint / gins (répandu mais pas général), parfois gota, checa rien du tout ren du tot rien du tout, fétu buche² f., aussi injure rien que ren que
- Francês : rien
- Italien : niente
- Gramatica : pronom endèfeni
- Varianta : rièn
- Varianta : ren (Frz)
- Varianta : ren (Pie)
- Varianta : ren (Dfn)
- Varianta : rien (Dfn)
- Varianta : ren (Bjl)
- Frâsa : Talye tout, talye târd,
Ren vôt la talye de Mârs.
- Frâsa : P'o (per lo) muendro ren (il) sé fâchie.
- Frâsa : La mariâ relevét un petit pou la téta, sa figura reprenét des cœlœrs, et ele remarciét le Jœsèf, avouéc doux petits uelys contènts. Sèn rièn dére, ele dètachiét son boquèt de dessus son gorgelin, ele cassét la ples grànda fllœr, ceta-qué que fesêt la bèca du boquèt, et la dœnét u Jœsèf èn l'èmbràcient.
- Frâsa : Quand lo solely sè cuche cllâr et que 'l y at ren de nioles, marque lo crouê temps.
- Frâsa : Ben que les rês, dens l'abondance,
Passont lyors jorns dens les plèsirs,
L'Enfant Jèsus, dens la sofrance
'L at quâse ren por sè cruvir.
- Frâsa : Quand lo tonnêro de Diô vindrêt sur ma carcasse
Bruire et mè menaciér de m'èbolyir la face,
Ren ne porrat jamés arrètar mon transpôrt,
Devrê-jo por iquen étre puni de môrt.
- Frâsa : Màs qu'o sêt plles parlâ de tôs quelos empllâtros,
De quelos arlequins qu'ant des tétes pllâtro;
Que mè tenont la pèx, je lyor deré plles ren,
Je n'é pas l'entencion de lyor cassar los rens,
- Frâsa : Ol at pas ren a fâre.
- Frâsa : Sensa fâre ren.
- Frâsa : Céls-ce plles grôs de mè m'ant conselyê de quitàr perdre les dèssins du/des bouye/bouyes boa que seyont uvèrtes ou cllôtes, et de m'entèrèssiér plletout a la g·eografia, a l'histouère, u(x) carcul(s) et a la gramère. 'L est parèly que j'é abandonâ, a l'âjo de siéx ans, una magnifica carriére de pintro. J'éro étâ dècoragiê de l'ensuccès de mon dèssin numèrô 1 et de mon dèssin numèrô 2. Céls-ce plles grôs de nos compregnont jamés ren de per lœr, et 'l est lagnês, pœr les menâts, de falêr tojorn lyé èxpllicàr les bagues.
- Frâsa : Combien de famélyes sont ruinêes sens rèssôrsa;
'N y at que n'ont ren sôvâ, mœbllos, linjo, ni bôrsa.
L'argent, los fèrs, l'aciér come pllomb s'est fondu,
Et lœ pou qu'at réstâ sè trove confondu.
- Frâsa : L'égoua nos vint de luen: dejâ sur la Romanche,
L'on ne vêt plles de pont, ni de pôrt, ni de pllanche;
Plles fôrta que lo Drac, el lo fât ècartar;
A son rapido cors ren ne pôt rèsistar.
- Frâsa : Et coma pèrsona n'aviêt vu tâl dèlujo,
Qui decé, qui delé corêt chèrchiér refujo.
Assé, dens muens de ren, Grenobllo tot entiér
Sè trovét ressarrâ dens un petit quartiér.
- Frâsa : Lo dègât que parêt ne sè pôt bien comprendre:
L'on ne vêt rien de sèc tant que vua pôt s'ètendre;
Les Granges sont cachiês, la Pllana, l'Ila-Vèrt;
Et celos de Sent-Roc sont dessus los cuvèrts.
- Frâsa : Los malâdos, los sans cregnont de méma sôrta,
Et tâlo que n'at ren vodrêt passar la pôrta.
De crenta de pèrir, les sœrs Carmèlites
Dedens la Charitêt sè refugiont totes;
- Frâsa : Que n'at jamés trembllâ sur tèrra ni sur l'onda,
Pœr donar de secors, porsiut pertot sa ronda...
Pardonâds-mè, se vos pllét, se je trencho son nom:
N'est pas ren pœr lui ôtar brése de son renom;
- Frâsa : Emmode sos ènfants, sos garçons, ses sèrventes;
Màs un novél souci l'enquiète et lo tormente:
N'y at ren dens son amêd, ren a son râteliér.
Los forns ni los molins ne pont pas travalyér:
- Frâsa : Lo temps et les fènes, y at ren a comandàr.
- Frâsa : Sensa lo pan et lo vin,
L'amôr vôt ren.
- Frâsa : Ele portâvet la brâsa tota viva en ses màns nues, si que lo cuér lui broulâvet tot et les pârmes. A tot ço non sentévet ren.
Ele prenêt si grant disciplina que lo sang en corêt per totes les coutes.
- Frâsa : Quand plles ne potêt fére, ele alâvet dèchôce per la nê et lo gllas.
Quand lo diâbllo vit que elle sè metêt a si grant aflliccion et vit que en neguna maniére el non potêt ren gâgnér en velyent, la comenciét a travalyér en dorment mout plles fôrt que no avêt en velyent.
- Frâsa : Quand il ut ço fêt pllusiors vês et en totes maniéres l'ut èsseyêe et vit que tot ço ne lui valêt, il lo comenciét a trère per sembllences assé come carréls. Et adonc lui éret viêres que céls carréls qui étiant formâs de vilos et de pllusiors pèchiês la ferissent en l'ârma de totes pârts et ren ne lui pont nuére.
- Frâsa : En ço que ele éret en si grant dèsir de fére a lui alcuna petita preyére, il viriét mout pedosament son dox regârd vers lyé et dit lui: "O ma très chiere filye et èposa, venéd avant et ne dôtâd ren, màs regardâd voutron veré crèator et cognesséd voutron Salvor.
- Frâsa : ... mè que j'éro tant fêt a rire, je pregno pas més pllèsir a ren, tot cen que je ménjo mè semblle amàr come de bènèfôrt...
- Frâsa : On gâgne ren d'étre trop arabe.
- Frâsa : Ancien manouèr, châtél des Amaveles!
T'âs vécu des vielyos temps, te vis de noutros jorns:
Nan, nan, ren pœr ren te recules
Devant les ôtros des contôrns.
- Frâsa : Je vuel vos racontàr la via d'un garçon,
Qu'ennoyê du bon temps, at quitâ sa mêson,
Yô qu'il étêt tranquilo et que ren lyé mancâve;
'L aviêt l'ècuèla pllêna et pas ren lyé côtâve.
Volyêt alàr chèrchiér dens des payis plles lluen
Bonhœr et libèrtât; màs s'est trompâ de bien.
- Frâsa : Pœr trovàr mes amis je savô lo chemin;
Je vâ tant que chiéz lœr, je crio: "Ho! de dedens!"
La frutiére sôrt fôra et mè dit: "Mâques entrâdes;
S'vos pllét, déte-mè vêr cen que v'avolontâdes.
J'é pœr vos presentàr pouca chousa avouéc ren;
Pœr checa de calyê féde niœn compliment.
- Frâsa : Bien vito s'est passâ doux quârts d'hora de temps;
Màs savêr quinta gâgne, on nen saviêt de ren.
Tantout l'una recule, et pués tot setout s'avance,
Et châcuna a bétôrn s'ècote a crapa-pance.
- Frâsa : Lé, qui gage un ècu, qui gage un louidor;
Tot terie son borsèt; ren lyé côte cél jorn.
Les rênes du moment s'apelyont pas pœr rire:
Châcuna fêt son côp, châcuna sè revire.
- Frâsa : Des veles et de lœrs grants rechèces,
Que vegnens (vegneyens) pas més m'en prègiér...
J'âmo mielx permié cetes pèces,
Avouéc tè, fére lo bèrgiér.
Desot lo têt cuvèrt de palye,
A pâpa, n'édierens tuéts doux;
Du lacél, la chiévra nen balye;
Vivre chiéz sè, ren de plles biô!
- Frâsa : Aguèta et Magoton 'ls étiant dove vesenes;
Sembllâvont fëtes èxprès pœr vivre en bon acôrd.
Comàres dês vingt ans et mémament cusenes,
Jamés ren 'l at trobllâ lo seren de lœrs jorns.
- Frâsa : Préye bien lo bon Diœ pœr tè, pœr tes parents.
Que d'orguely, dens ton cœr, n'entreye jamés ren.
Pôrta jamés la man sur lo bien de tes fréres.
Fà l'ârmona selon que te la porrés fére.
Rend tojorn grâce a Diœ du mâl come du bien,
Et siu lo drêt chemin de ses comandements.
Prend-tè gouârda d'alàr per les crouyes compagnies;
Câr avouéc les mèchients, lo bon mémo s'oubllie.
- Frâsa : A fére son chemin Tobie continue,
Et d'entôrn la vèprâ contre lo Tigre arreve.
Il s'aprôche de l'égoue, et sè lâve les pièds;
Un grôs pêsson tot setout de llui s'est aprochiê.
Lo garçon, sachent pas quint bôrt monstro cen étêt,
Dit a son compagnon: "Vêde-o lé quinta bétye!
S'vos pllét, gouardâde-mè; j'é pouere que ses dents
Vegnont mè dèvoràr. - Va! va! pouere de ren (èye pas pouere).
- Frâsa : J'é bèle ren volya d'alàr a cela féta.
- Frâsa : 'L ére bèle ren vrê cen que t'avêt dét.
- Frâsa : Y at bèle volya de pllôre. Y at bèle ren volya de fére bon temps.
- Frâsa : Bientout des envitâs la tâblla 'l est ja pllêna.
"Ora, dit Ragouèl, prende vêr sensa gêna.
N'ens pas, dens cél denâ, fêt grants bagues avouéc ren;
Du poca qu'o y at, fédes niœn compliment".
Màs Tobie, tot-un, possêt encor ren prendre;
L'Ange revegnêt pas, cen possêt pas l'entendre (=il s'en consolâve pas)!
Câr 'l aviêt preyê-lo de volêr bien alar
Prendre, avouéc Gabelus, l'argent a tere-pelàr (qu'il dêt).
- Frâsa : Vin pas t'emmèllàr, te nen comprends ren.
- Frâsa : L'empegne 'l est encor tota bôna, màs l'ècepon vâlt pas més a ren.
- Sinonimo : nèant
