La Parola : vegnu, vegnua, vegnus, vegnues
26890
definicion : -
- Francês : venu, venue, venus, venues
- Italien : venuto, venuta, venuti, venute
- Gramatica : participo passâ
- Varianta : venu, venua, venus, venues
- Varianta : venu, venua, venus, venues (Dfn)
- Varianta : venu, venua, venus, venues (VdA)
- Varianta : vegnu, vegnua, vegnus, vegnues (GE)
- Frâsa : Jusqu'a sur los ôtàls et dens lo sanctuèro,
T'és venue profanar noutros sacros/sacrâs mistèros.
Cârmes, vos o savéd; Cordeliérs, Capucins,
Falyét de son palès sortir lo Sent dus Sents.
- Frâsa : Hèlâs! noutro payis 'l est venu, de province,
Un arrondissement… Quint drôlo de progrès!
Et pués serat-il dét que les bouègnos du/des prince(s)
Volyont pas més sentir niones pllentes en français?
- Frâsa : Ils sont vegnus le doze de dècembro,
Per una nuet asse nêre que d'encro;
Il étéve l'an mile siéx cent et doux,
Qu'ils vegnéront parlar un pou trop tout.
- Frâsa : Quand les sôjos sont venus longs, vindràt bien de nê l'hivèrn.
- Frâsa : Je su venu lo premiér, il est arrevâ aprés.
- Frâsa : Ele est venua avouéc tôs sos afutiôs.
- Frâsa : En ègzempllo, de gens de l'èxtèrior sont vegnus en mission d'ètude a Yenan. Lo premiér jorn ou les doux premiérs jorns, ils ant vu la vela, sa topografia, ses rues et ses mêsons, ils sont entrâs en contact avouéc un mas de pèrsones, ils ant assistâs a des rècèpcions, velyês, meetings, ils ant acutâ divèrses entèrvencions, liesu divèrs documents; ils sont lé les coutiérs aparents et des aspècts isolâs des fenomènos, avouéc lors lièsons èxtèrnes. Ce degrê du procèssus de la cognessença sè nome lo degrê des sensacions et des reprèsentacions.
- Frâsa : Los membros du groupo d'ètude que sont vegnus en chiéz nos, aprés avêr rèuni un matèriâl variâ et avêr "rèfllèchir", posserrant portàr lo jugement siuvent: "La poleteca du Front uni nacionâl contre lo Japon, aplecâye du partit comunisto, est consèquenta, sincèra et honéta". Se lors sont, avouéc la méma honètetât, partisans de l'unitât por lo salut de la nacion, ils porrant, en partent de ce jugement, alàr plles luen et teriér la concllusion siuventa: "Lo Front uni nacionâl contre lo Japon pôt reussir".
- Frâsa : Magoton: "Nan, nan! Pensâde pas, comàre;
'L est venua fére
L'ôf cé dens noutro bouél;
Agouétiéde..."
Aguèta: "Cél-ce! (prend l'ôf en man) Je lo cognesso prod."
- Frâsa : Je conto pas de plles... Sentent tot lœr tapâjo,
Lo mondo du velâjo
'L est venu vêre de bon lêf.
Aguèta a Magoton grafegne lo vesâjo,
Et Magoton tropèle Aguèta per les pêls,
- Frâsa : "Et voilà la bataille!"
Et fusse pas céls-ce ôfs des polalyes
Que sont venus trobllar la pèce et lo bonhœr,
Jamés ariant avu lo sol mot entre lœr.
- Frâsa : Cél rê, contre les Juifs, est venu furiœx
De cen que, dens son camp, un ange du Bon Diœ
'L at fêt, dens una nuet, un tèrribllo carnâjo.
Il fêt muerre les Juifs adonc en èscllavâjo,
Et de les entèrràr dèfend èxprèssament,
Sot pêna de subir la môrt pœr châtiment.
- Frâsa : P'avanciér lo pllèsir d'embraciér son garçon
Lo bon crêssient sè dèrt, vôt sortir de mêson.
Tobie arreve adonc... Son pâpa en tâtonent
Lo sârre entre ses bèrs, màs prègiér possêt ren!
Tegnêt, en cél moment, un tot ôtro lengâjo:
Il molyêve, en pllorent, de son fely lo vesâjo.
A la fin 'l at teriê du drêt fond de son cœr
Céls-ce mots: "T'és venu!... Benéssens lo Sègnœr!"
- Frâsa : Dês inque Tobie part, vat dére a ses parents
Coment llui sont venus, en cél jorn, tant de biens!
"Cél garçon, llui dit-il, conductœr de Tobie,
At fêt venir chiéz nos de grants biens de Mèdie...
Venédes a ma mêson, fédes-mè cél pllèsir:
Je vuel fére un denâ pœr tuéts noutros amis.
Dês grant-temps de mon cœr la jouèx s'ére alâye,
Et houé, come mon fely, la jouèx m'est retornâye."
- Frâsa : A la fin du repâs quand niœn mengiêve més,
Lo vielyo Tobit dét a son garçon pariér:
"A cél bon jouvenèt balyerens-nos quint gajo.
Pœr cen que t'at guidâ lo long de ton voyâjo?
- Pœr lo rècompensàr, vos lo sâdes étot vos,
Sufit pas la mêtiêt du bien venu chiéz nos!
En santât m'at prês cé; san, cé, mè tôrne rendre.
L'argent, chiéz Gabelus, o est alâ llui lo prendre;
- Frâsa : Ceta nuet 'l est venu bâs una piérriére que 'l at barrâ lo chemin.
- Frâsa : Tot cen j'é su, d'abôrd, d'aprés una colomba
Venua a son Payis velyér sa simplla tomba,
Nos fére les adiœx, pœr bien lyé fére honœr.
- Frâsa : J'éro trop ocupâ en cél moment. J'éro en tren de chèrchiér de dèvissiér un boulon trop sarrâ de mon motœr. J'éro bravâment prèocupâ pœrquè lo gâto comenciéve a mè sembllàr plletout grâvo, et l'égoue pœr bêre que comenciéve a s'èpouesiér et me fesiêt pas pensàr a ren de bon.
- Les èpenes a cen que sèrvont-els?
Lo petiôd prince renonciéve jamés a una quèstion, un côp que l'aviêt fête-la. J'éro INMALEUCHA d'entôrn mon boulon et jé rèpondu la premiére baga que m'est venua per la téta:
- Les èpenes, sèrvont a ren. Sont mâques de mèchientises de la pârt des fllœrs!
- Frâsa : 'L est venu tot rojo, dês inque 'l at contenuâ:
– Se quârqu'un âme ceta fllœr que nen ègziste mâques una solèta dedens les melyons et melyons des ètêles, 'l est sufisent que seye herœs que les agouétie. Il s'est dét: « Mina fllœr 'l est lé en quâque post... » Màs se lo mouton cheque peque la fllœr, 'l est pœr llui come se, tot d'un côp, totes les ètêles s'en alussent en muerre s'en! 'L est-il pas important cen!
- Frâsa : Màs sè s'ére arrètâye. Lyé 'l ére venua desot fôrma de sement. Lyé 'l ayët pas possu cognetre ren des ôtros mondos. Mortefiâye de s'étre lèssiêye acapàr a chaciér una cagne si fôla, 'l ayêt tussi doux ou três côps, pœr betàr lo petiôd prince du coutà du tôrt:
– Cét paravent?...
– J'éro en tren d'alàr lo chèrchiér màs vos me prègiévâd!
Adonc lyé 'l ayêt balyê encor un pàr de côps de tux pœr lyé fére avêr quand-mémo de remôrds.
- Frâsa : M'est-il pas venua l'ambecion d'alàr a la chace sensa pèrmis!
- Sinonimo : vegnêt, vegnêta, vegnêts, vegnêtes
