VereTot

Lo trèsor Arpitan

Dedens la parola

	La gramatica
parola n.: 21118 pièd, pièds definicion pièd: désigne le membre et la mesure (33 cm). A côté d'une forme rare pyé (Forez, Lyon, Bresse), on trouve surtout deux formes en francoprovençal : pi et pya, se répartissant presque uniformément. On rencontre les deux formes en Savoie, en Suisse Romande; A. Duraffour note à Vaux-en-Bugey les variantes pîa/pya ; on rencontre à Tignes pya pour le singulier et pyi pour le pluriel. La forme pied présente l'inconvénient d'être homographe du français, mais recouvre bien l'ensemble du domaine. A noter le mot piâ (< PEDATA) qui signifie "piste, trace de pas" et qui peut être homophone du précédent. nota 1) les var. se divisent surtout en pi et pya; 2) petit pied = "peton/pioton"; 3) mesurer avec les pieds = "pidar" (pas général); 4) frapper du pied = "piatar/piatenar"; 5) pied bot = "pied bot"; 6) pied de bœuf = "peton/pioton"; 7) pieds nus = "dèchôx,-ôsse"; 8) déplacer le pied = "dèpiar" (pas général); 9) nu-pieds, blessé au pied = "dèpiâ" (pas général); 10) embarrasser aux pieds = "empiatar" (pas gén.); 11) remuer les pieds = "pionar" (alpin, rare) 12) pied d'alouette = "bèquèta" (pas général).	nom mâcllo [valor :* 10]

en Francês	en Italien	sinonimos
pied. pieds [valor : 10] ---	piede, piedi[valor : 10] ---

Variantes

pied, pieds (Dfn) [valor : 10]
Ècritura d'origina : pied, pied
Règ·ion : Dôfenâ
Grafia : GDÔ, Grafia d'un ôtor.
Sôrsa : François Blanc dit La goutta - Grenoblo Malhérou (1733)- Éditions des Régionalismes de Cressé - 2010. Web d'entèrèt :
---
pied, pieds (VdA) [valor : 10]
Ècritura d'origina : pià, pià
Règ·ion : Vâl d'Aoûta
Grafia : BREL, École pop. de patois Vald.
Sôrsa : Glarey M. - dictionnaire du patois de Champorcher - 2011 Web d'entèrèt :
---
pied, pieds (Gnv) [valor : 10]
Ècritura d'origina : pis
Règ·ion : Savouè [Genevês]
Grafia : GDÔ, Grafia d'un ôtor.
Sôrsa : Just Songeon, "Nos sens Savoyârds" Web d'entèrèt :
---
pied, pieds (Bjl) [valor : 10]
Ècritura d'origina : pieu
Règ·ion : Biôjolês
Grafia : GDÔ, Grafia d'un ôtor.
Sôrsa : Anne-Marie Vurpas - Un noël en patois beaujolais du XIX siècle - Vox Romanica 40 – 1981. Web d'entèrèt :
---
pied, pieds (Vls) [valor : 10]
Ècritura d'origina : pya, pya
Règ·ion : Valês
Grafia : STPPB
Sôrsa : Dict. du patois de Bagnes Web d'entèrèt :
---
pied, pieds (Pie) [valor : 10]
Ècritura d'origina : pìa, pìa
Règ·ion : Valâdes Arpitanes du Piemont
Grafia : Ce.S.Do.Me.O.
Sôrsa : AA.VV. - Dizionario Giaglionese - 2011 Web d'entèrèt :
nota : CERES = "pieù/pieù".
---

Frâses

La nê que chêt lo mês de Fevriér. La gelena l'impôrte avouéc lo pied. [valor : 10]
ècritura d'origina : La nei que tsi lo mei de Fevré, La tsalenna l'importe aveic lo piat.
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Joseph Cassano - La Vie Rustique et la Philosophie dans les proverbes et dictons valdôtains - 1914 (Vére proverbo n.53 a la pâge 19 du lévro)
nota : La neige qui tombe au mois de Février, la poule l'emporte avec le pied.
---
Nos sens Savoyârds, na veréta race Des tétes carrês, des homos patus, Cochons fornis, grôs pieds, grôsses mans, grôsses faces, Nos sens Savoyârds, na veréta race d'homos bien fotus. [valor : 1]
ècritura d'origina : N'sin Savoyards, na vraita race Des tétes carrées, des z'hommes pattus, Coçhon forni, grous pis, grousses mans, grousses faces, N'sin Savoyards, na vraita race d'hommes bien fottus.
Règ·ion : Savouè [Genevês]
Grafia : GDÔ, Grafia d'un ôtor.
Sôrsa : Just Songeon, "Nos sens Savoyârds".
---
La plloja de Sent Jaco, o fét merâcllo; A Sent Lôrent, 'L est encor a temps; A Sent Bartolomé, 'L est bôna a lavàr-sè les pieds. [valor : 10]
ècritura d'origina : La piordzia de San Giaco, A feit a meracllio; A San Lorènz, L'est incò a tens; A San Bertolomé, L'est bona a lavesse i pié.
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Joseph Cassano - La Vie Rustique et la Philosophie dans les proverbes et dictons valdôtains - 1914 (Vére proverbo n.285 a la pâge 83 du lévro)
nota : La pluie de Saint-Jacques, Elle fait miracle; À Saint Laurent, Elle est encore a temps; À Saint-Barthélemy, Elle est bonne pour se laver les pieds.
---
L'âno avouéc sa grôssa téta, Fét la féta; Sa babèta èchànd sos pieds; De l'ôtro coutâ la vache, A l'atache, Ronge sur sos dêgts qu'ant frêd. [valor : 5]
ècritura d'origina : L'âne avui sa grosse téte, Fait la féte; Sa babete étsint sos pieu; De l'âtre couto la vatse, A l'atatse, Roandze sus sos das qu'an fré.
Règ·ion : Biôjolês
Grafia : GDÔ, Grafia d'un ôtor.
Sôrsa : Anne-Marie Vurpas - Un noël en patois beaujolais du XIX siècle - Vox Romanica 40 – 1981.
nota : étsint: lat. EXCANDESCERE.
---
Dens celes crouyes botes lo pied at pas de fèrmetât. [valor : 1]
ècritura d'origina : Din sè kròyë botë e pya a pâ dë fèrmëtô.
Règ·ion : Valês
Grafia : GFON.VALÊS, Grafia fonètica valêsana
Sôrsa : Dict. du patois de Bagnes (202)
---
La nê sè pite pas més, sè farene desot lis pieds. [valor : 1]
ècritura d'origina : E nai së pitë pâ meïn së farenë dézo i pya.
Règ·ion : Valês
Grafia : GFON.VALÊS, Grafia fonètica valêsana
Sôrsa : Dict. du patois de Bagnes (218)
---
"Nan, marci bièn. Je vôl vêr ont' que je pôso los pieds, quànd je marchieré. Màs vœs n'avéd payê que la mêtiêt de voutron pâssâjo." [valor : 1]
ècritura d'origina : "Nan, marsi byè. Dze vou va onke dze pouze lô pyun, kè dze martseré. Mé voueû n'avi payun ke la matchun de voueûton possadze."
Règ·ion : Biôjolês
Grafia : CONF, Grafia de Conflan.
Sôrsa : Comby Auguste - Dictionnaire du Patois de Belleroche (Loire) - Documents publiés par Claude Michel - 1994
nota : "Non, merci bien. Je veux voir où je pose les pieds, quand je marcherai. Mais vous n'avez payé que la moitié de votre passage."
---
Mè su checâ les artelys du pièd. [valor : 5]
ècritura d'origina : M'ei tcheucà y'arteùi dou pieù.
Règ·ion : Valâdes Arpitanes du Piemont
Grafia : GDÔ, Grafia d'un ôtor.
Sôrsa : D.Genta e C.Santacroce - Scartablàri d'la modda d'Séreus - 2013
---
V'éd pœr tot chôd doves bétyètes Que sofllont contre voutros pièds, Et de doux bocons de fascètes Pourament v'éte emmalyotê. [valor : 10]
ècritura d'origina : V'ei pe tot tsaat dove bëtsette Que soufflon contre voutre pià, Et de dò bocon de feissette Pouramen v'ëte immaillotà.
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Abbé Jean-Baptiste CERLOGNE, LA PASTORALA, 1861
nota : Vous n'avez pour vous chauffer que deux bestioles Qui soufflent contre vos pieds, Et de deux morceaux de langes Vous êtes pauvrement emmailloté,
---
Engenolyér-sè ux pièds de quârqu'un. [valor : 10]
ècritura d'origina : Andzenoulhèse ai pia de carcun.
Règ·ion : Valâdes Arpitanes du Piemont
Grafia : Ce.S.Do.Me.O.
Sôrsa : AA.VV. - Dizionario Giaglionese - 2011
---
"Beta pas lo pied lé, il y est una bosa." [valor : 10]
ècritura d'origina : "Betta pa lo pià lé, l'y est euna bousa."
Règ·ion : Vâl d'Aoûta
Grafia : NDPV, Nouv. Dic. de Patois Vald.
Sôrsa : NDPV
nota : "Ne mets pas le pied là, il y a une bouse."
---
Tantout lo/le lop surprend un ènfant que s'ègâre, Tantout lo/le vint nafrar dens los/les brès de sa mâre; L'un tue-t una filye, lyé travèrse lo/le Drac, Iqué l'on vêt un pied, ilé l'on vêt un brès. [valor : 10]
ècritura d'origina : Tantou lo loup surpren un efant que s'égare, Tantou lo vint nafrâ din lou brat de sa mare; L'un tuët, una filli, l'y traverse lo Drac, Iquy l'on veit un pied, ylay l'on veit un brat.
Règ·ion : Dôfenâ
Grafia : GDÔ, Grafia d'un ôtor.
Sôrsa : François Blanc dit La goutta - Grenoblo Malhérou (1733)- Éditions des Régionalismes de Cressé - 2010.
nota : Tantôt le loup surprend un enfant qui s'égare, Tantôt le vient blesser dans les bras de sa mère; L'un tue une fille, lui fait traverser le Drac, Ici l'on voit un pied, là l'on voit un bras.
---
Chàque ècepon trôve son empegne, Chàque pièd trôve son solàr. [valor : 10]
ècritura d'origina : Tseque essepó trouve son impégne, Tseque pià trouve son solér.
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Joseph Cassano - La Vie Rustique et la Philosophie dans les proverbes et dictons valdôtains - 1914 (Vére proverbo n.619 a la pâge 241 du lévro).
nota : Chaque semelle de bois trouve son empeigne, Chaque pied trouve son soulier.
---
Qui porrêt habitar ceta vila puanta, Cimentâ de três pieds d'una bôrba gluanta, Plles nêre que pege, plles sâla que bèrtou, Qu'enfècte les mêsons, et que nos jônét tôs? [valor : 10]
ècritura d'origina : Qui pourrat habitar cetta villa puanta, Cimenta de trey pied d'una bourba gluanta, Plu neiri que pegit, plu sala que bertou, Qu'infecte le meyson, et que nou iaunit tou?
Règ·ion : Dôfenâ
Grafia : GDÔ, Grafia d'un ôtor.
Sôrsa : François Blanc dit La goutta - Grenoblo Malhérou (1733)- Éditions des Régionalismes de Cressé - 2010.
nota : Qui pourrait habiter cette ville puante, Cimentée de trois pieds d'une bourbe gluante, Plus noire que (la) poix, plus sale que bré, Qui infecte les maisons, et qui nous jaunit tous?
---
Entre les ôtres o llui fut sembllent que elle vêt Jèsus-Crist si très glloriox que côr ne porrêt pensar, qui éret vehtu de cela glloriosa roba qu'il prét lo très nôbllo côrps de Nouhtra-Dona. En ses très nôblles màns et en sos pieds aparéssant les gllorioses pllayes que il sofrit pœr amôr de nos. De cél glloriox pèrtués salyét una si très grand cllartât que ço éret un grand èbayiment assé come si tota la biotâ de la divinitât salyét per mè. [valor : 10]
ècritura d'origina : Entre le autres oy li fut sembllamz que illi veyt Jhesu Crit si tres glorios que cuors ne porroyt pensar, qui eret vestiz de cella gloriousa roba qu'il prit el tres noble cors de Nostra Donna. En ses tres nobles mayns e en ses pies appareyssant les glorioses playes que il suffrit per amour de nos. De cel glorious pertuis sallit una si tras granz clarta que co eret uns granz ebaymenz assi comme si tota li beuta de la divinita salit per mey.
Règ·ion : Biôjolês
Grafia : MdOingt, Marguerita d'Oingt
Sôrsa : SPECULUM - Duraffour, Gardette et Durdilly - Les Œuvres de Marguerite d'Oingt - Paris - 1965
nota : Entre autres il lui sembla voir Jésus-Christ si glorieux qu'il n'y a cœur humain capable de le concevoir. Il était vêtu de ce glorieux vêtement qu'il prit dans le très noble corps de Notre-Dame. Sur ses très noble mains et sur ses pieds apparaissaient les glorieuses plaies qu'il souffrit pour l'amour de nous. De ce glorieuses blessures jaillissait une clarté si grande, qu'on en était étonné: c'était comme si toute la beauté de la divinité passait à travers.
---
Entre celos doux cors qui sè aj·outâront als doux premiérs cors, aparéssêt una pèrsona losquâls teniant quatro ôtros entre lors mans, les doux devèrs la téta et les doux devèrs los pieds. Et céls quatro llui éret sembllent que fussont les plles nôblles crèatures que fussont entre tôs los ôtros. Et posâront cél glloriox côrps que teniant entre lors mans sus lo drap d'or que les premiérs aviant aparelyê. Quand ils posâront cél glloriox côrps, les quatro cors sè vant agenolyér et encllinar a grant rèvèrence devant llui. [valor : 10]
ècritura d'origina : Entre celos dos cuors qui se ajotaront al dos premers cuors, apparisseit una persona loqual teneant quatro atri entre lor mans, li dui devers la teta et li dui devers los pies. E ycil quatro li eret senblanz que fussant les plus nobles creatures que fussant enre toz los autros. Et posaront ycel glorious cors que tineant entre lor mans sus lo drap del or que li premer aviant appareylya. Quant il posaront cel glorious cors, li quatro cor se vant agenolier et enclinar a grant reverenci devant lui.
Règ·ion : Biôjolês
Grafia : MdOingt, Marguerita d'Oingt
Sôrsa : LA VIA SEITI BIATRIX VIRGINA DE ORNACIU - Duraffour, Gardette et Durdilly - Les Œuvres de Marguerite d'Oingt - Paris - 1965
nota : Entre ces deux chœurs qui s'ajoutèrent aux deux premiers apparaissait un personnage que tenaient quatre autres entre leurs mains, deux à la tête et deux aux pieds. Il lui semblait que ces quatre étaient les plus nobles créatures qui fussent entre toutes. Ils posèrent le glorieux corps qu'ils tenaient entre leurs mains sur le drap d'or que les premiers avaient préparé. Quand ils posèrent ce glorieux corps, les quatres chœurs vinrent s'agenouiller devant lui avec grand respect.
---
Entretant ele vit quatro qui sè partéront d'entre los quatros cors et venéront devant llui a grant timor et sè agenoliéront et prédront lo drap qui les ôtros lo teniant dessus et lo trèséront avâl outra los pieds de llui, si que tot son prèciox côrps paréssêt ètendu dessus lo drap d'or qui éret sus la tèrra, et tenêt los pieds et les mans en hôt. [valor : 10]
ècritura d'origina : Entretant illi vit quatro qui se partiront d'entre los quatro cuors et veniront devant lui a grant temour et se agenolieront et pridrunt lo drap que li autri li tiniant desus et lo traysiront aval outra los pies de lui, si que toz sos precious cors pariseyt estendus desus lo drap del or qui eret sus la terra, et teneit los pies et les mans en haut.
Règ·ion : Biôjolês
Grafia : MdOingt, Marguerita d'Oingt
Sôrsa : LA VIA SEITI BIATRIX VIRGINA DE ORNACIU - Duraffour, Gardette et Durdilly - Les Œuvres de Marguerite d'Oingt - Paris - 1965
nota : Alors elle en vit quatre qui se détachèrent des quatre chœurs et qui vinrent devant lui avec une grande crainte. Ils s'agenouillèrent et prirent le drap que les autres tenaient au-dessus de lui et ils le tirèrent en bas au-delà de ses pieds, si bien que tout son précieux corps apparaissait, étendu sur le drap d'or qui était sur le sol, et il tenait les pieds et les mains élévés.
---
Il los tenêt tôs drêts si que les pllayes de les mans et dels pieds et dels fllancs llui paréssant si vèrmelyes et si frèches come lo jorn et l'hora que eles llui furont fêtes et la corona en la téta. [valor : 10]
ècritura d'origina : El los teneyt toz drez si que les plaes de les mans et del pies et del flans li parisant si vermeyles et si freches come lo jor et l'oura que eles li furont faytes et li corona en la testa.
Règ·ion : Biôjolês
Grafia : MdOingt, Marguerita d'Oingt
Sôrsa : LA VIA SEITI BIATRIX VIRGINA DE ORNACIU - Duraffour, Gardette et Durdilly - Les Œuvres de Marguerite d'Oingt - Paris - 1965
nota : Il les élevait si bien que les plaies des mains, des pieds et du côté lui apparaissaient, aussi vermeilles et aussi fraîches qu'au jour et à l'heure où elles furent faites, et aussi la couronne sur la tête.
---
Betàr les pieds sur lo brélyon. [valor : 10]
ècritura d'origina : Betté le pià su lo bréillon.
Règ·ion : Vâl d'Aoûta
Grafia : NDPV, Nouv. Dic. de Patois Vald.
Sôrsa : NDPV
nota : Mettre les pieds sur le tabouret.
---
En arrevànt u Brœly j'é vu, come una féta; Tot lo mondo assuegiê des pièds tant que a la téta. Les femèles, cél jorn, 'ls aviant de gents pichèts, Franc come vôlont lœr; cen réstâve si rêd! [valor : 10]
ècritura d'origina : In arreuven i Breuil dz'i vu, come euna fëta; Tot lo mondo achouedzà di pià tanque a la tëta. Le femalle, ci dzor, l'ayan de dzen pitset, Franc come voulon leur; cen restàve se ret!
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Abbé Jean-Baptiste CERLOGNE, LA BATALYE DES VACHES A VÈRTOSAN, 1858
nota : En arrivant au Breuil j'ai vu, comme en un jour de fête, Tout le monde en toilette des pieds jusqu'à la tête. Les femmes, ce jour-là, avaient de belles dentelles, Vraiment comme elles les veulent; cela restait si raide!
---
Morin, rêna du Brœly, l'atendêt a pièd fèrm. Lé s'anifllont tot setout, s'agouétont de travèrs. Inque cela du Brœly, què que ja bien lagnêye, Sè bète a boralàr; 'l est tota enfarochiêye; [valor : 10]
ècritura d'origina : Maurin, reina di Breuil l'attendzet a pià fer. Lé s'anuflon toustou, s'aveitson de traver. Inque cella di Breuil, quoique dza bien lagnàye, Se bette a borallé; l'est totta inforochàye;
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Abbé Jean-Baptiste CERLOGNE, LA BATALYE DES VACHES A VÈRTOSAN, 1858
nota : Maurette, reine du Breuil, l'attendait à pied ferme. Alors, elles se flairent aussitôt, se regardent de travers. Celle du Breuil, quoique déjà bien fatiguée, Se met à mugir; elle est toute courroucée;
---
Sa gôrge 'l est en borra, et soflle de son nâs La tèrra que vegnant de jarrètàr ses piàds. L'ôtra de Jovençan en boralent s'aprèste: Trêne son morro en tèrra et fét tant d'ôtres gèstes. [valor : 10]
ècritura d'origina : Sa gordze l'est in boura, et soufle de son nà, La terra que vegnan de dzaraté se pià. L'âtra de Dzovensan in borallen s'appreste: Treine son mouro in terra et feit tant d'âtre geste.
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Abbé Jean-Baptiste CERLOGNE, LA BATALYE DES VACHES A VÈRTOSAN, 1858
nota : Sa gorge est écumante, et, du souffle de ses narines, Elle soulève la terre que ses pieds venaient de remuer. Celle de Jovensan en mugissant s'apprête: Elle traîne son museau par terre et s'agite en tous sens;
---
Niœn 'l aviêt encor vu de batalyes pariér!... A Morin lyé dècape un des pièds de dèrriér; Adonc on sent criàr: Fribôrg! Fribôrg!... la rêna! Tot gent!... lo mot 'l est p'encor dét a pêna, [valor : 10]
ècritura d'origina : Gneun l'ayet incò vu de bataille parë!... A Maurin lei decappe un di pià de dèrë; Adonc in sent crié: Fribour! Fribour!... la reina! Tôdzen!... lo mot l'est p'anco deut a peine,
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Abbé Jean-Baptiste CERLOGNE, LA BATALYE DES VACHES A VÈRTOSAN, 1858
nota : Personne n'avait encore vu des batailles pareilles!... À Maurette il glisse un des pieds de derrière; Alors on entend crier: Fribourg! Fribourg!... reine! Tout doucement!... Le mot n'est pas à peine dit,
---
Que la poura Morin, mâlgrât sa côrna viâ, 'L at tant fêt qu'el at tenu pièd. 'L at tant fêt fôrce, et redobllâ corâjo, Que Fribôrg du moment, Come p'enchantement, Recule, balye tôrn, s'en vat... lé! bon voyâjo! [valor : 10]
ècritura d'origina : Que la poura Maurin, malgré sa corna vià, L'at tant fét que l'at tenu pià, L'at tant fé force, et redoblà coradzo, Que Fribour di momen, Come p'intsantemen, Requele, baille tor, s'envat... là! bon voyadzo!
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Abbé Jean-Baptiste CERLOGNE, LA BATALYE DES VACHES A VÈRTOSAN, 1858
nota : Que la pauvre Maurette, malgré sa corne rompue, Fit tant qu'elle tint ferme; Elle déploya tant de force et redoubla (tellement) de courage Que Fribour, à l'instant, Comme par enchantement, Recule, tourne, s'en va... là! bon voyage!
---
Lo lan bllèye. Fà atencion, cét lan porrêt tè bllèyér desot les pièds. [valor : 10]
ècritura d'origina : Lo lan blèye. Fé attenchon, ci lan porrèit te blèyér désot les pià.
Règ·ion : Vâl d'Aoûta
Grafia : NDPV, Nouv. Dic. de Patois Vald.
Sôrsa : NDPV
nota : La plance plie. Fais attention, cette planche pourrait se plier sous tes pieds.
---
... 'N ariant ben meretâ mile côps davantâjo ... Ah! Veriédes pas viâ de mè voutro vesâjo. Je recêvo des mins afronts pœr grants-marcis; Les jorns mè sembllont longs a l'ètat que je su. Fédes que de mes pièds niœn vèye més la trêna; Et que de mes pèchiês crêsse pas més la chêna". [valor : 10]
ècritura d'origina : ... N'arrian bin meretà melle cou d'aventadzo ... Ah! Verriàde pa vià de mè voutro vesadzo. Dze receivo di min, affron pe gramaci; Le dzor me semblon long a l'état que dze si. Féde que de me pià gneun veye më la treina; Et que de me petsà creisse pa më la tseina".
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Abbé Jean-Baptiste CERLOGNE - Tobie - 1859
nota : ... En auraient bien mérité mille fois davantage ... Ah! Ne détournez pas de moi votre visage. Je reçois des miens des affronts pour des remerciements; Les jours me semblent longs dans l'état où je suis. Faites que de mes pieds personne ne voie plus la trace, Et que de mes péchés ne croisse plus la chaîne".
---
A fére son chemin Tobie continue, Et d'entôrn la vèprâ contre lo Tigre arreve. Il s'aprôche de l'égoue, et sè lâve les pièds; Un grôs pêsson tot setout de llui s'est aprochiê. Lo garçon, sachent pas quint bôrt monstro cen étêt, Dit a son compagnon: "Vêde-o lé quinta bétye! S'vos pllét, gouardâde-mè; j'é pouere que ses dents Vegnont mè dèvoràr. - Va! va! pouere de ren (èye pas pouere). [valor : 10]
ècritura d'origina : A fére son tsemin Tobie contineuve, Et dentor l'aveprà contre lo Tigre arreuve. I s'approtse de l'eigue, et se lave le pià; Un grou peisson toustou de lliu s'est approtsà. Lo garçon, satsen pa quin beurt monstre cen l'ëtse, Deut a son compagnon: "Eido-lé quinta bëtse! Soplé! Vardade-mè; dzi pouëre que se den Vëgnen me devoré. - Va! va! pouêre de ren.
Règ·ion : Vâl d'Aoûta
Grafia : GDÔ, Grafia d'un ôtor.
Sôrsa : Abbé Jean-Baptiste CERLOGNE - Tobie - 1859
nota : A fére son tsemin contineuve, Et dentor l'aveprà contre lo Tigre arreuve. I s'approtse de l'eigue, et se lave le pià; Un grou peisson toustou de lliu s'est approtsà. Lo garçon, satsen pa quin beurt monstre cen l'ëtse, Deut a son compagnon: "Eido-lé quinta bëtse! Soplé! vardade-mè; dzi pouëre que se den Vëgnen me devoré. - Va! va! pouëre de ren.
---
Sè bllètir les pièds, les mans, la téta, les pêls. [valor : 10]
ècritura d'origina : Se bletti le pià, le man, la tëta, le pèi.
Règ·ion : Vâl d'Aoûta
Grafia : NDPV, Nouv. Dic. de Patois Vald.
Sôrsa : NDPV
nota : Se mouiller les pieds, les mains, la tête, les cheveux.
---
Pièds bllèts. Temps bllèt. [valor : 10]
ècritura d'origina : Pià blet. Ten blet.
Règ·ion : Vâl d'Aoûta
Grafia : NDPV, Nouv. Dic. de Patois Vald.
Sôrsa : NDPV
nota : Pieds mouillés. Temps humide.
---
On pôt masseciér la blléta avouéc les pièds ou avouéc lo mulèt. [valor : 10]
ècritura d'origina : In pout masseuché la blëta avouë le pià o avouë lo meulet.
Règ·ion : Vâl d'Aoûta
Grafia : NDPV, Nouv. Dic. de Patois Vald.
Sôrsa : NDPV
nota : On peut presser le tas de foin avec les pieds ou en le faisant piétiner par le mulet.
---
Lèsse bien emmolyér les pièds dens l'égoue. [valor : 10]
ècritura d'origina : Lèicha bien inmeillé le pià din l'éve.
Règ·ion : Vâl d'Aoûta
Grafia : NDPV, Nouv. Dic. de Patois Vald.
Sôrsa : NDPV
nota : Laisse bien imbiber tes pieds dans l'eau.
---
Châque ècepon trôve son empegne, châque pièd trôve son solàr. [valor : 10]
ècritura d'origina : Tsaque essepon trove son impègne, tsaque pià trove son soler.
Règ·ion : Vâl d'Aoûta
Grafia : NDPV, Nouv. Dic. de Patois Vald.
Sôrsa : NDPV
nota : Chaque semelle trouve son empeigne, chaque pied trouve sa chaussure, c.-à-d. tout le monde trouve à se marier, pourvu que des deux côtés on cherche réciproquement à compenser défauts et qualités.
---
Los pièds mè broulont. [valor : 10]
ècritura d'origina : Lô pyun me brulan.
Règ·ion : Biôjolês
Grafia : CONF, Grafia de Conflan.
Sôrsa : Comby Auguste - Dictionnaire du Patois de Belleroche (Loire) - Documents publiés par Claude Michel - 1994
nota : Les pieds me brûlent (après avoir étés gélés).
---
Se fére una bourlura a una man, a un pièd. [valor : 10]
ècritura d'origina : Se fére euna beurleura a euna man, a un pià.
Règ·ion : Vâl d'Aoûta
Grafia : NDPV, Nouv. Dic. de Patois Vald.
Sôrsa : NDPV
nota : Se causer une brûlure à une main, à un pied.
---

* La valor, quand at una significacion, reprèsente lo dègrâ [1-10] d'adèrence d'un atribut a la parola.

Nôva rechèrche

Lo Trèsor Arpitan 3

Lo trèsor Arpitan

Variantes

Frâses