La Parola : pllèsir, pllèsirs
21271
definicion : -
- Francês : plaisir
- Italien : piacere n.
- Gramatica : nom mâlo
- Varianta : plèsir (Pie)
- Varianta : pllèsir (Pie)
- Varianta : pllèsir, pllèsirs (GE)
- Varianta : pllèsir, pllèsirs (Dfn)
- Frâsa : Quand l'Italie vôt un plèsir de la France,
'l est en francês, ben sûr, que vat lo demandar;
Et, dês que l'at reçu, de sa bôna assistance,
Oncora en bon francês vat la remarciér.
- Frâsa : Ben que les rês, dens l'abondance,
Passont lyors jorns dens les plèsirs,
L'Enfant Jèsus, dens la sofrance
'L at quâse ren por sè cruvir.
- Frâsa : Cél que mèprise les plèsirs,
L'or et l'argent, 'l est son ami.
- Frâsa : On acuelyat de la palye enfarâye
Diens los fossês, qu'est bentout alumâye.
On guètéve avouéc yn grand pllèsir
Que la frèyœr los avêt tôs sêsis.
- Frâsa : A Grenobllo, surtot, los pllèsirs comenciêvont,
Lo bon temps revegnêt, los bits s'aprevèsiêvont;
Les gens de qualitât payêvont los marchands;
Se vos voliâd de sous, vos 'n aviâd sur-lo-champ;
- Frâsa : Musa, ne mè fui pas, vê-ce bien d'ôtres ôvres.
Âs-tu quârque chagrin? Te fâs los grouens, te pllôres.
Je fouè ce que je pouè pœr tè fâre pllèsir.
Tin-mè donc compagnie tandis que j'é lèsir.
- Frâsa : D'icé la seconda quèstion. L'arpitan, come totes les lengoues minoritères, est, u moment actuèl, un conjuent de dialèctos bien difèrents entre lors et, bien sovent, los mémos arpitano-parlents ant mâltemps a sè comprendre. Èvident que l'adopcion de grafies dialèctâles de tipo fonètico ètrêt feni atot la reproduccion des mémos problèmos de entèrcomprèansion que y ant por la comunicacion orâla. En plles, quand sè trète d'un tèxto ècrit, que seye pas una simplla pancârta de quatro paroles, la nècèssitât de sè rèpètar a vouèx hôta parola por parola por chèrchiér de la comprendre dètruit complètament lo pllèsir de la lèctura; et una lèctura sens pllèsir nion la fét.
- Frâsa : Le Jœsèf sèntét qu'il falêt arrèngiér los aféres. Il rèpondét sèn sè fâchiér: "Un vêrro de vin nœs ferat bièn pllêsir. Màs il est pas prœd; nœs vodrans bièn que la mariâ nœs dœne a châcun una fllœr de son boquèt de nœce. Aprés nœs ne l'ennœyerens pas més. Nœs la lèssierens s'èn alâr bièn tranquila."
- Frâsa : Le Jœsèt, qu'étêt contènt de lyé fére pllèsir, lyé rèpondét: "Je vôl ben. Màs te payerés quànd mémo a bêre. Ôtramènt, los ôtros ne serant pas contènts."
- Frâsa : ... mè que j'éro tant fêt a rire, je pregno pas més pllèsir a ren, tot cen que je ménjo mè semblle amàr come de bènèfôrt...
- Frâsa : Aguèta: "Je vodriô vos dére una chousa:"
Magotono: "Et doves se vos fét pllèsir!"
Aguèta: "Ma polalye, 'l y at pas pousa,
Arêt fêt l'ôf dens voutro nid."
- Frâsa : - Voléd-vos, bon garçon, mè fére un grôs pllèsir?
- Ouè, ouè; bien volontiér, mémo doux se je pouè.
- Inque-lé mon garçon 'l at un voyâjo a fére;
Vodriâds-vos vos chanrgiér de llui sèrvir de pére
Et de bon compagnon lo long de son chemin,
Ben que vat, d'un belyèt, teriér cen que mè vint?
- Frâsa : J'é bèle fôta d'un grôs pllèsir de tè.
- Frâsa : Je tè fio de bon-lèf cét pllèsir.
- Frâsa : P'avanciér lo pllèsir d'embraciér son garçon
Lo bon crêssient sè dèrt, vôt sortir de mêson.
Tobie arreve adonc... Son pâpa en tâtonent
Lo sârre entre ses bèrs, màs prègiér possêt ren!
Tegnêt, en cél moment, un tot ôtro lengâjo:
Il molyêve, en pllorent, de son fely lo vesâjo.
A la fin 'l at teriê du drêt fond de son cœr
Céls-ce mots: "T'és venu!... Benéssens lo Sègnœr!"
- Frâsa : Dês inque Tobie part, vat dére a ses parents
Coment llui sont venus, en cél jorn, tant de biens!
"Cél garçon, llui dit-il, conductœr de Tobie,
At fêt venir chiéz nos de grants biens de Mèdie...
Venédes a ma mêson, fédes-mè cél pllèsir:
Je vuel fére un denâ pœr tuéts noutros amis.
Dês grant-temps de mon cœr la jouèx s'ére alâye,
Et houé, come mon fely, la jouèx m'est retornâye."
- Frâsa : 'L est ja bien pousa qu'ategnens
Voutra veniua. Oh! Que pllèsir!
Entrâdes, entrâdes! Bèles gens!
- Sinonimo : confôrt, confôrts
- Sinonimo : agrèment, agrèments
- Sinonimo : jouyo, jouyos m.
- Sinonimo : jouye, jouyes f.
