Lo Trèsor Arpitan 3

Frâses

• J'é assarti-lyé un pàr de patèles. [valor : 10]
  ècritura d'origina : Dz'i assarti-lèi un per de patèle.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Je lui ai donné deux ou trois gifles.
  ---
• Ragouèl, a cél mot, sent un freçon, trevole, Et son ètonement arrète ses paroles. Il crend que son cusin, hèlâs! fusse pués môrt, Come les ôtres sèpt, bèle lo premiér jorn. L'Ange les tranquilise: "Et pœr voutro avantâjo Balyédes-lyé, dit-il, voutra felye en mariâjo A cél garçon que vit dens la crente de Diœ, Et vos vèrrédes, dês houé, rèssuyér voutros uelys." [valor : 10]
  ècritura d'origina : Ragüel, a ci mot, sent un frisson, trevolle; Et son étonnemen arrëte sa parolle. I crent que son queuseun, hèla! fuche poue mor, Come le s-âtre sat, belle lo premië dzor. L'Andze lo tranuqlise: "Et pe voutro aventadzo Baillàde-lei, deut-ë, voutra feille in mariadzo A ci garçon que vit din la crente de Dze, Et vo verro, dei vouë, ressuyé voutre jeu".
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Tobie - 1859
  nota : Raguël, à ce mot, sent un frisson, il tremble, Et l'étonnement arrête ses paroles. Il craint que son cousin, hélas! ne meure Comme les autres sept (maris), le premier jour même. L'Ange le tranquillise: "Pour votre mariage, À ce garçon qui vit dans la crainte de Dieu; Et vous verrez, dès aujourd'hui, sécher les pleurs de vos yeux".
  ---
• 'L at èssuyê lo mulèt ètot l'efllorior et 'l at balyê-lyé una sèlyonâ de bêre bllanc. [valor : 10]
  ècritura d'origina : L'at échouyà lo melet atot l'efloriaou et l'at baillà-lei una seillonà de beire-blan.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV - "L'espri folet et lo melet de Laurent" - A.Ronc-Désaymonet
  nota : Il at essuyé le mulet avec le linge du foin et il lui a donné un seau de faire de seigle et d'eau.
  ---
• Balye-lyé vêr un hurlo. [valor : 10]
  ècritura d'origina : Bailla-lèi vèi un eurlo.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Lance-lui voir un cri.
  ---
• Pllanta-lyé un hurlo. [valor : 10]
  ècritura d'origina : Planta-lèi un eurlo.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Réprimande-le.
  ---
• Fà-lyé un bràlyo. [valor : 10]
  ècritura d'origina : Fé-lèi un briyo.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Appelle-le.
  ---
• Balye-lyé un voualyo. [valor : 10]
  ècritura d'origina : Bailla-lèi un vouaillo.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Appelle-le, maus aussi réprimande-le.
  ---
• Et j'é dét-lyé: - Ceta 'l est la bouéte. Lo mouton chèque que te vôs 'l est lé-dedens. Màs je su réstâ plles surprês que jamés de vêre lo vesâdjo de mon petiôd jujo s'iluminàr: - 'L est franc parèly que je lo volyô! Penses-tu que peque bien d'hèrba cét mouton? - Pœrquè? - Pœrquè enchiéz mè tot 'l est petiôd. - N'at sûr prod. Je t'é balyê un mouton petiôd, petiôd. 'L at veriê la téta dessus lo dèssin: - 'L est pas tant petiôd que cen... 'Ê-te! S'est endromi... Et 'l est parèly que j'é fêt la cognessence du petiôd prince. [valor : 10]
  ècritura d'origina : Et dz'i deut-lèi: - Cetta l'est la bouëte. Lo maouton tseque que te vou l'est lé dedin. Më dze si restà pi surprèi que jamë de vère lo vesadzo de mon petsou dzeudzo s'illuminé: - L'est fran parë que dze lo voillò! Pense-te que peque bien d'erba ci maouton? - Perqué? - Perqué in tsë mè tot l'est petsou. - N'at cheur praou. Dze t'ë baillà un maouton petsou, petsou. L'at verrià la tëta dessu lo dessin: - L'est pa tan petsou que cen... Èite! S'est indrumi... Et l'est parë que dz'i fé la cognëssance di petsou prince.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : A. De Saint-Exupéry - lo Petsou Prince - Avouë le dessin de l'oteur - Tradui in patoé valdoten pe Raymond Vautherin - Wesakeditions - 2000
  nota : Et je lançai: – Ça c’est la caisse. Le mouton que tu veux est dedans. Mais je fus bien surpris de voir s’illuminer le visage de mon jeune juge: – C’est tout à fait comme ça que je le voulais! Crois-tu qu’il faille beaucoup d’herbe à ce mouton? – Pourquoi? – Parce que chez moi c’est tout petit… – Ça suffira sûrement. Je t’ai donné un tout petit mouton. Il pencha la tête vers le dessin: – Pas si petit que ça… Tiens! Il s’est endormi... Et c’est ainsi que je fis la connaissance du petit prince.
  ---
• Je comprendiô pas pœrquè 'l ére tant important que les moutons chèques 'ls ussont pecâ de bouêsson. Màs lo petiôd prince 'l at contenuâ: – Per consèquence pequont ètot les baobabs? J'é fêt-lyé remarcàr que les baobabs sont pas de bouêsson, màs des âbros grôs come des églléses et que, l'usse ben portâ aprés llui un tropés des èlèfants, cé tropél arreverêt pas a pecàr un baobab solèt. L'idâ de tropél des èlèfants 'l at fêt rire lo petiôd prince: - Il fôdrêt les betàr les uns dessus les ôtros... [valor : 10]
  ècritura d'origina : Dze comprendzò pa perqué l'ëre tan importan que le maouton tseque l'uchen pequà de bouèisson. Më lo petsou prince l'at contenià: – Pe consequance pequon étot le baobà? Dz'i fé-lèi remarqué que le baobà son pa de bouèisson, më de s-abro grou comme de s-élliëse et que, l'ache bin portà aprë lliu un troppë de s-éléfan, ci troppë arreverèit pa a pequé un baobà solet. L'idà de troppë di s-éléfan l'at fé rire lo petsou prince: - I faoudrèit le betté le s-un dessu le s-atre...
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : A. De Saint-Exupéry - lo Petsou Prince - Avouë le dessin de l'oteur - Tradui in patoé valdoten pe Raymond Vautherin - Wesakeditions - 2000
  nota : Je ne compris pas pourquoi il était si important que les moutons mangeassent les arbustes. Mais le petit prince ajouta: –Par conséquent ils mangent aussi les baobabs? Je fis remarquer au petit prince que les baobabs ne sont pas des arbustes, mais des arbres grands comme des églises et que, si même il emportait avec lui tout un troupeau d’éléphants, ce troupeau ne viendrait pas à bout d’un seul baobab.
  ---
• Màs apré avêr musatâ una menuta m'at reprês avouéc un cèrtin ressentiment: - 'L est pas vrê, je tè crèyo pas! Les fllœrs sont fêblles. Sont simplles. Lœr chèrchont de s'assiuràr come pôvont. Lœr sè crèyont bœrtes avouéc lœrs èpenes. J'é pas rèpondu-lyé. En cet moment je mè désiô: "Si cét boulon sè dèvisse pas, Je lo fâ sôtàr avouéc lo martelèt." [valor : 10]
  ècritura d'origina : Më aprë avèi mesatà euna menuta m'at reprèi avouë un certen ressentimen: - L'est pa vrèi, dze te crèyo pa! Le fleur son fèible. Son simple. Leur tsertson de s'acheuré comme povon. Leur se crèyon beurte avouë leur s-épeune. Dz'i pa repondu-lèi. In ci moman dze me dijò: "Se ci boulon se déviche pa, dze lo fou saouté avouë lo martelet."
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : A. De Saint-Exupéry - lo Petsou Prince - Avouë le dessin de l'oteur - Tradui in patoé valdoten pe Raymond Vautherin - Wesakeditions - 2000
  nota : Mais après un silence il me lança, avec une sorte de rancune: – Je ne te crois pas! Les fleurs sont faibles. Elles sont naïves. Elles se rassurent comme elles peuvent. Elles se croient terribles avec leurs épines. Je ne répondis rien. À cet instant-là je me disais: «Si ce boulon résiste encore, je le ferai sauter d’un coup de marteau.»
  ---
• Quand j'é dét-lyé cen 'l est parti viâ emmalœciê. [valor : 10]
  ècritura d'origina : Quan dz'i deut-lèi cen l'est parti vià inmaleuchà.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Quand je lui ai dit cela il s'en est allé tout en colère.
  ---
• Tantine un jorn entre chiéz lo boutecan tota emmalœciêye pœrquè 'l ayêt vendu-lyé de grâma roba. [valor : 10]
  ècritura d'origina : Tantine un dzor entre tsi lo botecan totta inmaleuchàye perqué l'ayet vendu-lèi de grama roba.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV - Le conte de Touéno - R.Vautherin
  nota : Tantine entre un jour chez le marchand toute furieuse parce qu'on lui avait vendu de la mauvaise marchandise.
  ---
• Mon-Diœ-mè se s'est emmalœciê quand j'é dét-lyé cen! [valor : 10]
  ècritura d'origina : Mondzeumè se s'est inmaleuchà quan dz'i deut-lèi cen!
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Mon Dieu s'il s'est fâché quand je lui ai dit cela!
  ---
• Mon-Diœ-mè se s'est emmalœciê quand j'é dét-lyé cen! [valor : 10]
  ècritura d'origina : Mondzeumè se s'est inmaleuchà quan dz'i deut-lèi cen!
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Mon Dieu s'il s'est fâché quand je lui ai dit cela!
  ---
• Lo petiôd prince 'l at èxtrœpâ ètot, avouéc checa de mèlanconia, les dèrriérs juts des baobabs. Pensâve de pas més tornàr. Màs tuéts céls-ce travâlys famelyérs lyé sembllâvont, cét matin lé, èxtrèmament gents. Et, quand 'l at arrosâ pœr lo dèrriér côp la fllœr, et s'aprèstâve a la betàr a siouta desot son globo, 'l est venu-lyé lo petro pllen. [valor : 10]
  ècritura d'origina : Lo petsou prince l'at estreupà étot, avouë tsëca de melanconia, le dèrë dzeut di baobà. Pensave de pamë torné. Më tseut cice travail fameillë lèi semblavon, ci matin lé, estrémamente dzen. Et, quan l'at arrousà pe lo dèrë cou la fleur, et s'aprestave a la betté a chouta désot son globo, l'est venu-lèi lo peutro plen.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : A. De Saint-Exupéry - lo Petsou Prince - Avouë le dessin de l'oteur - Tradui in patoé valdoten pe Raymond Vautherin - Wesakeditions - 2000
  nota : Le petit prince arracha aussi, avec un peu de mélancolie, les dernières pousses de baobabs. Il croyait ne jamais devoir revenir. Mais tous ces travaux familiers lui parurent, ce matin-là, extrêmement doux. Et, quand il arrosa une dernière fois la fleur, et se prépara à la mettre à l’abri sous son globe, il se découvrit l’envie de pleurer.
  ---
• M'at rendu lo dobllo de cen que j'é prétâ-lyé. [valor : 10]
  ècritura d'origina : M'at rendu lo doblo de cen que dz'i prëtà-lèi.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDVP
  nota : Il m'a rendu le double de ce que je lui ai prêté.
  ---