Lo Trèsor Arpitan 3

a. Enquéta espèciâla, fêta avouéc una procèdura arbitrêre ou que, de tota maniére, viole les drouèts, la libèrtât et la dignitât d’un endividu. b. Por èxtèns., et fig., fôrma d’entèrrogatouèro [inquisitio] dèroulâ avouéc ton rêdo, ensistent, avouéc prèsompcion de culpabilitât et avouéc la prètension de dècuvrir et jugiér oncor los sentiments et les entencions outro que los fêts objèctifs. c. En sens historico, l’activitât et la procèdura d’un espèciâl tribunal ecclèsiastico enstituâ por la rèpression de l’hèrèsie; avouéc sens concrèt (lo ples sovent avouéc iniciâla majuscula), lo tribunal mémo dèlègâ a tâl devouèr. En partic.: Enq. mèdièvâla, enstituâye ou 13émo sieclo, quand lo Sent Sièjo – en crèyent ensufisent los moyens ordinêros et l’ôtôritât episcopâla a la rèpression de l’hèrèsie (surtot cela catâra et vôdêse) – nomat sos dèlègâs avouéc l’encharjo de rechèrchiér et jugiér los hèrèticos; Inq. èspagnola, crèâye per Sixto IV (1478) sur solicitacion des sôverens d’Èspagne, avouéc lo fin de combatre los marranos (Juif èspagnols que fasévont semblar de sè convèrtir u cristianismo en sè bapteyent) et los moriscos (mahometans convèrtis avouéc la fôrce); Enq. romèna, estituâye per Pol III (1542) que consiste en una comission centrâla cardinalice, compètenta en matiére de fouè et a juridicion sur tot lo mondo crètie, lesquintes mètodes u comencement bien sevères alâvont plan plan s’adocir (vit oncor, mas complètament transformâye, coment Congrègacion por la doctrina de la fouè, avouéc lo devouèr de tutèlar la doctrina que concèrne la fouè et los costumos de tot lo mondo catolico).