Lo Trèsor Arpitan 3

Frâses

• Pœr nos 'l ére un trèsor mémo dens la misère, O arêt bien mielx valu pèrdre cen que tè vint, Que d'alàr lo mandàr fére un si long chemin. - Ana, consola-tè; j'èspèro que torneye Et que, dens poca temps, contenta, te lo vèyes, Câr, en cél mondo tuéts pœr nos guidàr nos ens Drêt, a coutiér de nos, lo bon ange gardien". [valor : 10]
  ècritura d'origina : Per nò l'ëre un trasor mëmo din la misére, L'areit bin niou vallu perdre cen que te vint, Que d'allé lo mandé fére un se lon tsemin. - Anna, consola-tè; dz'espeéro que torneye Et que, din pocca ten, contenta te lo veye, Car, in ci mondo tseut pe no guedé no s-en Dret, a couté de nò, lo bon andze gardzen".
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Tobie - 1859
  nota : Pour nous il eût été un trésor même dans la misère. Il aurait bien mieux valu perdre ce qui te vient, Que de l'envoyer faire un si long voyage. - Anne, console-toi: j'espère qu'il reviendra Et que, dans peu de temps, contente, tu le verras. Car en ce monde, pour nous guider, nous avons tous, à côté de nous, le bon ange gardien".
  ---
• "Tiourna, quèse-tè… je tè foto un èvelyon !" [valor : 10]
  ècritura d'origina : "Tiourna, quèsté… d'té fot'on éveillon !"
  Règ·ion : Savouè [Genevês]
  Grafia : GDÔ, Grafia d'un ôtor.
  Sôrsa : Just Songeon, "La Charféta".
  ---
• Alens pas d'èxcusa! Aména-tè deman avouéc ta cace. [valor : 10]
  ècritura d'origina : Alan, po d'éstchuze! Amene te deman avoui ta casse.
  Règ·ion : Biôjolês
  Grafia : CONF, Grafia de Conflan.
  Sôrsa : Comby Auguste - Dictionnaire du Patois de Belleroche (Loire) - Documents publiés par Claude Michel - 1994
  nota : Allons, pas d'excuse! Viens demain avec ta poêle à frire. [casse: du grec cyathion, ou du latin CATTIA.]
  ---
• Tira-tè jus lo chapél sur lo boufèt. [valor : 10]
  ècritura d'origina : Tir-te djus lou tchapèl s'lou bufeùt.
  Règ·ion : Valâdes Arpitanes du Piemont
  Grafia : GDÔ, Grafia d'un ôtor.
  Sôrsa : D.Genta et C.Santacroce - Scartablàri d'la modda d'Séreus - 2013
  ---
• Buta-tè la mâlye que fôra o fét frêd. [valor : 10]
  ècritura d'origina : But-te la màyi que fòra e fèit frèt.
  Règ·ion : Valâdes Arpitanes du Piemont
  Grafia : GDÔ, Grafia d'un ôtor.
  Sôrsa : D.Genta et C.Santacroce - Scartablàri d'la modda d'Séreus - 2013
  ---
• Cruve-tè! [valor : 10]
  ècritura d'origina : Cruvé-te!
  Règ·ion : Valâdes Arpitanes du Piemont
  Grafia : GDÔ, Grafia d'un ôtor.
  Sôrsa : D.Genta et C.Santacroce - Scartablàri d'la modda d'Séreus - 2013
  ---
• Te ne sâs pas: y at ben de la besogne: Ils sont trèze qu'aront de la vèrgogne. Il los/les fôt tôs pendre et ètrangllar; Dèpachie-tè, que je m'en vuel alar. [valor : 10]
  ècritura d'origina : "Te ne sa pas: y a bin de la besogne: I son treizé qu'aron de la vergogne. Y lou fau to pandré et eitranglia; Dépasse-té, que ze m'an voi alla."
  Règ·ion : Geneva
  Grafia : GDÔ, Grafia d'un ôtor.
  Sôrsa : La Chançon de l'Èscalâda - 1603 - Cél qu'est lé-'h-hôt. Strofa 33. (http://athena.unige.ch/athena/helvetia/cqlaino.html)
  nota : "Tu ne sais pas, il y a bien de la besogne: Ils sont treize qui auront de la vergogne. Il les faut tous pendre et étrangler. Dépêche-toi, car je veux m'en aller."
  ---
• Atanche/atancha-tè un moment. [valor : 10]
  ècritura d'origina : Atantsa-tè un moman.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Arrête-toi un instant.
  ---
• Yo su modâ un matin, una matin un ço gris, Su alâ-tè prende tè pœr menar-tè avouéc mè; Pœr mohtrâ-tè la mia vâl, pœr mohtrâ-tè lo prègiér, Fâr-tè amar les mies gens pœr jamés les quitar. [valor : 10]
  ècritura d'origina : Ió seu modà un matìn, un matìn un tso grich Seu ala-te prénde té pè ména-te avói mé Pè mohtra-te a mià val, pè mohtra-te o prèdjà Fa-te anmà li mié djen pè jamé li quéttà
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Luis de Jyaryot - Lo més de mai - 1972
  ---
• Agrepe-tè a l'èchiéla. [valor : 10]
  ècritura d'origina : Agrepe te a l'étsèle.
  Règ·ion : Biôjolês
  Grafia : CONF, Grafia de Conflan.
  Sôrsa : Comby Auguste - Dictionnaire du Patois de Belleroche (Loire) - Dijon - 1994
  nota : Cramponne-toi à l'échelle.
  ---
• Aprète-tè donc, il est l'hora de partir. [valor : 10]
  ècritura d'origina : Apréte te dan, y é l'ure de parti.
  Règ·ion : Biôjolês
  Grafia : CONF, Grafia de Conflan.
  Sôrsa : Comby Auguste - Dictionnaire du Patois de Belleroche (Loire) - Dijon - 1994
  nota : Habille-toi donc, c'est l'heure de partir.
  ---
• Avise-tè de mè dére un mènçonge. [valor : 10]
  ècritura d'origina : Avize te de me dère un mèssondze.
  Règ·ion : Biôjolês
  Grafia : CONF, Grafia de Conflan.
  Sôrsa : Comby Auguste - Dictionnaire du Patois de Belleroche (Loire) - Dijon - 1994
  nota : Essayez de me dire un mensonge.
  ---
• Beta-tè a la cuche, t'âs les mans bourlentes. [valor : 10]
  ècritura d'origina : Betta-tè a la coutse, t'a le man beurlente.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : NDPV
  nota : Mets-toi au lit, tu as les mains brûlantes (de fièvre).
  ---
• Assuend-tè pués de fére la comission. [valor : 10]
  ècritura d'origina : Achouin-tè pouë de fére la comechon.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : Vautherin Raymond - Supplément au NOUVEAU DICTIONNAIRE DE PATOIS VALDÔTAIN - 2019
  nota : Rappelle-toi de faire la commission.
  ---