La Parola : apelyér
27840
definicion : -
- Francês : attacher
- Italien : attaccare
- Gramatica : vèrbo 1 b [-(i)ér : lèssiér]
- Frâsa : D'ôtros côps les cemetiéros ils évont apelyês a l'égllése ou, bien sovent ils évont pllaciês sot lo de l'égllése.
- Frâsa : Logiér chiéz Ragouèl, 'l est llui que m'at menâ;
J'ariô pas sensa llui, pœr ma fèna, Sarra!
Lluen, lluen dens un dèsèrt 'l at apelyê lo diâbllo,
Dèlivrâ celes gens d'un ètat dèpllorâbllo.
'L at cllôs gôrge u pêsson que vegnêt m'èpoueriér;
Et vos, remarciédes-llui, v'édes tornâ bien clleriér".
- Frâsa : Apelyér un sargalyon u côl du chat.
- Frâsa : Apelyér un mulèt u charrèt.
- Frâsa : Apelyér a un cllou. Apelyér avouéc un cllou, una boclla, un boulon, una visse, una côrda, una correya, una chêna, una ficèla, un lliem.
- Frâsa : Apelyér avouéc de côla. Apelyér doves bagues ensembllo.
- Frâsa : Tornàr apelyér les folyèts d'un lévro.
- Frâsa : Apelyér les mans d'un prêsoniér.
- Frâsa : Apelyér les vaches, lo mulèt u bouél.
- Frâsa : Cela vache 'l est pas bien apelyêye.
- Frâsa : Cela poura chiévra 'l est tojorn apelyêye outre u vèrgiér.
- Frâsa : Âs-tu pués bien apelyê lo mulèt?
- Frâsa : És-tu sûr que la côrda seye bien apelyêye.
- Frâsa : Apelyér un'afiche.
- Frâsa : Apelyér lo vagon du tren a la locomotiva.
- Frâsa : Apelyér un câdro u mur.
- Frâsa : Pœr fére réstàr quièt cet menât, mè fôdrêt lo apelyér tot lo jorn a una côrda.
- Frâsa : Lo prês 'l at apelyê u fond de la chôdiére.
- Frâsa : La côla apelye ux dêgts.
- Frâsa : Céls-ce doux sont tojorn apelyês.
- Frâsa : 'L est réstâ apelyê a una.
- Frâsa : Je mè la su apelyêye dur u bouégno.
- Frâsa : Quand y/ils èvant p'encor de machines lo demârs tuéts les campagnârds vegnévont en Vela u marchiê avouéc lœrs mulèts et lœrs âno: et ment que fesiant les comissions 'ls aviant l'habetude d'apelyér les bétyes ux fèrrâs des fenétres de mêson comena.
- Frâsa : Apelyér les brots de la vegne. Lliyére la vegne
- Frâsa : Apelyér la France. Apelyér la Grise.
- Frâsa : Apelyêvont drêt bâs per la comba pœr fére plles vito.
- Frâsa : Âs-tu vu Sèrmo? Ouè, 'l at apelyê lo chemin des vegnes.
- Frâsa : Drêt que m'at vu, lo chamôs 'l at apelyê lo bouesc come la "piérra-fudra".
- Frâsa : Apelyér per lo méten des prâts.
- Frâsa : Céls-ce velachus apelyêvont per les prâts come se fussont a lœr.
- Frâsa : Apelyér drêt sus per lo coutâr.
- Frâsa : Les alpinistos 'ls ant apelyê la bèca.
- Frâsa : Apelyér lo vôlo bâs per la charriére.
- Frâsa : Apelyér lo lambo.
- Frâsa : Apelyér lo chemin de mêson, du métyo.
- Frâsa : Aprés cen que 'l est acapitâ, 'l at apelyê lo chemin de mêson et 'ls ant pas tornâ lo vêre.
- Frâsa : Je partéssiô lo matin a três hores ètot mes amis et nos apelyians sus per la couta de Charvènsô.
- Frâsa : Apelyér fuè ux bouessons.
- Frâsa : Lo bouesc 'l ére bllèt, màs lo fornèt teriéve: lo fuè 'l at apelyê quand-mémo.
- Frâsa : La marmita apelye u fond.
- Frâsa : Apelyé lo fuè a la palye, u gouepiér.
- Frâsa : Avouéc ses cabotures 'l at apelyê lo fuè a la palye et sè sont tuéts betâs a s'ensurtàr.
- Frâsa : Apelyér rusa.
Fôt pas apelyér rusa dens la mêson des ôtros.
- Frâsa : És-tu franc apelyê sur cela caréya que te vôs pas mé tè levàr?
- Frâsa : Pœr diéx jorns ma via 'l est étâye apelyêye a un fil.
- Frâsa : Je pouè pas alàr mè promenàr avouéc vos, je su trop apelyê avouéc les vaches.
- Frâsa : Dens tot lo chôd-temps je pouè pas fére un jorn de féta, je su trop apelyê per lo travâly.
- Frâsa : Apelyér una maladie.
Apelyér de pioly.
M'at apelyê des pioly.
- Frâsa : Je mè sentiô pas bien, màs j'é apelyê quand mémo a seyér.
- Frâsa : Apelyens se nos volens fenir.
- Frâsa : Apelyes-nos la repelye?
- Frâsa : Apelyér l'âno yô que vôt lo mêtre.
- Frâsa : Ceta fèna semblle un mojon apelyê a la rèche.
- Sinonimo : atachiér
- Sinonimo : agllètar
- Sinonimo : gllètar
- Sinonimo : liyér
- Sinonimo : gropar
- Sinonimo : acovar
- Sinonimo : rapondre
- Sinonimo : comenciér
- Sinonimo : envionar
