La Parola : velâjo, velâjos
24319
definicion : -
nota : velâjo, var. vilâjo, vialâjo ; payis¹
- Francês : village
- Italien : villaggio, villaggi
- Varianta : vèlâjo, vèlâjos
- Varianta : vilâjo, vilâjos
- Varianta : vialâjo, vialâjos
- Varianta : vilâjo, vilâjos (Pie)
- Varianta : vélâjo, vélâjos (Dfn)
- Frâsa : Lo velâjo l'est tèlament hôt - que l'on vêt les ètêles de jorn. - Les gelenes fant sovent de sôts - por bècassiér celes chouses d'or.
- Frâsa : La misère on la vêt roular per les velâjos;
Nos sens come somês desot un curatœr;
Et de noutro travâly, ora semble d'usâjo
D'en partagiér lo fruit avouéc lo pèrcèptœr.
- Frâsa : U velâjo des Rossèles,
Sœt les tioles,
De l'ètrâblo a Balagui,
Il n'est pas, sûr, una atrapa,
Dens la crêpe,
Vos le vèrréd. Modéds-y.
- Frâsa : Dens ce vélâjo de "les rèteriês", y at doves mêson a l'abandon.
- Frâsa : A la coa dus chévâls los sôrtont d'un vélâjo,
Lor donont mile côps, lor copont lo vésâjo,
Lo pistolèt en man los mènont dens lo bouesc,
Et lor font prendre fin, los veyent ux abouès.
- Frâsa : A pêna sont-ils juents qu'inondont los vélâjos,
Dens lo miluè dus champs, les bétyes font nôfrâjo;
Vèrsant de tot coutiér, dètruisant los barfèts.
Les tèrres, les prâlies, sont totes dègrèssiês.
- Frâsa : Premiére quèstion. Lo dialècto de ton velâjo que tant t'âmes 'l at pas ni una gramère, ni un diccionèro, ni una granta histouère litèrèra: quârque poèsia d'una vielye mêtrèssa, doux ou três tèxtos de la locâla filodramatica, ora disparua por la manca de bènèvolos disposâs a fére los actors. Por la résta los quatro tèxtos que t'avéve retrovâ érant tèrribllos, transcrits atot una grafia improbâblla, que tè-mémo, atot tota la bôna volontât de ceti mondo, t'âs avu mâltemps a comprendre.
Ceta consultacion de tèxtos avéve fét nêtre u fond de ton cœr la demanda: mas fôra de mon velâjo quârqu'un comprendrat jaamés cen que j'é ècrit?
- Frâsa : Coment nen sortir? La rèponsa est très simplla, mas empllique un engagement sèriox.
Nos fôt pensar por tot lo payis arpitan a una ortografia que seye comena et condivisa. Quârque-chousa que, en tot lo domêno lengouistico, possésse pèrmetre una lèctura avouéc pllèsir, concentrâye sur les idês comunicâyes, sens l'embarras continuèl de devêr indentifiyér silaba aprés silaba.
Porquè j'é emplleyê la parola ortografia? Perce que l'ortografia est lo sol chemin por avêr un pouent comon de rèfèrence. Por l'amôr de Diô, que seye cllâr, châcun a son velâjo continuerat atot sa grafia, mas u moment de publleyér, a la pllace de betar a coutâ de la sina bèla poèsia una traduccion en italien ou en francês, beterat la transcripcion en ortografia de rèfèrence.
- Frâsa : Mas que agouétâdes-vos du coutiér du mucent?
J'agouéto cet velâjo et celes tors bâs-lé.
- Frâsa : Les chesâls d'un velâjo de d'ôtro côp, d'un châtél.
- Frâsa : Son pâpa, que les ans 'ls ant pllètâ lo vesâjo,
'L avêt vu cent foréls revèrdir lo velâjo.
A pêna possêt més s'édiér de son bâton;
'L alâve tuéts les jorns encontre a son garçon,
Màs, jamés nion de llui, jamés nion s'aprochiêve,
Ou plletout, étiant pas cél que son cœr amâve.
Passâve jorn et nuet acabllâ de chagrin,
Et jamés d'un uely sèc il vesêt lo matin.
- Frâsa : Adonc sè vêt, per lo velâjo,
Du bouél sortir les vegnerons;
Les uns molent lœr corbetion,
D'ôtros, atot lo massœt des sôjos.
- Frâsa : L'ôton, dens lo vèrgiér, tot atôrn du velâjo,
Fét blleyér tuéts les âbros en les chargient de fruits;
Vat pendre les resims, fét chêre lo folyâjo,
Et balye ux campagnârds tota sôrt de produits.
- Frâsa : Tuéts les matins, come d'usâjo,
Je prègno ma bouge et mon fouèt;
J'assemblo de tot lo velâjo
Les fèyes, u son de mon cornèt.
Desot lo têt cuvèrt de palye,
Lo bèrgiér vit sensa torment;
De lacél, la chiévra nen balye;
Lo champ lo nurrét de froment.
- Frâsa : Je conto pas de plles... Sentent tot lœr tapâjo,
Lo mondo du velâjo
'L est venu vêre de bon lêf.
Aguèta a Magoton grafegne lo vesâjo,
Et Magoton tropèle Aguèta per les pêls,
- Frâsa : Atot lo sâbro en man, lé les Assiriens,
Entront dens les mêsons, nen fant sortir les gens;
'Ls ant fêt tant de dèsèrts des veles et des velâjos,
Et menâ, du Bon Diœ, lo pœpllo en èscllavâjo.
- Frâsa : Coc de la bènda. Coc du velâjo.
