Nôva rechèrche

Vêre tot

La Parola : gelena, gelenes
18738

definicion : Femèle de l'èspèce domèstica de gallinacês (Gallus gallus), usél de bâsa-cort avouéc les âles côrtes et arriondies, avouéc la cova côrta et petiôda crèta dentèlâye, èparselâye dens lo mondo entiér, èlevâye por sa chèrn et por ses ôfs.

nota : Sè trôve, u sens de "poule/gallina", la parola GELENA que rèmonte règulièrament a GALLINA, mas en Suisse Romanda sè trôve una varianta, GENELYE. Lo colèctif POLALYE "volaille/pollame" at fini per dèsignér la GELENA/GENELYE dens nombrox parlars.

  • Francês : poule
  • Francês : geline, gelines
  • Italien : gallina
  • Gramatica : nom femenin
  • Varianta : gelena, gelenes (Pie)
  • Varianta : gelena, gelenes (VdA)
  • Varianta : gelena, gelenes (Vls)
  • Frâsa : Sent Luc la nê dèrriér a lo suc et les gelenes o vont a joc.
  • Frâsa : La cllosse at dèpitâ (abandonâ son nid).
  • Frâsa : La nê que chêt lo mês de Fevriér. La gelena l'importe avouéc lo pied.
  • Frâsa : La gelena chante, jaquete, crosse, cove, penace, pegnét, bècasse.
  • Frâsa : La gelena jarrete los vèrms.
  • Frâsa : Les gelenes bombardont.
  • Frâsa : La gelena et ses pugins.
  • Frâsa : La crèta, les piôtes, la cova, lo bèc, les plomes, les âles, lo petro de la gelena.
  • Frâsa : Lo joc des gelenes.
  • Frâsa : Les gelenes vant a joc.
  • Frâsa : Les gelenes sont sôtâyes bâs du joc.
  • Frâsa : Cllôre les gelenes dens lo polalyér.
  • Frâsa : Plomar una gelena
  • Frâsa : Bolyon de gelena.
  • Frâsa : Alar dromin come les gelenes.
  • Frâsa : Lo nuet vant dromir vito come les gelenes: se sât que lo matin l'ant pas més de sono. Mas l'est quand mémo pas una rêson por fére levar oncor-mè a quatr'hores du matin.
  • Frâsa : alar gouardar les gelenes a l'encurâ. Muere, morir.
  • Frâsa : ... lo mien pèrsonâjo l'est étâ lo ples mâlherox et lo ples pouro homo de cet mondo... Je dio l'est étâ, porquè ora, MonDiô-mè, l'est en cârro oncor-lui, l'est alâ gouardar les gelenes a l'encurâ, come on dit...
  • Frâsa : Se les gelenes s'èpiolyont et se lo chat passe la pata dèrriér lo bouégno, fèna, beta pas buya.
  • Frâsa : Quand les gelenes fant "govèt" ou sè (en)vortolyont marque l'oura; et quand sè èpiolyont, marque la ploge.
  • Frâsa : La gelena dêt pas chantar devant lo pôl.
  • Frâsa : La premiére gelena que chante l'est cela que l'at fêt l'ôf.
  • Frâsa : Les gelenes jaquetont dens la cort.
  • Frâsa : Una genta covâ de pines.
  • Frâsa : Cela covâ l'at ples de polèts que de pines.
  • Frâsa : Les gelenes punaciont n'importe yô.
  • Frâsa : Les gelenes l'ant punaciê devant les métyos.
  • Frâsa : Punace des gelenes, des uséls.
  • Frâsa : Les gelenes bècassont.
  • Frâsa : Lo velâjo l'est tèlament hôt - que l'on vêt les ètêles de jorn. - Les gelenes fant sovent de sôts - por bècassiér celes chouses d'or.
  • Frâsa : La gelena que bècasse son pôl, bècasse pas lo mochèt.
  • Frâsa : Betar les gelenes a joc.
  • Frâsa : La gelena l'at dét u pôl - que l'ére sur lo joc lé a coutâ - Et sè crèyéve lo rê du polalyér...
  • Frâsa : Un bolyon de chèrn de vache, de moge, de gelena.
  • Frâsa : Gèrman lo talyor alâve tués los jorns dromir a l'hora des gelenes et sè rèchiéve u chant du pôl.
  • Frâsa : Il est jamés alâ ples luen que l'hèrba des gelenes
  • Frâsa : Quél-lui fét pissiér les gelenes.
  • Frâsa : Avêr la pél des gelenes.
  • Frâsa : La pél de la gelena.
  • Frâsa : Sâde-vos qui l'at lo ples grôs mochior de la tèrra? La gelena, sè frote lo bèc per tèrra.
  • Frâsa : Por sè tenir en d'endrêts d'ense, fodrêt fèrrar les genelyes.
  • Frâsa : Pas més des gelenes, Pas més des cocœns.
  • Frâsa : Des femèles que subllont, Des gelenes que chantont come les pôls, Des pôls que font les ôfs, Fôt s'en dèfére plles vito que on pôt.
  • Frâsa : La gelena carcasse, va vêre 'l at fêt l'ôf..
  • Frâsa : Je sé pas cen que 'ls ant celes gelens a carcassiér pariér!
  • Frâsa : Les gelenes dègrèyont.
  • Frâsa : La gelena croque.
  • Frâsa : La premiére gelena qui câcâle, 'l est cela qui 'l at fét lo coquin.
  • Frâsa : Lo petro des gelenes, des uséls.
  • Frâsa : Lo mochèt 'l at èssarvagiê les gelenes.
  • Frâsa : Lo mochèt porte viâ les gelenes.
  • Sinonimo : polalye f.
  • Sinonimo : cllosse
  • Sinonimo : genelye
  • Sinonimo : gerena
  • Sinonimo : pila²
  • Sinonimo : pipi m.
  • Sinonimo : covasse
  • Sinonimo : clloca
  • Maqueta : gelena
  • Ètimologie : gallina