Lo Trèsor Arpitan 3

Frâses

• En alent pués dromir Tobie sè sovint Des bons avis reçus lo long de son chemin. Il pâsse un premiér jorn et la nuet tota entiére, Come l'Ange 'l at dét, tojorn dens la preyére: Câr niœr dêt sè mariàr pœr son contentement, Màs pœr crêtre du cièl lo mouèl des habitents. Et Sarra de chargrin a cachon legremâve; L'ombra de ses sèpt homos a lyé sè presentâve, Èposa de la velye et veva lo matin. "De cél-ce, desêt-el, faré-jo més lo brun?" [valor : 10]
  ècritura d'origina : In allen poue drumi Tobie se sovin Di bon s-avi reçu lo lon de son tsemin. I passe un premië dzoer et la nët totta intsëre, Come l'Andze l'at deut, todzor din la preyëre: Car gneun deit se marié pe son contentemen, Më pe creitre di cheil lo mouë di s-abiten. Et Sara de tsgrin a catson legreumàve; L'ombra de se sat ommo a llië se presentàve, Epaousa de la veille et vèva lo matin. "De ci-cieu, dejet-ë, farri-dzò më lo brin?"
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Tobie - 1859
  nota : En allant dormir Tobie se souvient Des bons avis reçus le long de son chemin. Il passe un premier jour et la nuit tout entière, Ainsi que l'avait dit l'Ange, toujours dans la prière: Car personne ne doit se marier pour son contentement, Mais pour croître du ciel le nombre des habitants. Et Sara, de chagrin pleurait en secret; L'ombre de sept maris à elle se présentait, Epouse de la veille et veuve le matin. "De celui-ci, disait-elle, ferai-je encore le deuil?"
  ---
• Llui ant dét de sè presentar ni nu ni habelyê, cen fét que s'est revetu d'una farçonièra. [valor : 10]
  ècritura d'origina : Y an de dë së prëzintâ neïn nu neïn abelya, sin fi ke s’ë rëvëtu d’oùna fashloùnaire.
  Règ·ion : Valês
  Grafia : GFON.VALÊS, Grafia fonètica valêsana
  Sôrsa : Dict. du patois de Bagnes
  ---
• Et se un petiôd sè presente, ètot son ècuelèta, a la mâma quand 'l ârrie les vaches et lyé dét: "S'o-pllét mâma checa de quèlin a mè!..." [valor : 10]
  ècritura d'origina : Et se un petsou se presente, atot son ecoueletta, a la mamma qua l'arie le vatse et lei deut: "Soplé mamma tsecca de quelin a mè!..."
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - La poesie de la fameille
  nota : Et si un petit se présente, avec son bol, à la maman quand elle trait les vaches et lui dit: "S'il te plaît, un peu de lolo pour moi...!"
  ---