La Parola : oncora/encora
20487
definicion : -
nota : Pas encore = pas oncor(a)/p'oncor(a).
- Francês : encore
- Francês : aussi
- Francês : toujours
- Italien : ancora
- Italien : anche
- Italien : sempre
- Gramatica : advèrbo
- Varianta : oncora
- Varianta : oncœr
- Varianta : 'ncor (Pie)
- Varianta : oncora (GE)
- Varianta : oncora (VdA)
- Varianta : oncor (Pie)
- Varianta : oncor (VdA)
- Varianta : oncor (Vls)
- Varianta : œncor (Bjl)
- Frâsa : Des trenta jorns d'Avril plovésse ben trent'un,
farét p'oncor de dam a nion.
- Frâsa : La féta de la Chandelosa,
Los jorns crêssont d'un'hora,
Et lo frêd crêt ples oncora.
- Frâsa : Se fét solely lo jorn de Sent Ôrs,
L'hivèrn dure oncor quaranta jorn.
- Frâsa : Quand l'Italie vôt un plèsir de la France,
'l est en francês, ben sûr, que vat lo demandar;
Et, dês que l'at reçu, de sa bôna assistance,
Oncora en bon francês vat la remarciér.
- Frâsa : Et il sè passêt la lengoua sur les lavres, pôt-étre por lechiér les dèrriéres gotes de vin que s'y trœvant oncœr. Tœs los jouenos sè metéront a rire, màs pas trœp fôrt, por ne pas fére honta a la mariâ.
- Frâsa : Pèndànt qu'ils teriant du coutâ du bôrg, cetos-qué qu'avant menâ le tracassin trinquéront oncœr un côp, en souegnent la nœce s'en alar; et pués ils s'èn retornéront vers lyor. La vouètura que portêt la fœlyèta de vin réstét iqué; ele s'en alét la dèrriére, et revenét a la vêsenâ d'ont’que ele ét étêt parti.
- Frâsa : La lengoua lyé sè barjaque oncor dedens les ôtres valâdes et les cols cœme lo Petiôt-Sent-Bèrnârd, lo Grand, lou Mont-Cènis et dens cetes muens cognessus de les valâdes de Lans, Orc et Souana.
- Frâsa : *Ans d’aprés avens fêt un groupo de travâly, entèrnacionâl! Ensems l’effepi et tôs les parlants lengoua francoprovènçâla, por trovar una codificacion comena: ux jorns enqu'houé sens pas oncor "arrevâs".
- Frâsa : Côres luen de celi que vês nêr!
Il est bon que por dècoragiér.
Il est un malâdo, oncor pir;
Vôt pas gouarir, encoragiér.
- Frâsa : Blanchèta, t'és bâs!
Coment est-tu harbelyê?
Pantalon pèrs et jupon de velu.
Èh ben, je su p'oncor bâs.
Blanchèta, tè fôt bâs!
Coment est-tu harbelyê?
Chôces grises et jupon blanc.
Ce côp, mè fôt bâs.
- Frâsa : Por fâre lo pan o ventet oncor jountar la levâ.
- Frâsa : J'é oncor fam.
- Frâsa : Cen que pare-t lo frêd o pare-t oncor lo chôd.
- Frâsa : Ils roulâvont d'una tâla furia,
Et per bonhœr ils étévont enroulyês,
Ils fassévont oncora més de bruit
Qu'un bovèron atot cinq cents chevréls.
- Frâsa : Il deséve: "La poura matenâye!
Ma nobllèsse serat dèshonorâye
D'étre passâ(ye) per la man des cortiôds,
Oncora pir, por cela du borriô.
- Frâsa : Que derat-il, cél grand rê de France,
Los Holandês et lo prince d'Orange!
Que deront-ils oncora los Angllouès!
Ils sè riront du grand Duc de Savouè!
- Frâsa : Màs ele avêt oncor les uelys du côrp si obscurs que elle ne povêt contempllar Noutron-Sègnor en cièl.
- Frâsa : Dos anciens Dôfénouùs 'l y at uncor de la race;
'L y at oncora de gens que font tot avouéc grâce;
De nôbllos que lo reng, les charges, los emplouès
Ne rendont pas plles fiers que los simpllos borjouès;
- Frâsa : Or povéds pensar la très grant bontât que est en lui qui ensé at donât tot quant que il at sos amis. Oncor lor at il plles fêt, câr il lor at donâ sè-mémo, câr il los at fêts si béls et si glloriox que la Trinitât vêt châcun en sè, assé come un vêt en un bél merior ço que lui est devant. Et ço est la ècritura que éret en lo second fèrmél, yô avêt ècrit: "Mirabilis Deus in sanctis suis".
- Frâsa : En ço que il lyé parl(i)ét, il lyé dit apèrtament ni dèsirar ni querir ceta chousa: "câr, ço dit-il, ne vuel que tu mueres oncor". Iço lyé dit tant bènignament et tant amâbllament que o no lyé éret sembllent que ele avêt de la môrt lyé passàt tantout del côr et remanat en grant consolacion et en grant dèsir de més vivre al sèrvice de son bon crèator.
- Frâsa : Dœna-mè donc œncœr una assiétâ de sœpa.
- Frâsa : Lo cllopo-lé vat oncor bien vito.
- Frâsa : En agissent sur les orgânos des sens des membros du groupo d'ètude, céls divèrs fenomènos encontrâs a Yenan ant provocâs de sensacions et fêt surgir dens lors cèrvèles una sèria de rèprèsentacions, entre que s'est ètabli un liem d'aproximacion, un liem èxtèrno: èco lo premiér degrâ de la cognessença. A ce degrâ, les homos pôssont pas oncor èlaboràr des concèpts que sè pllaçont a des nivéls plles profonds, nion qu'a teriér des concllusions logeques.
- Frâsa : On possiéve pas cognetre d'avança, adonc que la sociètât 'l ére oncora fèodâla, la louè de la sociètât capitalista, puésque lo/le capitalismo ére pas oncor aparu et que la prateca corrèspondenta mancâve.
- Frâsa : A l'època du capitalismo libèrâl, Marx possiéve pas cognetre d'avança, concrètament, cèrtênes louès prôpres a l'època de l'empèrialismo, puésque l'empèrialismo, fâsa supèriora du capitalismo, 'l ére pas oncora aparu et que la prateca corrèspondenta mancâve; justo Lènino et Stalino ant possu sè chargiér de ceta tâche.
- Frâsa : Por metre en èvidença lo mouvement matèrialisto-dialècteco de la cognessença (mouvement de l'aprofondissement progrèssif de la cognessença) que sôrt sur la bâsa de la prateca que transforme la rèalitât, nos alens oncora donàr quârque ègzempllo concrèt.
- Frâsa : Il fôt solégnér HIK doux pouents importants.
Lo premiér, de què y at ja étâ quèstion et sur què il convint de retornàr oncora, il est la dèpendença de la cognessença racionèla per rapôrt a la cognessença sensiblla.
- Frâsa : La cognessença comence avouéc la prateca; aprés avêr aqueri, a travèrs la prateca, de cognessences tèoreques, on dêt oncora retornàr a la prateca.
- Frâsa : S'il sè trète d'un mouvement sociâl, los veretâbllos dirigients rèvolucionèros dêvont pas justo savêr corregiér les èrrors que sôrtont dens lors idâs, tèories, pllans ou projèts, selon cen que nos ens dét devant, il fôt oncor, quand un procèssus objèctif progrèsse et passe d'un degrâ de son dèvelopement a un ôtro, qu'ils séssont capâbllos lors-mémos et tuéts céls que participont a la rèvolucion avouéc lors, de siuvre cé progrès et cé passâjo dens lor cognessença subjèciva, o-est-a-dére...
- Frâsa : Cetes gens vèyont pas que la luta des contrèros at ja fêt avanciér lo procèssus objèctif et que lor cognessença réste oncor u degrâ de devant.
- Frâsa : A l'època yô l'humanitât entiéra entrepregneràt de façon conscienta sa prôpra transformacion et la transformacion du mondo, seràt l'època du comunismo mondiâl.
A travèrs la prateca dècuvrir la veretât et oncora a travèrs la prateca confirmàr la veretât et la dèvelopàr.
- Frâsa : O est lé un procèssus de la cognessença. O est lo premiér degrâ du procèssus gènèral de la cognessença, lo degrâ du passâjo de la matiéra, qu'él est objèctiva, a l'èsprit, qu'il est subjèctif, de l'êtro a la pensâ (donca les tèories, la poleteca, los pllans, los moyens d'accion imaginâs) reflètont corèctament les louès du mondo objèctif; o est pas oncora possibllo de savêr s'ils sont justos ou pas.
- Frâsa : En passent per lo forn de la prateca, la cognessença humèna fét donca un ôtro sôt, de significacion oncora plles importanta que lo prècèdent.
- Frâsa : Pœr mè fére sietàr mè balye una brèlèta;
Sur la tâblla, tot setout, 'l èpate una sèrguèta;
Mè presente, avouéc grâce, un fromâjo pequent,
Fêt de huét jorns devant, et franc bon pœr mes dents,
Et gruviére, et fontena encora quâsi entiére,
Et de burro sorti frèque de sa burriére,
Un'ècuèla de crâma, un'ôtra de calyê;
Et j'é trovâ bien bon tot cen que m'at balyê.
- Frâsa : Niœn 'l aviêt encor vu de batalyes pariér!...
A Morin lyé dècape un des pièds de dèrriér;
Adonc on sent criàr: Fribôrg! Fribôrg!... la rêna!
Tot gent!... lo mot 'l est p'encor dét a pêna,
- Frâsa : U ménten du flloc passens encor nos.
- Frâsa : Monsiœr.
Come les compliments sâvont pas tuéts les fére,
Je penso houé de prendre un chemin bien plles cœrt,
Et vos dére en doux mots: pœr mè v'éte un bon pére;
Je vos âmo de tot mon cœr.
Sur voutra bâblla prod garnia
Féde checa pllace a cét pan.
'L est pas bien grôs, féde èconomia,
Que n'èyâd encor dens cinquant'ans.
- Frâsa : Ben que la colossie s'atanche,
Et que de rebiolon s'empllét;
Outre-delé les bèques bllanches,
Frére, agouéte en drêt de mon dêgt:
Lluen de cél têt cuvèrt de palye,
Lo ramonœr encor petiôd,
Dens Turin côrt, crie et travalye
Pe possêr gâgnér doux-três sous.
- Frâsa : Magoton: "Te tè trompes, ma chière."
Aguèta: "Je vodriô pués oncor vêre!...
Lo matin j'é tochiê, la pola 'l aviêt l'ôf."
Magoton: "'L at pas fêt l'ôf chiéz nos; di tot come te vôs."
- Frâsa : Un an 'l ére passâ, 'l ére tôrna lo mês de mê,
Tè, viâ per les prâts vèrts te cuelyâves de fllors,
Et prègiâve lo patouès 'nco un ço lo bretionent,
Come les barbissots qu'ils sont nèssus en Ayâs.
- Frâsa : Tot alâve encor bien, quand tot d'un côp la môrt,
Du rê Salmanassar vint chavonàr les jorns.
Son fely Senahèrib du trôno prend la pllace,
Et les bagues, tot setout, ant tot veriê de face.
- Frâsa : Bèle que te la sâs plles longe que mè, je pouè encora t'ensègnér quârque-chousa.
- Frâsa : 'L est encor bèle bien fêt a rire.
- Frâsa : Adonc lo bon crêssient, recevent cél mèssâjo,
At tot subitament dèpllètâ son vesâjo.
Sa fèna, qu'avouéc llui, fesêt un mémo cœr,
Benéssent lo Bon Diœ, partage son bonhœr,
Ragouèl devant llui fét venir sa famelye:
"Houé chavone, dit-il, lo long brun de ma felye;
Alâdes, devant jorn, vito combllar lo crox;
Grâce a Diœ 'l est pas môrt; il vit encor; tant mielx!
Ora je vâ content tuàr doves moges grâsses,
A quatro moutons grâs, nan, je lœr fâ pas grâce.
- Frâsa : Lé tot setout Ragouèl vat fére lo partâjo.
"Tin, la mêtiêt, dit-il, de tot mon héretâjo.
Un viâjo Ana et mè môrts, tè vindràt l'ôtra pârt;
Va, mon fely, je vuel pas tè retenir plles târd!
Que l'Ange du Bon Diœ, mes enfants, vos guideye,
Afin que niœn mâlhœr en chemin arreveye.
Mè fôt donc vos quitàr! Màs j'èspèro qu'un jorn
Nos porrens vos revêre encor devant la môrt".
- Frâsa : Tobie, en legrement, embrace son biô-pére;
Sarra, les lârmes ux uelys, bèse encor un côp sa mére.
Enfin, s'en vant tuéts doux tranquilos a lœr mêson,
Combllâs de grants recheces et de bènèdiccions.
Aprés bien de chemin, l'Ange dit a Tobie:
"celya/cé-y-at partagens-nos en doves compagnies;
Lœr pôvont pas marchiér; nos doux passens devant.
- O est veré; v'éd franc rêson; lœr vegnont pués tot pllan."
- Frâsa : Nos povens pas cachiér lo fen, 'l est encora tot bllèt.
- Frâsa : 'L est encor de vielye tempra/trempa.
- Frâsa : Encor lo diâbllo s'emmèle ora!
- Frâsa : Et alœra, lo Bon Jèsus o at encor dét: "SI, vosôtros beyerédes avouéc mon calice et avrédes avouéc mon baptêmo, mas je-jo je gnint desidre qui qu'o seràt assetâ a mia drête et qui a mia senehta. Céls pôhts iqué, ils sont ENVIONâ pœr céls-qué qu'o decidet Nouhtro-Sègnor".
- Frâsa : Lo jœrn d'enq'houé o sè fét encor les chemises mas éls sè CONFONT a machina et les pichèts ils sè HTIRONT ENTO lo fèr èlèctric.
- Frâsa : Il at fêt èncœr una bugiê, API il est môrt.
- Frâsa : Il at broulâ èncœr un côp.
- Frâsa : Ècuelèt de la bârba grise,
Gouéro j'é encor des ans a vivre?
Ou gouéro j'é-jo encor de sous en secoche?
- Frâsa : Ça petita rècôlta de articllos lyé vôt dére que atacâ la tradicion et la mèmouère des temps passâs sè dêt enôvràr-sè la lengoua déns les activitâts de tuéts les jorns et se anôvrens de noms nôvos vôt dére que la lengoua l'est pas 'cor môrta!
- Frâsa : Noutra montagna 'l ât 'cor possibilitât de donàr-nos a vivre, trôvens noutres rés, enôvrens noutra lengoua, enôvrens noutros savêrs et adaptens-les ux temps.
Avens 'cor de cârtes a jouyér, agouétens cen que ils ant fêt noutros vielys et vivens francoprovènçâl.
- Sinonimo : adés
- Sinonimo : asse
- Sinonimo : assé
- Sinonimo : si (adv.)
- Sinonimo : asse-ben
- Sinonimo : avouéc
- Sinonimo : atot (d'-)
- Sinonimo : étot/atot
- Sinonimo : nan plles
- Sinonimo : giére
- Sinonimo : arriér
- Sinonimo : arriér-més
- Sinonimo : asse-més
- Sinonimo : tot-pariér
- Sinonimo : ègalament
- Sinonimo : mémo (de -)
- Sinonimo : tot-adés
- Sinonimo : tojorn
- Sinonimo : semper
- Sinonimo : tot-du-long
- Sinonimo : de-long
- Sinonimo : tot lo temps
