Lo Trèsor Arpitan 3

Frâses

• Des Chalendes ux Chalendes, Les senanes èchapont viâ, Que nion qu'a en s'apèrcêt. Et lo temps l'est passâ... [valor : 10]
  ècritura d'origina : De Tsalende a Tsalende, Le senâ scappon vià, Que gnenca in s'apercei. Et lo ten l'est passou...
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Que drolo - M.-P. Arbaney
  ---
• Ant pas plles forni de mengiér que lœr fôt viâ. [valor : 1]
  ècritura d'origina : An pâ pye foùrnai de medzye k’eu fô viya.
  Règ·ion : Valês
  Grafia : GFON.VALÊS, Grafia fonètica valêsana
  Sôrsa : Dict. du patois de Bagnes
  ---
• Grâma hèrba, viâ - pllace nèta. [valor : 10]
  ècritura d'origina : Grama erba, vià - place netta.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Joseph Cassano - La Vie Rustique et la Philosophie dans les proverbes et dictons valdôtains - 1914 (Vére proverbo n.393 a la pâge 137 du lévro)
  nota : Mauvais herbe loin d'ici - place nette.
  ---
• Se te la quites gnint el arrévet la baboye et el tè portet viâ. [valor : 5]
  ècritura d'origina : Se t'la quìteus gnint e y'arìveut la babòyi e i t'porteut vieù.
  Règ·ion : Valâdes Arpitanes du Piemont
  Grafia : GDÔ, Grafia d'un ôtor.
  Sôrsa : D.Genta e C.Santacroce - Scartablàri d'la modda d'Séreus - 2013
  ---
• Je tè bôrro viâ. [valor : 5]
  ècritura d'origina : Djeu t'bouòrou vieù.
  Règ·ion : Valâdes Arpitanes du Piemont
  Grafia : GDÔ, Grafia d'un ôtor.
  Sôrsa : D.Genta et C.Santacroce - Scartablàri d'la modda d'Séreus - 2013
  nota : Ti spingo via.
  ---
• Alàr viâ. [valor : 10]
  ècritura d'origina : Alê viò.
  Règ·ion : Valâdes Arpitanes du Piemont
  Grafia : Ce.S.Do.Me.O.
  Sôrsa : AA.VV. - Dizionario Giaglionese - 2011
  ---
• Va viâ! [valor : 10]
  ècritura d'origina : Và viò!
  Règ·ion : Valâdes Arpitanes du Piemont
  Grafia : Ce.S.Do.Me.O.
  Sôrsa : AA.VV. - Dizionario Giaglionese - 2011
  ---
• Aprèstàr-sè por alàr viâ. [valor : 10]
  ècritura d'origina : Aprestèse pèr alê viò.
  Règ·ion : Valâdes Arpitanes du Piemont
  Grafia : Ce.S.Do.Me.O.
  Sôrsa : AA.VV. - Dizionario Giaglionese - 2011
  nota : Prepararsi per andare via.
  ---
• Du/dés métyo(s). 'L est réstâ viâ du/dés métyo(s) tota la semana. 'L est pousa que 'l est viâ du/dés métyo(s). Travalyér lluen du/dés métyos. Avêr brâvament de biens tot alentôrn du/dés métyo(s). Cét homo sôrt jamés du/des métyo(s). [valor : 10]
  ècritura d'origina : Di mëtso. L'est restà vià di mëtso totta la semana. L'est pousa que l'est vià di mëtso. Travaillé llioen di mëtso. Avèi bramen de bien tot alentor di mëtso. Cit ommo sort jamë di mëtso.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : De la maison, de chez soi. Il a été absent toute la semaine. Il a quitté la maison depuis longtemps. Travailler loin de chez soi. Avoir de grosses propriétés tout autour de la maison. Cet homme ne sort jamais de chez lui.
  ---
• Viâ les soucis, pllace a la jouèx Et l'avarice ux antipodos, Du Rê Barlèt vê-lé la louè, Vê-lé la bâsa de sos/ses codos. [valor : 10]
  ècritura d'origina : Vià le soucis, place à la joè Et l'avarice is antipodes, Di Rei Barleth voilà la loè, Voilà la base de se codes.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV - La chanson du carnaval d'Aoste - Charles Marguerettaz
  nota : Loin les soucis, place à la joie, Et l'avarice aux antipodes, Du Roi Barleth voilà la loi, Voilà la base de ses codes.
  ---
• Un marchand pas muens grôs, se volédes, je l'endico: Ora 'l est Chevaliér; plles tout 'l étêt sendeco: Les gruviéres de Quârt, de Fenis, de Chamouès De Sent-Bartelomé, Torgnon et Vâltornenche Dens sa crota Noussan les compte a doux cents renches. Un cent vaches a Francou les balyont ux chanons Et vengt ôtres d'hivèrn fant renches a sa mêson. Lo frut des enverons a Châtelyon abonde; Chiéz llui crota, celiér, de roba tot rebonde. De son grôs magasin, ben sûr, de temps en temps Per lo chemin de fèr mande viâ lo trop-pllen. [valor : 10]
  ècritura d'origina : Un martzan pa men grou, se volei, dze l'indecco: Ara l'est Chevaillé: pi tôt l'étze sentecco: Le greviere de Quart, de Fenis, de Tzamoué De Saint Bertholomé, Torgnon et Vatornentze Din sa crotta Noussan le conte a dò cent rentze. Un cent vatze a Francou li baillon i tzanon Et vint atre d'hiver fan rentze a sa meison. Lo freut di-z-environ a Tzateillon abonde; Tzé lliu crotta, celé, de roba tot rebonde. De son grou magasin, bin cheur, de ten in ten Pe lo tzemin de fer mande vià lo troplen.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE, LO TZEMIN DE FER, 1886
  nota : Un négociant non moins grand, je vais vous l'indiquer: Maintenant il est chevalier; naguère il était syndic. Les gruyères de Quart, de Fénis, de Chamois, De Saint-Barthélemy, De Torgnon et de Valtornenche Dans sa cave, Noussan les compte à deux cents rangées. Cent vaches à Francou lui donnent au seau Et vingt autres, en hiver, font rang à son étable. Les laitages des environs chez lui, à Châtillon, abondent; Chez lui cave, cellier, tout de denrées rebonde. De son gros magasin, sans doute, ...
  ---
• Que la poura Morin, mâlgrât sa côrna viâ, 'L at tant fêt qu'el at tenu pièd. 'L at tant fêt fôrce, et redobllâ corâjo, Que Fribôrg du moment, Come p'enchantement, Recule, balye tôrn, s'en vat... lé! bon voyâjo! [valor : 10]
  ècritura d'origina : Que la poura Maurin, malgré sa corna vià, L'at tant fét que l'at tenu pià, L'at tant fé force, et redoblà coradzo, Que Fribour di momen, Come p'intsantemen, Requele, baille tor, s'envat... là! bon voyadzo!
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE, LA BATALYE DES VACHES A VÈRTOSAN, 1858
  nota : Que la pauvre Maurette, malgré sa corne rompue, Fit tant qu'elle tint ferme; Elle déploya tant de force et redoubla (tellement) de courage Que Fribour, à l'instant, Comme par enchantement, Recule, tourne, s'en va... là! bon voyage!
  ---
• Quand noutro pâpa mè marchande Avouéc des mêtres p'alàr viâ, Mama en pllorent lyé recomande De mè lèssiér réstàr celya/cé-y-at. Desot lo têt cuvèrt de palye, Pâpa, pœr mè, 'l at couét de pan; Je penso pas-més que mè falye Roulàr per les payis cét an. [valor : 10]
  ècritura d'origina : Quan noutro papa me martsande Avouë de métre p'allé vià, Mamma in plaouren lei recomande De me leiché resté ceillà. Dèsot lo tet queuver de paille, Papa, per mè, l'at couet de pan; Dze penso pamë que me faille Roulé pe le pay ci-t-an.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Lo berdzé et lo ramoneur - 1857
  nota : Lorsque notre papa me loue À des maîtres pour aller au loin, Maman en pleurant lui recommande De me laisser rester ici. Sous le toit couvert de paille, Papa, pour moi, a cuit du pain; Je ne pense plus qu'il me faille rouler à l'étranger cette année.
  ---
• Un an 'l ére passâ, 'l ére tôrna lo mês de mê, Tè, viâ per les prâts vèrts te cuelyêves de fllors, Et prègiâve lo patouès 'nco un ço lo bretionent, Come les barbissots qu'ils sont nèssus en Ayâs. [valor : 10]
  ècritura d'origina : Eun an l’éra passà, l’éra tourna o mé è mai Te vià pè li pra vert te couéyave dè fiour Te prèdjave o patoué ncò un tso lo brequionèn Comme li barbijót qu’i son nachù en Ayas.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Luis de Jyaryot - Lo més de mai - 1972
  ---
• Il s'en vat consolàr sos amis, sos parents, Et partage entre lœr, tot cen qu'il at d'argent; Balye viâ des habits, il conselye sos fréres, Et de l'âma et du côrp solage les misères. [valor : 10]
  ècritura d'origina : I s'en vat consolé se s-ami, se paren, Et partadze intre leur, tot cen que l'at d'ardzen; Baille vià de s-abit, i conseille se frére, Et de l'àma et di cor soladze le misére.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Tobie - 1859
  nota : Il s'en va consoler ses amis, ses parents; Et il partage entre eux tout ce qu'il a d'argent: Il donne des habits, il conseille ses frères, Et de l'âme et du corps il soulage les misères.
  ---
• Tobit adonc sè cache avouéc de ses confréres, Et come tant qu'adonc continue de fére, Per les rues a cachon vat recuelyir les môrts; De la gôrge des chins tôte viâ céls-ce côrps Que la rage du rê châque jorn massacrâve; Et quand la nuet vegnêt, adonc les entèrrâve. [valor : 10]
  ècritura d'origina : Tobie, adon, se catse avouë de se confrére, Et come tanque adon conteneuve de fére, Pe le reuve a catson vat recoueilli le mor; De la gordze di tsin toute vià cice cor Que la radze di rei tseque dzor massacràve; Et quand la nët vegnet, adon le s-interràve.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Tobie - 1859
  nota : Tobie, alors, se cache chez un de ses compatriotes, Et comme jusqu'alors il continue à faire: Dans les rues, en secret, il va ramasser les morts; De la gueule des chiens il arrache les corps Que la rage du roi chaque jour massacrait; Et quand la nuit venait, alors il les enterrait.
  ---
• ... 'N ariant ben meretâ mile côps davantâjo ... Ah! Veriédes pas viâ de mè voutro vesâjo. Je recêvo des mins afronts pœr grants-marcis; Les jorns mè sembllont longs a l'ètat que je su. Fédes que de mes pièds niœn vèye més la trêna; Et que de mes pèchiês crêsse pas més la chêna". [valor : 10]
  ècritura d'origina : ... N'arrian bin meretà melle cou d'aventadzo ... Ah! Verriàde pa vià de mè voutro vesadzo. Dze receivo di min, affron pe gramaci; Le dzor me semblon long a l'état que dze si. Féde que de me pià gneun veye më la treina; Et que de me petsà creisse pa më la tseina".
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Tobie - 1859
  nota : ... En auraient bien mérité mille fois davantage ... Ah! Ne détournez pas de moi votre visage. Je reçois des miens des affronts pour des remerciements; Les jours me semblent longs dans l'état où je suis. Faites que de mes pieds personne ne voie plus la trace, Et que de mes péchés ne croisse plus la chaîne".
  ---
• Checa aprés qu'el at vu son jouveno garçon Gambàr, quâsi en pllorent, lo lendâr de mêson La mére s'est betâye a sè pllendre a Tobit... "Ah! pœrquè, desêt-el, mandàr tant que en Mèdie, Mandàr viâ lo bâton de noutros dèrriérs jorns, Afin de tere-pelàr, 'l est veré, des louidors? Màs llui sufisêt ben a son pére, a sa mére! [valor : 10]
  ècritura d'origina : Tsecca aprë que l'at vu son dzovenno garçon Gambé, case in plaouren, lo linder de meison La mére s'est bettàye a se plendre a Tobie... "Ah! perquè, dejet-ë, mandé tanque in Medie, Mandé vià lo bâton de noutre dèrë dzor, Afin de trepellé, l'est vrai de loui d'or? Më lliu suffijet bin a son pére, a sa mére!
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Tobie - 1859
  nota : Un peu après qu'elle eût vu son jeune garçon Franchir, presque en pleurant, le seuil de la maison, La mère se mit à se plaindre à Tobie... "Ah! pourquoi, disait-elle, envoyer jusqu'en Médie, Envoyer si loin le bâton de nos derniers jours, Fût-ce même pour en rapporter des pièces d'or? Pour nous il eût été un trésor même dans la misère.
  ---
• La mâma arreve et, encontinent, Viâ lo trêne de lé, Lo menât sè bete a plloràr En sè feyent tere-pelàr. [valor : 10]
  ècritura d'origina : La mamma arreuve et, incontinan, Vià lo treine de lé, Lo meinà se beutte a plaouré In se feyen trepellé.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : A. R.-Désaymonet - Lo temporal - NDPV
  nota : La mère arrive et, aussitôt, L'entraîne de là, L'enfant se met à pleurer En se faisant tirer
  ---
• Ben que chiéz Ragouèl Tobie s'apllantâve, Son pâpa l'atendêt, et jamés 'l arrevâve. "Ah! revin, desêt-il, qu'atends-tu, mon garçon? Pœrquè revins-tu pas lo jorn dét a mêson? Magâra que la môrt, cela môrt afrontâye 'L arêt prês Gabelus! et la soma prétâye Épêr niœn la rendrêt". Et sè bète a plloràr. Màs sa fèna surtot, ren pôt la consolàr! "Hèlâs! sè desêt-el, n'ens mandâ viâ Tobie Pôt-étre pœr trovàr la môrt dens la Mèdie. [valor : 10]
  ècritura d'origina : Bin que tsi Ragüel Tobie s'aplantàve, Son papa l'attendzet, et jamë l'arreuvàve. "Ah! revin, dejet-ë, qu'atten-teu, mon garçon? Perquè revin-teu pa lo dzor deut a meison? Magara que la mor, cella mor affrontàye, L'aret prei Gabelus! Et la somma prëtàye Epei gneun la rendret". Et se bette a plaouré. Më sa fenna surtou, ren pout la consolé! "Héla! se dejet-ë, n'en mandà vià Tobie Peut-ëtre pe trové la mor din la Medie.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Tobie - 1859
  nota : Pendant que Tobie s'arrêtait chez Raguël, Son père l'attendait, et jamais il n'arrivait. "Ah! reviens, disait-il, qu'attends-tu, mon fils? Pourquoi ne reviens-tu pas au jour dit à la maison? Peut-être que la mort, cette mort cruelle, Aura pris Gabelus! Et la somme prêtée Peut-être personne ne la rendra". Et il se met à pleurer. Mais sa femme surtout, rien ne peut la consoler! "Hélas! se disait-elle, nous avons envoyé loin Tobie Peut-être pour trouver la mort dans la Médie.
  ---
• Lo lavenchiér 'l est quâse viâ. [valor : 10]
  ècritura d'origina : Lo laventsë l'est quase vià.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Le névé a presque fondu.
  ---
• O sè remèmorâve avêr viu des homos sè ramouèlar devant la gâra de Pont-Charrâ et modar viâ en chantant. [valor : 10]
  ècritura d'origina : U se rmémorâve ava vyeu dez eume se ramouélâ dvan la gâra de Ponsharâ é modâ vyè in shantyan.
  Règ·ion : Savouè [Chamberien]
  Grafia : CONF, Grafia de Conflan.
  Sôrsa : Grasset, Pierre (2013). La vie extraordinaire de Jean-Sébastien du Mont-Olier, EMCC, collection les Régionales, Lyon, 250p.
  nota : Il se souvenait d'avoir vu des hommes se rassembler devant la gare de Pontcharra et partir en chantant.
  ---
• Mênât tot du long viâ a trœda. [valor : 10]
  ècritura d'origina : Mèinà tot di lon vià a treudda.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Enfant toujours en vadrouille, qui vadrouille tout le temps, n'est jamais à la maison.
  ---
• Portàr viâ quârques-un avouéc l'ambulance. [valor : 10]
  ècritura d'origina : Porté vià quatsun avouë l'ambulance.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : Vautherin Raymond - Supplément au NOUVEAU DICTIONNAIRE DE PATOIS VALDÔTAIN - 2019
  nota : Transporter quelqu'un avec l'ambulance.
  ---