Lo Trèsor Arpitan 3

Frâses

• Ragouèl devant jorn, u premiér chant du pôl, Pœr cachiér son bi-fely at fêt fére lo crox, Afin de l'entèrràr devant que 'l arbeyeye (vegneye l'ârba)... En câs que contre lyé tot frêd on le troveye. "Magâra, desêt-il, devant que seye jorn, Come les ôtros sèpt, n'alens lo trovar môrt." Ben que dens son èsprit roule cela pensiére, Una de ses sèrventes, u galop, vint lyé dére: "Tobie n'est pas môrt! 'l est san come un pêsson! 'Ls ant vu-lo du moment que préye en genolyon." [valor : 10]
  ècritura d'origina : Ragüel devan dzor, i premiê tsan di poù, Pe catsé son beau-feus l'at fét fére lo croù, Afin de l'interré devan que l'arbeyeye... In cas que contre llië tor fret in lo troveye. "Magara, dejet-ë, devan que sìe dzor, Come le s-âtre sat, n'allen lo trové mor". Binque din son espri roule cella penchére Euna de se servente, i galop, vint lei dëre: "Tobie l'est pa mor! L'est san come un peisson! L'an vu-lo di momen que preye in dzenoillon.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Tobie - 1859
  nota : Raguël avant l'aube, au premier chant du cop, Fit faire la tombe pour y mettre son beau-fils, Afin de l'enterre avant que l'aurore apparût, En cas qu'on le trouvât tout froid auprès d'elle. "Peut-être, se disait-il, avant qu'il soit jour, Comme les autres sept, nous allons le trouver mort". Pendant que dans son esprit roule ce souci Une de ses servantes au galop vient lui dire: "Tobie n'est pas mort! Il est sain comme un poisson! On l'at vu à l'instant qui prie à genoux".
  ---
• Ben que chiéz Ragouèl Tobie s'apllantâve, Son pâpa l'atendêt, et jamés 'l arrevâve. "Ah! revin, desêt-il, qu'atends-tu, mon garçon? Pœrquè revins-tu pas lo jorn dét a mêson? Magâra que la môrt, cela môrt afrontâye 'L arêt prês Gabelus! et la soma prétâye Épêr niœn la rendrêt". Et sè bète a plloràr. Màs sa fèna surtot, ren pôt la consolàr! "Hèlâs! sè desêt-el, n'ens mandâ viâ Tobie Pôt-étre pœr trovàr la môrt dens la Mèdie. [valor : 10]
  ècritura d'origina : Bin que tsi Ragüel Tobie s'aplantàve, Son papa l'attendzet, et jamë l'arreuvàve. "Ah! revin, dejet-ë, qu'atten-teu, mon garçon? Perquè revin-teu pa lo dzor deut a meison? Magara que la mor, cella mor affrontàye, L'aret prei Gabelus! Et la somma prëtàye Epei gneun la rendret". Et se bette a plaouré. Më sa fenna surtou, ren pout la consolé! "Héla! se dejet-ë, n'en mandà vià Tobie Peut-ëtre pe trové la mor din la Medie.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Abbé Jean-Baptiste CERLOGNE - Tobie - 1859
  nota : Pendant que Tobie s'arrêtait chez Raguël, Son père l'attendait, et jamais il n'arrivait. "Ah! reviens, disait-il, qu'attends-tu, mon fils? Pourquoi ne reviens-tu pas au jour dit à la maison? Peut-être que la mort, cette mort cruelle, Aura pris Gabelus! Et la somme prêtée Peut-être personne ne la rendra". Et il se met à pleurer. Mais sa femme surtout, rien ne peut la consoler! "Hélas! se disait-elle, nous avons envoyé loin Tobie Peut-être pour trouver la mort dans la Médie.
  ---
• Je retroveré magâra l'ombra de voutres vouèces Lé yô 'l ére la forêt d'adolèscence De noutros chôds-temps. [valor : 10]
  ècritura d'origina : Dze retrouveri magara l'ombra de voutre vouéce Lé yaou l'ëye la foré d'adoléssance De noutre ëtsaaten.
  Règ·ion : Vâl d'Aoûta
  Grafia : GDÔ, Grafia d'un ôtor.
  Sôrsa : Gal M. - A l'aberdjà - Vautherin Raymond - Supplément au NOUVEAU DICTIONNAIRE DE PATOIS VALDÔTAIN - 2019
  nota : Je retrouverai peut-être l'ombre de vos voix Là où il y avait la forêt d'adolescence De nos étés.
  ---
• La proposecion 'l at sembllâ cho·càr lo petiôd prince: – L'apelyér? Que drôla d'idâ! – Màs si te l'apelyes pas, llui vat de pertot, et vat sè pèrdre. Et mon ami 'l at fêt un novél cllafârdo. – Màs yô vôs-te que 'l alèye! – N'importe yô. Drêt devant llui... Adonc lo petiôd prince notat gravament: – Fét pas ren, enchiéz-mè 'l est tèlament petiôd! Et avouéc checa de mèlancolia, magâra, 'l at contenuâ: – Drêt devant sè si pôt pas alàr bien lluen... [valor : 10]
  ècritura d'origina : La proposechon l'at semblà choqué lo petsou prince: – L'appeillé? Que drola d'idà! – Më se te l'appeille pa, lliu vat dapertot, et vat se perdre. Et mon ami l'at fé un novë clliafardo. – Më yaou vou-te que l'allèye! – N'emporte yaou. Dret devan lliu... Adon lo petsou prince notà gravamente: – Féi pa ren, in tsë mè l'est tellamente petsou! Et avouë tsëca de malencolia, magara, l'at contenià: – Dret devan sé se pout pa allé bien llioen...
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : A. De Saint-Exupéry - lo Petsou Prince - Avouë le dessin de l'oteur - Tradui in patoé valdoten pe Raymond Vautherin - Wesakeditions - 2000
  nota : La proposition parut choquer le petit prince: – L’attacher? Quelle drôle d’idée! – Mais si tu ne l’attaches pas, il ira n’importe où, et il se perdra... Et mon ami eut un nouvel éclat de rire: – Mais où veux-tu qu’il aille! – N’importe où. Droit devant lui... Alors le petit prince remarqua gravement: – Ça ne fait rien, c’est tellement petit, chez moi! Et, avec un peu de mélancolie, peut-être, il ajouta: – Droit devant soi on ne peut pas aller bien loin...
  ---
• J'é de dôtes ètot dessus la colœr de son costumo. Adonc je chèrcho de m'arrengiér come mielx mè semblle. Je porré mè trompar ètot dessus cèrtins dètalys plles important. Mè cen fôdràt prod mè lo pàrdonàr. Mon ami balyêve jamés des èxpllecacions. Mè crèyêt magâra sembllabllo a llui. Màs mè, mâlherœsament, je su pas bon a vêre lo mouton chèco a travèrs les bouètes. Je su magâra checa come céls-ce plls grôs de mè. Je dêvo avêr vielyir. [valor : 10]
  ècritura d'origina : Dz'i de doute étot dessu la coleur de son costume. Adon dze tsertso de m'arrendzé comme miou me semble. Dze porri me trompé étot dessu certen détail pi importan. Më cen faoudret praou me lo perdonné. Mon ami baillave jamë de s-especachon. Me crèijet magara sembllablo a lliu. Më mè, maleureusamente, dze si pa bon a vère le maouton tseque a travë le bouëte. Dze si magara tsëca comme cice pi grou de mè. Dze dèivo avèi viëilli.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : A. De Saint-Exupéry - lo Petsou Prince - Avouë le dessin de l'oteur - Tradui in patoé valdoten pe Raymond Vautherin - Wesakeditions - 2000
  nota : J’hésite aussi sur la couleur de son costume. Alors je tâtonne comme ci et comme ça, tant bien que mal. Je me tromperai enfin sur certains détails plus importants. Mais ça, il faudra me le pardonner. Mon ami ne donnait jamais d’explications. Il me croyait peut-être semblable à lui. Mais moi, malheureusement, je ne sais pas voir les moutons à travers les caisses. Je suis peut-être un peu comme les grandes personnes. J’ai dû vieillir.
  ---
• La leçon que je balyêvo nen valyêt la pêna. Magâra vos vos demandâdes: Pœrquè lyés sont-ils pas, dedens cét lévro, d'ôtros dèssins si maj·èstuœx que cél du baobab? La rèponsa 'l est bien simplla: J'é cherchiê de lo fére màs je su pas étâ bon. Quand j'é fêt lo dèssin du baobab je su étâ animâ per lo sentement de fére vito. [valor : 10]
  ècritura d'origina : La leçon que dze baillavo n'en vaillet la pèina. Magara vo vo demandade: Perqué lèi son-të pa, dedin ci lëvro, d'atre dessin se majestuyeu que ci di baobà? La reponsa l'est bien simpla: Dz'i tsertsà de lo fére më dze si pas ëtà bon. Quan dz'i fé lo dessin di baobà dze si ëtà animà pe lo sentemen de fére vito.
  Règ·ion : Vâl d'Aoûta
  Grafia : NDPV, Nouv. Dic. de Patois Vald.
  Sôrsa : A. De Saint-Exupéry - lo Petsou Prince - Avouë le dessin de l'oteur - Tradui in patoé valdoten pe Raymond Vautherin - Wesakeditions - 2000
  nota : La leçon que je donnais en valait la peine. Vous vous demanderez peut-être: Pourquoi n’y a-t-il pas, dans ce livre, d’autres dessins aussi grandioses que le dessin des baobabs? La réponse est bien simple: J’ai essayé mais je n’ai pas pu réussir. Quand j’ai dessiné les baobabs j’ai été animé par le sentiment de l’urgence.
  ---