Lo Trèsor Arpitan 3

Frâses

• Lo cuchèt lo vengt-et-un d'Avril, Ou que est môrt ou que vit, Ou que les dames de Paris l'ant trayi. [valor : 10]
  ècritura d'origina : Lo cutchet lo vingt et un d'Avri, Ou que est mort ou que vi, Ou que le dame de Paris l'an trahi.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Joseph Cassano - La Vie Rustique et la Philosophie dans les proverbes et dictons valdôtains - 1914 (Vére proverbo n.95 a la pâge 32 du lévro)
  nota : Le coucou le vingt-et-un d'Avril, Ou qu'il est mort ou que vit, Ou que les dames de Paris l'ont trahi.
  ---
• La dama Gonèt qu'est réche, Que s'en féche, Aportat de bon fricot, Avouéc ses tœtes bèles, Dàmouesèles; Firont châcuna lor cadô. [valor : 10]
  ècritura d'origina : La dame Gonnet qu'est ritse, Que s'in fitse, Apportit de bon fricot, Avui ses teutes belles, Demoiselles; Féron tsakeune lu cadot.
  Règ·ion : Biôjolês
  Grafia : GDÔ, Grafia d'un ôtor.
  Sôrsa : Anne-Marie Vurpas - Un noël en patois beaujolais du XIX siècle - Vox Romanica 40 – 1981.
  nota : s'in fitse: dans un noël écrit par un prêtre, l'expression ne doit donc pas être trop vulgaire.
  ---
• Lo chavagnon en brès, la bôna mènagiére S'en vat vendre bien chier lo frut de sa chôdiére. Son burro frèque et ses fromâjos grâs Fant franc envéy'! sont fêts p'étre agouétiês! Pœr sè dèdamagiér des pênes que sè balye Vat vendre, doux sous l'un, les ôfs de ses polalyes; Sè prend sucro, câfè... màs de céls-ce bonbons N'en saviant noutros vielys pas mémament lo nom; Lor fesiant via longe ètot pan et fromâjo. Tot-un de cél câfè sè nen fét trop d'usâjo; Dês la plles grôssa dama u dèrriér savatin, Tot vôt pœr dèjonon la tâssa lo matin. Cél cllàr tot-un mè ètot je l'âmo; Et se j'é l'êr de fére la leçon, O est qu'on derêt qu'on vint plles grâmo A fôrce de megiér de bon. [valor : 10]
  ècritura d'origina : Lo tzavagnon in brà la bonna megnadzére S'en vat vendre bien tzèr lo freut de sa tzaoudère. Son beuro fréc et se fromadzo grà Fan fran invei! Son fét p'étre aveitzà! Pe se dedomadzé di peine que se baille Vat vendre, dò sou l'un, le-z-ou de se polaille; Se prend seucro, café... Mé de cice bonbon N'en sayan noutre vioù pa memamem le nom; Leur feijan vìa londze atot pan et fromadzo Teutun de ci café se n'en feit trop usadzo; Dei la pi groussa dama i dérére tzavatin Tot vout pe dedzeunon la tassa lo matin. Ci cllier teutun mè ètot dze l'amo; Et se dz'i l'air de fére la leçon, L'est qu'in dereit qu'on vin pi gramo A force de medzé de bon.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE, LO TZEMIN DE FER, 1886
  nota : Son petit panier au bras, la bonne ménagère S'en va vendre bien cher le produit de sa chaudière. Son beurre frais et son fromage gras Font vraiment envie! Ils sont faits pour être regardés! Pour se dédommager des peines qu'elle se donne, Elle va vendre, deux sous l'un, les oeufs de ses poules; Elle s'achète sucre, café... mais de ces bonbons Nos ancêtres n'en savaient pas même le nom; Eux faisaient longue vie avec pain et fromage...
  ---
• Dames et Monsiœrs, tot vint de Turin, de Fllorence, De Roma, de Milan, d'Anglletèrra et de France. Vegnont chèrchiér l'êr frèque et la bôna apetit, Senant les louidors dens tot noutro payis. Les uns a Sent-Martin vant sus per la valâla, U Mont-Rose tot setout y balyont l'escalâla. D'ôtros de Châtelyon siuvont lo drêt chemin, Vant agouétiér de prés lo front du Mont-Sèrven. D'ôtros sur lo Mont-Bllanc y vant pllantar lœrs tendes; Tot-un y réstont pas les fétes de Chalendes; Et p'étre sur les bèques u levar du solely Pèrdriant en rampelyent les onglles des artelys. D'ôtros côront pas tant; lœr, cregnont trop la lagne; Les bins de Cort-Màyœr fant lœr grant pâssa-temps, Ou ben pœr gouarir des mangagnes Prègnont les égoues a Sent-Vincent. [valor : 10]
  ècritura d'origina : Dame et Monseur, tot vin de Teurin, de Florence, De Roma, de Milan, d'Angleterra et de France. vegnon tzertzé l'air fréc et la bonn'appeti, Sennen le loui d'or din tot noutro pay. Le-z-un à Saint-Martin van su pe la valada, I Mont-Rose toustou li baillon l'escalada. D'atre su lo Mont-Blan li van planté leur tende; Teutun l'y reston pa le féte de Tzalende; Et p'étre su le bèque i levè di solei Perdrian in rempeillen le-z-onllie di-z-artei. Datre couron pa tant; leur craignon trop la lagne; Le bain de Cormeyaou fan leur gran passaten, O bin pe gari di mangagne Prègnon le-z-ève a Saint-Vincen.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE, LO TZEMIN DE FER, 1886
  nota : Dames et Messieurs, tous arrivent de Turin, de Florence, de Rome, de Milan, d'Angleterre et de France. Ils viennent chercher l'air frais et le bon appétit, Semant les pièces d'or dans tout notre pays. Les uns à Pont-Saint-Martin montent le val (du Lys) Et vont aussitôt escalader le Mont-Rose. D'autres de Châtillon suivent le droit chemin, Vont regarder de près le front du Mont-Cervin. D'autres sur le Mont-Blanc vont planter leurs tentes; Cependant ils n'y restent pas les fêtes de Noël...
  ---
• Pas de reprôjo ux dames et muens ux payisanes, D'amàr se flloragiér tant qu'u chapelyon. [valor : 10]
  ècritura d'origina : Pà de reprodzo i dame et men i paysanne, D'amé se floradzé tanqu'i tsapeillon.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : NDPV - JB CERLOGNE - Le 22 juillet à Courmayeur
  nota : Pas de reporches aux dames et moins encore aux paysannes, D'aimer s'orner de fleurs jusqu'au chaperon.
  ---