La Parola : Tobit
35795
definicion : -
- Francês : Tobit (Tobie)
- Italien : Tobit (Tobia)
- Gramatica : nom propro
- Frâsa : Lo sent homo Tobit, a Nèftali nèssu,
De sos rechos parents, surtot per lœrs vèrtus,
'L at tojorn avu souen de gouardàr l'héretâjo,
Et 'l at su, come lœr, nen fére bon usâjo.
- Frâsa : De petiôd 'l at aprês qu'on est tojorn herœx,
Quand dens son cœr on at la crente du Bon Diô.
Ben que tot Israèl siuvêt lo grâmo ègzempllo
Du rê Jèroboam, Tobit alâve u Templlo.
- Frâsa : Apelâ du Bon Diô, Tobit s'est mariâ;
Et, pœr bien s'aprèstàr, ben sûr qu'il at preyê,
Câr lo Bon Diô tojorn acute les preyéres
De l'humbllo quellui vat demandàr des lumiéres-
- Frâsa : Permié les pouros Juifs que deviant pués sofrir,
Et plloràr lœrs pèchiês bien lluen de lœr payis,
Sè trovâve Tobit, étot chargiê de chênes:
Câr tojorn, des mèchients, les bons pôrtont les pênes.
- Frâsa : Prêsoniérs dens Ninive on les at vus menàr
Come un bètun d'agnéls que pôt ren que bèlàr.
Lé, Tobit serêt môrt de fam per les rues,
Plletout que mengiér des viandes dèfendues.
- Frâsa : Cél rê, qui sât coment? P'un ôrdre de d'amont?
Lèsse libro Tobit et tota sa mêson.
Et llui balye d'argent prod pœr son nècèssèro;
Màs llui, ben sûr, at pas gouardâ-lo gouéro.
- Frâsa : Tobit, mâlgrât cen, pregnent bien ses mesures,
Comptâve tuéts sos jorns p(er) un mouél de sèpultures.
Cél rê, qu'il aviêt sêf du sang et de l'argent,
Condane a môrt Tobit, et llui/lyé prend tot son bien.
- Frâsa : Tobit adonc sè cache avouéc de ses confréres,
Et come tant qu'adonc continue de fére,
Per les rues a cachon vat recuelyir les môrts;
De la gôrge des chins t-ôte viâ céls-ce côrps
Que la rage du rê châque jorn massacrâve;
Et quand la nuet vegnêt, adonc les entèrrâve.
- Frâsa : Enfin, per protèccion, Tobit un jorn recêt
Son bien, sa libèrtât, desot un novél rê.
- Frâsa : Pœr fére un grôs denâ Tobit un jorn aprèste;
Et dét a son garçon: "Mon petiôd, va, fà lèsto.
Va, fà venir de gens pouros de la trivu,
Qu'ils èyont consèrvâ dens lœr cœr la vèrtu
U méten des dèsôrdres et de l'idolatrie".
Encontinent s'en part jo joueno Tobie;
- Frâsa : Et pués, tot legrement, reprend sa pllace a tâblla.
Màs, nion pas de trovàr sa bôna accion louâblla,
ses parents lyé/llui desiant: "Fôt-o que pœr des môrts,
En dèpllèsent u rê, t'èxpôseyes tes jorns?"
Màs, pœr pllére u Bon Diô, Tobit continue
A recuelyir les Juifs frêds et rêds per les rues.
- Frâsa : O/'L est arrevâ qu'un jorn, de grant lagne abatu,
Tobit, u pièd d'un mur, u solely s'est jesu:
Et lé - passâdes-mè ceta libra parola -,
Una punasse chêt du nid d'una hèrondola,
- Frâsa : Lyé/Llui chêt dessus les uelys. Détes-mè vêr quint sôrt?
Tobit du moment 'l at pas més vu lo jorn!
Come un sent jono Job, atot sa grant pacience,
Llui veriêve a profit sa dura pènitence.
- Frâsa : Sa femèla, assidua u banc des tesserands
Gâgnêve jorn per jorn, por mantenir lo pan.
Un jorn, Tobit sent un bètyon que bèlâve;
Adonc llui, sachent pas come la chousa alâve,
Dit a sa fèna: "Bah! Chiéz nos bèle un chevrél;
Dens lo bouél de quârqu'un l'âs-tu ren des côps prês?
- Frâsa : Cèl reprôjo, pœr llui, est un bocon bien dur
Que, come un grôs cutél, lo pouend u fond du cœr.
Tobit, pœr confondre una si grant malice,
Pllorent come un menât, rend grâce a la justice
De Diô: "Se j'é reçu, dit-il, des châtiments,
Mon Diô, je lo sé ben que tuéts mos manquements ...
- Frâsa : Tobit, sè creyent d'alàr muerre bientout,
Fét venir son garçon, l'embrace per lo côl;
"Mon garçon, lyé dit-il, je penso que ma via
Vat étre pœr lo mondo en poca temps fenia.
Quand lo Bon Diô arat mon âma entre ses mans,
D'ensevelir mon côrp sovin-tè, mon enfant.
Fà que t'èyes tojorn de rèspèct pœr ta mére;
Bèta-la, quand moreràt, a coutiér de ton pére.
- Frâsa : Lo garçon, u galop, entre et dit a son pére:
"Devant chiéz nos sè trôve un de noutros confréres,
Que sarêt mè guidàr lo long de mon chemin...
- Va, dit lo [crêssient], fé-lo venir dedens."
L'ange entre et dit: "Bonjorn! Tobit, homo! corâjo!
Que la guêtât tojorn seye voutro partâjo!
- Frâsa : - Bon crêssient, se je pouè dens cen vos étre utilo,
Je parto du moment, et droméde tranquilo;
Avouéc mè je lo prègno et je vos lo rendréd
San et sârvo a mêson quand je retorneré".
Tobit prend son chin, vat s'aprèstàr, sè change,
Embrace pâpa et mâma, et s'en part come l'Ange...
- Frâsa : Checa aprés qu'el at vu son joueno garçon
Gambàr, quâsi en pllorent, lo lendâr de mêson
La mére s'est betâye a sè pllendre a Tobit...
"Ah! porquè, desêt-el, mandàr tant que en Mèdie,
Mandàr viâ lo bâton de noutros dèrriérs jorns,
Afin de tere-pelàr, 'l est veré, des louidors?
Màs llui sufisêt ben a son pére, a sa mére!
- Frâsa : - Cognédes-vos Tobit? - Otro-què, rèpond l'Ange,
Ragouèl fét adonc, de llui, de grants louanges.
L'Ange l'acute checa, et pués dit: "Pèrmission,
Vos louâdes Tobit, et cél est son garçon".
Transportâ per la jouye, lé Ragouè s'ècrie:
"Coment! tè, mon garçon, tè lo fely de Tobit!
- Frâsa : Lo papa per-defôra un jorn s'envaleyêve,
Et vêt que dens sa cort un mouél de bétyes entrâve;
O étêt un bètun de vaches et de biôs moutons grâs;
Des fèyes, des agnéls et des caméls chargiês;
Et grant nombro de gens que mènont l'èquipâjo.
Lyé dit, lo vielyo Tobit: "Arê-jo l'avantâjo
De savêr voutro nom et voutra parentâ?"
Una jouena vint et dit: "Je su Sarra".
Lé lo pâpa l'embrace et lyé fét politèsse,
Et recêt, tot agoèt, la felye et ses rechèces.
- Frâsa : A la fin du repâs quand niœn mengiêve més,
Lo vielyo Tobit dét a son garçon pariér:
"A cél bon jouenèt balyerens-nos quint gajo.
Pœr cen que t'at guidâ lo long de ton voyâjo?
- Pœr lo rècompensàr, vos lo sâdes étot vos,
Sufit pas la mêtiêt du bien venu chiéz nos!
En santât m'at prês cé; san, cé, mè tôrne rendre.
L'argent, chiéz Gabelus, o est alâ llui lo prendre;
- Glossèro : Pèrsonâjos Historicos
- Glossèro : Antroponimos.
