La Parola : hiôt/hôt, hiôta/hôta, hiôts/hôts, hiôtes/hôtes
19010
definicion : -
nota : h(i)ôt, -a pas haut bassèt, -a (mot rare) le haut, le sommet sonjon (répandu) en haut en-hôt (pas général) en haut, vers le haut (d')amont un peu plus haut qu'ici d'amont-lé (local, surtout alpin) (tout) droit en haut drêt-hôt (alpin) hautes eaux égouâjo m. (local)
- Francês : haut
- Italien : alto
- Gramatica : adjêctif
- Gramatica : nom
- Varianta : hiôt, hiôta, hiôts, hiôtes (GE)
- Varianta : hôt, hôta, hôts, hôtes [Bjl]
- Varianta : hiôt, hiôta, hiôts, hiôtes [Bjl]
- Varianta : hôt, hôta, hôts, hôtes [Pie]
- Frâsa : Ceta-qué n'en menêt pas lârjo; ele bèssiét la téta et sos uelys pelyonéront come se ele alêt plœrar. El étêt gonflla. Le mariâ, que regardêt sa mia du couen de l'uely, s'en apèrcevét. El ut un côp u cœr. Il parlét un pou hiôt: "Què qu'il vœs fôt de més? Y at-il quàrqu'yon que vuelyont un ôtro vêrro de vin?"
- Frâsa : D'un ètâbllo qu'ils avévont forciê,
Et d'un pètârd qu'ils avévont teriê,
Ils cudiêvont dejâ étre a chevâl;
Ils ne furont pas assé montâs hiôt.
- Frâsa : "Nos vegnévons por fâre santa mèssa,
A Sant-Pierro, le plles hiôt de la vela.
A Sant-Gèrvês et pués a Sant-Gèrman;
Ouè, sens falyir, Monsior le Tabazan."
- Frâsa : Y en avêt yon qu'il avêt bârba rossa,
Que fit quâsi rire tota la tropa;
Il deséve qu'il ne voléve pas
Per un vâlèt, étre tant hiôt montâ.
- Frâsa : Lo velâjo 'l est tèlament hôt - que l'on vêt les ètêles de jorn. - Les gelenes fant sovent de sôts - por bècassiér celes chouses d'or.
- Frâsa : Iqué, ils recœmènciéront lyœrs grimaces. Quànd la nœce sè fit vêr lé-amont èn hôt, il sè metét a petâr sur les caces et les cacerœles ; il menêt un pœtin a crevâr les œrelyes. Le vin vielyo fesêt son èfèt.
- Frâsa : D'icé la seconda quèstion. L'arpitan, come totes les lengoues minoritères, est, u moment actuèl, un conjuent de dialèctos bien difèrents entre lors et, bien sovent, los mémos arpitano-parlents ant mâltemps a sè comprendre. Èvident que l'adopcion de grafies dialèctâles de tipo fonètico ètrêt feni atot la reproduccion des mémos problèmos de entèrcomprèhension que y ant por la comunicacion orâla. En plles, quand sè trète d'un tèxto ècrit, que seye pas una simplla pancârta de quatro paroles, la nècèssitât de sè rèpètar a vouèx hôta parola por parola por chèrchiér de la comprendre dètruit complètament lo pllèsir de la lèctura; et una lèctura sens pllèsir nion la fét.
- Frâsa : Les uséls bâs sentont la plloge;
Les uséls hôts sentont lo bon temps.
- Frâsa : Nos non trovens pas que ele volét onques de ceta vision rèvèlar ôtres chouses mâques, tant que de celes très hôtes et secrètes dèmonstrances que Noutron-Siro lyé dèmostràt la compagnie de sos glloriox sents, ele non o porrêt rècontar ni comprendre.
- Frâsa : Ouè, màs cen que 'l est pèrmês a niœn, 'l est de sè betàr a fére, come v'éd fêt, de dèmonstracions publeques et de tenir a hôta vouèce de discors rèvolucionèros.
- Frâsa : Hôt come una meya,
Bâs come una fèya,
Dox come de miél,
Amàr come de toxo.
- Frâsa : Pués él crèsséve la pllanta qu'él venévet hôta fin a plles de doux mètros.
Ol éret les femèles et les mâhcllos.
Les femèles éls éront plles pétiôdes et plls subtiles et éls sè cuelyévont dovant, atôrn la mêtiêt de septembro.
Les mâhcllos ils sè talyévont, con la mêssouêre, u mês d'octobre: ils âvont la sement et ils sè picâvont en cema un flloriér pœr fâr-la sortir.
- Sinonimo : grand/grant, granda/grand/granta/grant, ..., ...
