La Parola : alâve
26832
definicion : 3 p.s. - endicatif empèrfèt - vèrbo alar.
- Francês : allait
- Italien : andava
- Gramatica : endicatif empèrfèt 3.p.sing.
- Varianta : alâve (VdA)
- Varianta : alâve-t (Pie)
- Varianta : alâve (GE)
- Varianta : alâvet (Bjl)
- Frâsa : Gèrman lo talyor alâve tués los jorns dromir a l'hora des gelenes et sè rèchiéve u chant du pôl.
- Frâsa : Lo prim die de l'an s'alâve-t a chamar la 'htrêna.
- Frâsa : Son Altèssa dessus Penchat étéve,
Yon d'entre lœr s'encorut por lui dére
Que le pètârd avêt fêt son èfôrt,
Qu'on alâve fâre entrar tot le grôs. (de l'armâ)
- Frâsa : Lo die de la féhta de les Trê Rês, s'alâve-t encontra u Carnaval.
- Frâsa : Quand plls ne potêt fére, ele alâvet dèchôce per la nê et lo gllas.
Quand lo diâbllo vit que elle sè metêt a si grant aflliccion et vit que en neguna maniére el non potêt ren gâgnér en velyent, la comenciét a travalyér en dorment mout plles fôrt que no avêt en velyent.
- Frâsa : Il rèpondét: "Il étêt èntèndu dens devànt qu'il y alêt. La Benouèta avêt étâ plles fina que tués los ôtros."
- Frâsa : Et bien sovent a jœn, llui s'en alâve en champ,
Et come son tropél, sè nurréssêt de gllands.
La vèrmena bientout rogiêve sa chemise;
Adonc lo mâlherœx 'l at cognu sa bètise.
'Na sente enspiracion vint rèssiér son èsprit,
Et relevàr son côrp ja la mêtiêt dètruit.
- Frâsa : Son pâpa, que les ans 'ls ant pllètâ lo vesâjo,
'L avêt vu cent foréls revèrdir lo velâjo.
A pêna possêt més s'édiér de son bâton;
'L alâve tuéts les jorns encontre a son garçon,
Màs, jamés nion de llui, jamés nion s'aprochiêve,
Ou plletout, étiant pas cél que son cœr amâve.
Passâve jorn et nuet acabllâ de chagrin,
Et jamés d'un uely sèc il vesêt lo matin.
- Frâsa : En cél moment 'l est arrevâ lo fèyan, un homo grôs, rudo, sensa pouere, chargië de provisions, qu'il vegnêt de Cogne et il alâve rejuendre son tropél sur per les cols.
- Frâsa : De petiôd 'l at aprês qu'on est tojorn herœx,
Quand dens son cœr on at la crente du Bon Diô.
Ben que tot Israèl siuvêt lo grâmo ègzempllo
Du rê Jèroboam, Tobit alâve u Templlo.
- Frâsa : Tot alâve encor bien, quand tot d'un côp la môrt,
Du rê Salmanassar vint chavonàr les jorns.
Son fely Senahèrib du trôno prend la pllace,
Et les bagues, tot setout, ant tot veriê de face.
- Frâsa : Sa femèla, assidua u banc des tesserands
Gâgnêve jorn per jorn, por mantenir lo pan.
Un jorn, Tobit sent un bètyon que bèlâve;
Adonc llui, sachent pas come la chousa alâve,
Dit a sa fèna: "Bah! Chiéz nos bèle un chevrél;
Dens lo bouél de quârqu'un l'âs-tu ren des côps prês?
- Frâsa : Lyé passâve la nuet sengllotent de chagrin.
Et les legremes ux uelys, lyé vesêt lo matin.
U sonjon d'un cruchèt lyé tot sovent alâve,
Pœr vêre pués de lluen se son fely arrevâve.
Se vesêt un bouesson sur lo bôrd du chemin,
Ana sè desêt ja: "Cél côp mon fely revint!".
A fôrce de plloràr ses doux uelys la trompâvont;
Et les pllantes, de lluen, des homos lyé sembllâvont.
- Frâsa : La chemise él éret fête CON "têla de mêson" qu'él sè demandâvet parèly pœrquè él vénévet félâye O mêson.
Pœr fâre la têla de mêson ol alâvet lo fil de chevenô.
Un viâjo, en tuéts les payis d'la Vâl Soana o sè semenâvet lo chevenô, ora ol est plles nion qu'o lo semènet.
- Sinonimo : alêt
