La Parola : téta, tétes
23763
definicion : -
- Francês : tête
- Italien : testa
- Gramatica : nom
- Gramatica : nom femenin
- Varianta : téhta, téhtes (Pie)
- Varianta : téta, tétes (Pie)
- Varianta : téta, tétes (Frz)
- Varianta : téta, tétes (GE)
- Varianta : téta, tétes (Dfn)
- Varianta : téta, tétes (Bjl)
- Frâsa : Nos sens Savoyârds, na veréta race
Des tétes carrês, des homos patus,
Cochons fornis, grôs pieds, grôsses mans, grôsses faces,
Nos sens Savoyârds, na veréta race d'homos bien fotus.
- Frâsa : L'âno avouéc sa grôssa téta,
Fét la féta;
Sa babèta èchànd sos pieds;
De l'ôtro coutâ la vache,
A l'atache,
Ronge sur sos dêgts qu'ant frêd.
- Frâsa : Ceta-qué n'en menêt pas lârjo; ele bèssiét la téta et sos uelys pelyonéront come se ele alêt plœrar. El étêt gonflla. Le mariâ, que regardêt sa mia du couen de l'uely, s'en apèrcevét. El ut un côp u cœr. Il parlét un pou hiôt: "Què qu'il vœs fôt de més? Y at-il quàrqu'yon que vuelyont un ôtro vêrro de vin?"
- Frâsa : Vivo dens un payis yô pôvio tués les jorns, quand sôrto de mêson, barjacar la lengoua de ma mâre, quand rêsono dens ma téta, quand sônjo quârque-ren lo sonjo dens ma lengoua: alor porquè pas ècrire?
- Frâsa : T'âs fêt de ta téta, et ben paye de ta bôrsa.
- Frâsa : Des fesiors d'embarras, des tétes farigoles,
Ques sont pas dens lo câs de dictar doves paroles;
Des novéls parvegnus, que j'é vus,dens un temps,
Pouros coment des rats et sens rèputacion,
- Frâsa : Màs qu'o sêt plles parlâ de tôs quelos empllâtros,
De quelos arlequins qu'ant des tétes pllâtro;
Que mè tenont la pèx, je lyor deré plles ren,
Je n'é pas l'entencion de lyor cassar los rens,
- Frâsa : Por los Sègnœrs, vos ariâds fêt la féta;
Vos lœr ariâds a tôs copâ la téta;
Et poués, sariâds entrâs dens lœrs mêsons,
Et de lœr ben ariâds prês a foueson.
- Frâsa : Souessanta-sèpt tétes ils ont lèssiê(es),
Que le borriô a copâ(yes) et trenchiê(es),
Por les butar sur doux u três chevrons,
Por les montrar a celos que vœdront.
- Frâsa : Quinta téta bua!
- Frâsa : Tandis que los curiox dens les rues sè promènont,
Pœr donar de secors los sodârds sè dèmènont;
A lor téta l'on vêt lo sègnor comandant
Avouéc tota sa cort, ensé que l'Intendant.
- Frâsa : Tâla qu'on vêt la mèr/mar u fôrt de la tempéta,
L'Isera fât drèciér los chevéls de la téta.
Grenobllo, t'és pèrdu! lo monstro t'engllotét;
Mâl avisâ fut cél que si bâs tè pllantat!
- Frâsa : Quand ele éret cuseniére et enférmiére, ele lo fesêt mout chàritosament. Et quand o lui coventâvet fére alcunes chouses al fuè, ele metêt tant face sus la chalor del fuè que o lui éret "vyayres" que la cèrvèla lui broulat en la téta et que les uelys lui arrachissant de la téta et mentes vês ele atendêt qu'il volassant en tèrra.
- Frâsa : Entre les ôtres ele dit: "O très chier Sègnor, mon veré Diœ et mon bon crèator, jo requero a la très provonda misèricôrde de voutra dêtât et a la très pidosa chàritât de voutra pouessienta humanitât que, pués que o est voutra volontât que jo més vivo que a vos pllèset que vos mè DONEIS la sandât d'ârma et de corps et surtot de la maladie de ma téta, si que tojorn pouesso étre en grâce et en pèrsèvèrence de voutro sèrvice fére dèvotament, tant quant a voutra bontât pllérat que je vivo".
- Frâsa : Entre celos doux cors qui sè aj·outâront als doux premiérs cors, aparéssêt una pèrsona losquâls teniant quatro ôtros entre lors mans, les doux devèrs la téta et les doux devèrs los pieds. Et céls quatro lui éret sembllent que fussont les plles nôblles crèatures que fussont entre tôs los ôtros. Et posâront cél glloriox côrps que teniant entre lors mans sus lo drap d'or que les premiérs aviant aparelyê. Quand ils posâront cél glloriox côrps, les quatro cors sè vant agenolyér et encllinar a grant rèvèrence devant lui.
- Frâsa : Il los tenêt tôs drêts si que les pllayes de les mans et dels pieds et dels fllancs lui paréssant si vèrmelyes et si frèches come lo jorn et l'hora que eles lui furont fêtes et la corona en la téta.
- Frâsa : La mariâ relevét un petit pou la téta, sa figura reprenét des cœlœrs, et ele remarciét le Jœsèf, avouéc doux petits uelys contènts. Sèn rièn dére, ele dètachiét son boquèt de dessus son gorgelin, ele cassét la plles grànda fllœr, ceta-qué que fesêt la bèca du boquèt, et la dœnét u Jœsèf èn l'èmbràcient.
- Frâsa : Il partêt avouéc son baluchon sur lo dous et èn bèssiènt la téta.
- Frâsa : Entre lo concèpt et la sensacion, la difèrença est pas justo quantitativa mas qualitativa. En alent plles luen dens ceta dirèccion, avouéc l'édo du jugement, de la dèduccion, on pôt arrevàr a des concllusions logeques. L'èxprèssion du SAN KOUO YEN YI: "Un froncement de la téta et una idâ vint a l'èsprit" ou cèla du lengâjo ordinèro: "Lèssiédes-mè rèfllèchir" signifiont que l'homo opère entèlèctuèlament a l'édo de concèpts por portàr des jugements et por fére des dèduccions. Il est lé lo second degrâ de la cognessença.
- Frâsa : Et les idâs justes que sont la caractèresteca d'una cllâssa de téta, devegnont, dês qu'éls penetront les masses, una fôrça matèriâla capâblla de transformàr la sociètât et lo mondo.
- Frâsa : En arrevànt u Brœly j'é vu, come una féta;
Tot lo mondo assuegiê des pièds tant que a la téta.
Les femèles, cél jorn, 'ls aviant de gents pichèts,
Franc come vôlont lœr; cen réstâve si rêd!
- Frâsa : Quand la Rêna des "Frà" s'en part, en boralent,
Contre Morin du Brœly, adonc criont "Lyé/Y sens!"
Lyé fesêt de grôs uelys, tegnêt sa téta bâssa,
Fesent pllètàr lo cuér de son èchena grâssa.
- Frâsa : Cela du Brœly l'atend, la téta de travèrs,
Montrent lo bllanc des uelys desot son grôs front nêr.
En sofllent, jarretent, els sè sont aprochiêyes;
Châcuna fét un hurlo, et sè sont atacâyes.
- Frâsa : Tropél de cent tétes d'armalye.
- Frâsa : Un nurrim de diéx vaches. 'L at un nurrim de vingt tétes, entre vaches, mojons et véls.
- Frâsa : Dèrdre la téta.
- Frâsa : Sè bllètir les pièds, les mans, la téta, les pêls.
- Frâsa : Avêr la téta bllèta de suor.
- Frâsa : J'arrevo pas a lyé masseciér cen dens la téta.
- Frâsa : Dens lo tenâjo uvèrt, tuéts èpoueriês,
cllochent la téta et lo regârd crouesiê,
N'ens cuchiê sur lo fllanc la grôssa tena.
- Frâsa : La téta mè bôt.
