La Parola : vegnêt
26724
definicion : 3 p.s. - endicatif empèrfèt - vèrbo venir/vegnir.
- Francês : venait
- Italien : veniva
- Gramatica : endicatif empèrfèt 3.p.sing.
- Varianta : vegnêt (Dfn)
- Varianta : vegnêt (GE)
- Varianta : venêt (Bjl)
- Varianta : vegnêt [VdA]
- Frâsa : L'on chèrche de fllambôs, de falots, de lantèrnes;
Qui côrt a l'Arsenâls, qui côrt a les casèrnes.
A pêna Nivèrnês, que vegnêt d'arrévar,
Ut quitâ l'hâbressac que falyét dèrivar.
- Frâsa : Pecor vegnêt avouéc granda hardièsse,
Por fâre vér qu'il avêt de l'adrèce,
Il voléve la pôrta pètardar,
Il est iqué yô il fut ben atrapâ.
- Frâsa : Lo bllât, lo vin, la chèrn, coment l'ôtra pédance,
De per tot lo payis vegnêt en abondance.
Dens lo sen de la Pèx los artisans contents
Beviant quârques picotes et passâvont lo temps.
- Frâsa : Quand venêt lo matin, ele començâve-t a pensar coment lo benêt filys Diô volét dèscendre en la misère de ce mond', et prendre nouhtra humanitât et aj·outar a sa dêtât, en tâla maniére que l'on pôt dére que Diô qui éret imortâl fut môrt pœr nos.
- Frâsa : Les bèrgiérs, lœr étot, 'ls ant trèt lœr vèsta grise;
'ls ant betâ la tanèta et la genta chemise.
Aprés mè, tot vegnêt: femèles, homos, garçons:
Les uns sur des montures et les ôtros a piaton,
- Frâsa : En cél moment 'l est arrevâ lo fèyan, un homo grôs, rudo, sensa pouere, chargië de provisions, qu'il vegnêt de Cogne et il alâve rejuendre son tropél sur per les cols.
- Frâsa : Tobit adonc sè cache avouéc de ses confréres,
Et come tant qu'adonc continue de fére,
Per les rues a cachon vat recuelyir les môrts;
De la gôrge des chins t-ôte viâ céls-ce côrps
Que la rage du rê châque jorn massacrâve;
Et quand la nuet vegnêt, adonc les entèrrâve.
- Frâsa : Logiér chiéz Ragouèl, 'l est llui que m'at menâ;
J'ariô pas sensa llui, pœr ma fèna, Sarra!
Lluen, lluen dens un dèsèrt 'l at apelyê lo diâbllo,
Dèlivrâ celes gens d'un ètat dèpllorâbllo.
'L at cllôs gôrge u pêsson que vegnêt m'èpoueriér;
Et vos, remarciédes-llui, v'édes tornâ bien clleriér".
- Frâsa : M'est alâ pousa pœr comprendre de yô vegnêt. Lo petiôd prince, que mè posâve brâvament de quèstions, sembllâve pas jamés acutàr le mienes. Sont de mots prononciês per hasârd que, checa per côp, m'ant tot rèvèlâ. Parèly, quand 'l at apèrçu pœr lo premiér côp lo mien avion (je faré pas lo dèssin de mon avion, 'l est un dèssin trop complecâ pœr mè) m'at demandâ:
- Cen que 'l est cela baga-lé?
- 'L est pas una baga. Cen vôle. 'L est un avion. 'L est l'avion de mè.
- Frâsa : Quand un astronomo nen dècuvrét una de cetes-celya, lyé balye per nom un numèrô. La crie pœr ègzempllo: « l’astèroida 3251.»
J'é de sèriœses rêsons de crêre que la pllanèta de yô vegnêt lo petiôd prince 'l est l'astèroida B 612. Ceta astèroida 'l est mâques étâye apèrçua un côp u tèlèscopo. L'an 1909, per un astronomo turc.
- Frâsa : Quand on vôt un mouton chèco, 'l est la prôva qu'on ègziste" lœrs sè limiteront a sopendre les èpâles et a vos trètàr de mênâts! Màs si vos lyés dédes: "La pllanèta de yô vegnêt 'l est l'astèroida B 612" adonc lœrs sèrànt convencus, et vos lèssiérant tranquilos avouéc lœr quèstion. Lœrs sont fêt parèly. Fôt pas la lyés volêr. Les mênâts dêvont étre endulgents avouéc céls-ce plles grôs de lœrs.
- Frâsa : Châque jorn j'aprendiô quârque-chousa dessus la pllanèta, dessus lo dèpârt, dessus lo voyâjo. Cen vegnêt tot tot-gent, u hasârd des rèflèccions. 'L est parèly que, lo trêsiémo jorn, j'é cognu lo dramo des baobâb.
Encor cé côp inque 'l est étâ grâce a un mouton chèque, pœrquè lo petiôd prince, come prês d'un grâvo dôte, m'at fêt ceta demanda.
- 'L est ben vrê, donc, que le mouton cheque pequont les bouêssons?
- Ouè 'l est vrê.
- Ah! Je su content.
- Sinonimo : vegnéve
